Yeremia 4:19 - An Bibel Kernewek 20234 (Kernewek Kemmyn)

¹⁹ Ow holodhyon, ow holodhyon! my a omwen yn payn, fosow ow holonn a lamm; ow holonn a wra tros ynnov; ny allav tewel; rag my re glewas son an hirgorn, ow enev re glewas an tros a vresel.

Yeremia 4:19 ပူးပေါင်းရင်းမြစ်များ

Jenesis 49:6

Na wres o enev entra yn aga hevrin; na vedhes ow enor kesunys gans aga huntelles; rag yn aga sorr i a ladhas gour, war-lergh aga sians i a evredhis tarow.

2 Myghternedh 4:19

Ev a leveris dh'y das, ‘Ow fenn, ow fenn!’ An tas a leveris dhe'n gwas, ‘Dog e dh'y vamm.’

2 Myghternedh 8:11

Hag ev a viras stag orto ha lagatta erna borthas meth, ha gour Duw a oelas.

Salmow 103:1

Bennik an Arloedh, ow enev, ha pup-tra eus ynnov, bennik y hanow sans.

Salmow 116:7

Dehwel dhe'th powesva, ow enev, rag an Arloedh re beu da orthis.

Salmow 119:136

Ow dewlagas a dhewrak gans goverow a dhowr drefenn na synsir dha lagha.

Salmow 119:53

Konnar a'm dalghennas drefenn an debeles, an re a forsak dha lagha.

Salmow 146:1

Gormelewgh an Arloedh. Gormelewgh an Arloedh, ow enev.

Salmow 16:2

My re leveris dhe'n Arloedh ‘Ty yw ow Arloedh, nyns eus genev travyth da a-der ty.’

Ysay 15:5

Ow holonn a gri rag Moab; hy fowesigyon a fi bys Soar, bys Eglath-shelishiya. Yth ons yn-bann owth oela war an fordh-yskynna dhe Luhith; war an fordh dhe Horonaym i a dhrehav garm a gollva.

Ysay 16:11

Rakhenna ow holodhyon a hanas avel sowtri rag Moab, ha'm kolonn rag Kir-heres.

Ysay 21:3

Rakhenna ow diwglun yw leun a grena, gloesow a'm kemmeras kepar ha gloesow dineythi; troblys ov ma na allav klewes, ha dyegrys ov ma na allav gweles.

Ysay 21:4

Ow holonn a's teves penn-dro, degrena re'm dalghennas; an tewlwolow a hwansen re dheuth ha bos skruth dhymm.

Ysay 22:4

Rakhenna my a leveris, Mirewgh dhe-ves dhiworthiv, my a oel yn hwerow. Na assayewgh ow honfortya drefenn terroes myrgh ow fobel.

Yeremia 13:17

Mes mar ny vynnowgh y glewes, ow enev a wra oela yn tylleryow kevrinek drefenn agas balghder; ha'm lagas a wra oela yn hwerow, ha resek gans dagrow, drefenn flokk an Arloedh dhe vos kemmerys avel kethyon.

Yeremia 20:9

Ena my a leveris, ‘Ny'n kampoellav, na kewsel namoy yn y hanow.’ Mes ynnov yma neppyth haval dhe dan ow leski deges y'm eskern, ha skwith ov owth omfronna, ha ny allav y berthi.

Yeremia 23:9

A-dro dhe'n brofoesi: Ow holonn ynnov yw terrys, ow eskern oll a gren; avel gour medhow ov, hag avel gour fethys gans gwin, drefenn an Arloedh, ha drefenn geryow y sansoleth.

Yeremia 4:21

Pes termyn y hwelav an baner, ha klewes son an hirgorn?

Yeremia 4:5

Derivewgh yn Yuda, ha deklaryewgh yn Yerusalem, ha leverel: Hwythewgh an hirgorn y'n tir; kriewgh yn ughel ha leverewgh, ‘Omguntellewgh, hag entryn y'n sitys kerys!’

Yeremia 42:14

ow leverel, “Na, mes ni a vynn mos yn pow Ejyp, le ma na welyn bresel, na klewes son an hirgorn, na bos nownek rag bara, hag ena y trigyn”,

Yeremia 49:2

Rakhenna otta, an dydhyow a dheu, yn-medh an Arloedh, pan wrav an arm a vatel dhe vos klewys erbynn Rabba a'n Ammonysi; y fydh krug difeyth, ha'y threvow a vydh leskys gans tan; ena Ysrael a dhiserit an re a wrug y dhiserita ev, yn-medh an Arloedh.

