Yeremia 4:16 - An Bibel Kernewek 20234 (Kernewek Kemmyn)

¹⁶ Menegewgh dhe'n kenedhlow, ‘Ottava’; dyllewgh erbynn Yerusalem, ‘Yma eskerens ow tos a bow pell, hag i a lev erbynn sitys Yuda.

Yeremia 4:16 ပူးပေါင်းရင်းမြစ်များ

Ysay 34:1

Dewgh nes, hwi genedhlow, dhe glewes, ha hwi boblow, goslowewgh; klewes an nor ha pup-tra eus ynno, an norvys hag oll y askorr.

Ysay 39:3

Ena Ysay an profoes a dheuth dhe vyghtern Hezekia, hag yn-medh ev dhodho, ‘Pandr'a leveris an wer ma hag a-ble teuthons dhis?’ Yn-medh Hezekia, ‘Dhiworth gwlas pell y teuthons dhymm, dhiworth Babylon.’

Yeremia 1:15

Rag, otta, my a wra gelwel oll teyluyow gwlaskordhow an gogledh, yn-medh an Arloedh; hag i a wra dos, hag i a wra settya pubonan y dron dhe entrans yetow Yerusalem, hag erbynn an fosow anedhi a-derdro, hag erbynn sitys oll Yuda.

Yeremia 16:6

Ha'n re veur ha'n re vyghan a verow y'n tir ma: ny vydhons ynkleudhys na ny vydh kynvann ragdha, na ny wrons omhakkya na omvoelhe ragdha.

Yeremia 2:15

An lewyon yowynk a vedhyglas warnodho, hag usa: i re wastyas y dir: y sitys yw leskys, heb annedhyas.

Yeremia 31:10

Klewewgh ger an Arloedh, hwi genedhlow, ha'y dhisklerya dhe'n ynysow pell; leverewgh, ‘Ev neb a skattras Ysrael a wra y guntell, ha'y witha par dell wra an bugel y flokk.’

Yeremia 39:1

Y'n nawves blydhen a Sedekia myghtern Yuda, y'n degves mis, y teuth Nebukadnessar myghtern Babylon hag oll y lu ha gul esedhva warnedhi;

Yeremia 4:17

Avel gwithysi park, ymons i a-dro dhedhi; drefenn i dhe vos diwostydh er ow fynn, yn-medh an Arloedh.

Yeremia 5:15

Otta, my a dhre warnowgh kenedhel a bellder, A ji Ysrael, yn-medh an Arloedh: kenedhel yw neb a dhur, kenedhel goth, kenedhel anedhi na wodhes hy yeth, na konvedhes an pyth a leverons.

Yeremia 5:6

Rakhenna lew yn-mes a'n goeswik a's ladh, ha bleydh a'n gwylvos a's diswra, lewpard a wra goelyas war aga sitys: pubonan neb a wra mos yn-mes alena a vydh skwardys dhe demmyn: drefenn aga threuspassow yw lies, ha'ga hildroyow yw moghhes.

Yeremia 50:2

Diskleryewgh yn mysk an kenedhlow ha derivewgh, sevewgh baner ha derivewgh, na'n kudhewgh, leverewgh: Babylon yw kemmerys, Bel yw gorrys dhe veth, Merodak yw dyegrys. Hy imajys yw gorrys dhe veth, hy idolyow yw digolonnek.

Yeremia 6:18

Rakhenna klewewgh, hwi genedhlow, ha godhvydhewgh, A guntelles, pandr'a hwyrvydh dhedha.

Yeremia 6:19

Klew, A norvys: otta, my a dhre drogedh war an bobel ma, frut aga frederow, drefenn na woslowsons orth ow geryow, nag orth ow lagha, mes hy nagha.

Yeremia 6:22

Yndellma y lever an Arloedh: Otta, yma pobel ow tos a'n pow kledh, ha kenedhel veur a vydh difunys a bella rannow an nor.

Yeremia 6:23

I a dhalghenn an warak ha'n guw; fell yns, ny's teves truedh; aga lev a romm kepar ha'n mor; i a varghogeth war vergh, arayys rag kas avel gwer bresel er dha bynn, A vyrgh Sion.

Yeremia 8:19

Otta, lev kri myrgh ow fobel dre hys ha les an tir: ‘A nyns usi an Arloedh yn Sion? A nyns usi hy myghtern ynni?’ ‘Prag y hwrussons ow frovokya dhe sorr gans aga imajys gravys ha'ga idolys estren koeg?’

Ezekiel 21:22

Yn y leuv dhyghow y teu koelbrenn Yerusalem, dhe igeri an ganow rag an ladhva, dhe dhrehevel an lev y'n kri a vatel, dhe settya hor'bennow erbynn an yetys, dhe grugya gweythyow-esedhva.