Yeremia 50:22

Yma tros an vatel y'n tir, ha distruyans meur!

Yeremia 6:24

‘Ni re glewas son anodho: diweres yw agan diwleuv: angoes re'gan dalghennas, ha poen avel benyn yn gwelivesi.

Yeremia 8:18

Nyns eus eli rag ow anken; ow holonn yw klav.

Yeremia 8:21

Rag pystik myrgh ow fobel yth ov pystigys; kyni a wrav; euth re'm dalghennas.

Yeremia 9:1

Unnweyth a pe ow fenn dowrow, ha'm dewlagas fenten a dhagrow, mayth oellen dydh ha nos rag an re ledhys a vyrgh ow fobel!

Yeremia 9:10

Rag an menydhyow my a dhalleth oela ha kyni, ha rag peurvaow an gwylvos y hwrav kynvann, rag leskys yns, ma na yll nagonan tremena; na ny yll tus klewes son an gwarthek; hag ydhyn an nev ha'n bestes re fias; gyllys yns.

Kynvannow 1:16

Rag an re ma yth oelav dagrow; ow lagas a dhinwa dowr; rag pell ahanav yw neb a'm konfortyo, ow kul dhe'm enev dasvewa; ow mebyon yw forsakys, rag an eskar re dryghis.

Kynvannow 1:20

Mir, A Arloedh, ha grevys ov vy; ow holodhyon yw troblys, ow holonn yw treylys ynnov, rag diwostydh dres eghenn re beuv. A-ves, an kledha a ladh an fleghes, a-ji nyns eus saw mernans.

Kynvannow 2:11

Ow dewlagas a fyllis der oela dagrow; ow holodhyon yw troblys; ow bystel yw diverys war an dor drefenn terroes myrgh ow fobel, drefenn an fleghes ha'n re ow tena dhe glamdera yn plenys an sita.

Daniel 4:19

Ena Daniel, henwys Belteshassar, a veu skruthys pols, ha'y brederow a'n ownhas. An myghtern a worthybis ow leverel, ‘A Belteshassar, na vydh ownhes gans an hunros ha'y styr.’ Belteshassar a worthybis ow leverel, ‘Ow arloedh, re bo an hunros rag an re a'th kas, ha'y styr rag dha eskerens!

Daniel 7:15

Ha my, Daniel, o prederus ow spyrys ynnov, ha gwelesigethow ow fenn a'm trobla.

Daniel 7:28

Ottomma diwedh an mater. My, Daniel, o troblys yn fen gans ow frederow, ha'm liw a janjyas, mes my a withas an dra y'm brys.

Daniel 8:27

Ha my, Daniel, a glamderas, hag o klav dre nebes dydhyow; ena my a sevis ha gul negys an myghtern. Mes skruth a'm kemmeras drefenn an welesigeth, o dres konvedhes.

Amos 3:6

Eus korn hwythys yn sita, heb bos an bobel ownek? A vydh anfeusi yn sita, marnas an Arloedh a'n gwrug?

Habakkuk 3:16

My a woslowas ha'm torr a grenas; orth an son ow diwweus a dremblas, podredhes a dheu y'm eskern ha'm diwarr a dhegren yn-dannov. Yn kosel my a worta dydh an ahwer dhe dhos war bobel a omsett er agan pynn.

Niverow 10:9

Ha pan ewgh dhe vresel war agas tir erbynn an eskar a wra agas beghya, hwi a wra hwytha gwarnyans gans an hirgern, may fowgh kovhes a-rag an Arloedh agas Duw, hag yndellma hwi a vydh sawys a'gas eskerens.

Romanyon 10:1

A vreder, yeunes ow holonn ha'm pysadow dhe Dhuw yw rag selwyans dhedha.

1 Korinthianys 14:8

Rag hirgorn mar tyllo son nag yw diblans, piw a wra ombareusi rag an gas?

Galatianys 4:19

Ow fleghesigow, mayth esov arta yn gloesow genesigeth ragowgh bys pan vo Krist formys ynnowgh,

Breusysi 5:21

An keynres Kishon a's skubas dhe-ves, an keynres a's lettyas a dhiank, an keynres Kishon. Keskerdh yn-rag, ow enev, gans nerth!