Yeremia 4:14 - An Bibel Kernewek 20234 (Kernewek Kemmyn)

¹⁴ A Yerusalem, golgh dha golonn a-dhiworth drogedh, may fi selwys. Pes termyn y hwra dha brederow koeg godriga genes?

Yeremia 4:14 ပူးပေါင်းရင်းမြစ်များ

Salmow 119:113

My a gas an re yw dewblek aga brys, mes dha lagha a garav.

Salmow 51:2

Golgh vy yn tien a'm anewnder, ha glanha vy dhiworth ow fegh.

Salmow 66:18

Mar kwellen vy sherewneth y'm kolonn, ny'm klewsa an Arloedh.

Lavarow Koth 1:22

‘A hwi sempel, pes termyn y kerowgh hwi sempledh? Pes termyn y fynn skornyoryon lowenhe yn aga skornya ha fellyon kasa godhvos?

Ysay 55:7

Gases an drogoberer y fordh, ha'n gour anwiryon y brederow; Dehweles dhe'n Arloedh rag may kemmerro truedh anodho, ha dh'agan Duw, rag ev a re gevyans yn hel.

Yeremia 13:27

My re welas dha avoutri, ha'th kryghias, avlander dha horyans, dha daklow kasadow war an breow y'n gwel. Go-jy, A Yerusalem! Pes termyn kyns dha vos glan?

Yeremia 17:1

Pegh Yuda yw skrifys gans toul-skrifa a horn, ha gans poynt a adamant gravys yw war legh aga holonn, ha war gern agas alteryow,

Yeremia 18:11

Ha lemmyn ytho, kews orth gwer Yuda, hag orth annedhysi Yerusalem, ow leverel: Yndellma y lever an Arloedh: Otta, my a furv drogedh er agas pynn ha devisya towl er agas pynn: dehwelewgh peub a'y fordh dhrog ha gul dh'agas fordhow ha'gas gwriansow bos da.

Yeremia 2:22

Rag kynth omwolghydh gans natron, ha kemmeres dhis meur a sebon, hwath dha anewnder a bes avel mostenn a-ragov, yn-medh an Arloedh Duw.

Yeremia 6:19

Klew, A norvys: otta, my a dhre drogedh war an bobel ma, frut aga frederow, drefenn na woslowsons orth ow geryow, nag orth ow lagha, mes hy nagha.

Ezekiel 18:31

Tewlewgh a-dhiwarnowgh oll agas kammweythresow re wrussowgh ha gwrewgh ragowgh agas honan kolonn nowydh ha spyrys nowydh. Prag y ferwowgh, a ji Ysrael?

Zekaria 8:17

na brederewgh drog yn agas kolonn erbynn agas kentrevek, ha na gerewgh gowlia. My a gas oll an re na, yn-medh an Arloedh.

Matthew 12:33

‘Poken gwrewgh an wydhenn dhe vos da ha'y frut da, po gwrewgh an wydhenn dhe vos podredhek ha'y frut podredhek, rag dre hy frut yth yw an wydhenn aswonnys.

Luk 11:39

Mes yn-medh an Arloedh dhodho, ‘Lemmyn hwi Fariseow a wolgh an tu a-ves a'n hanaf ha'n skudell, mes war-ji yth owgh leun a ladrans ha droktra.

Yowann 13:9

Yn-medh Simon Peder dhodho, ‘Arloedh, na wra golghi ow threys hepken, mes ynwedh ow diwleuv ha'm penn!’

Oberow 8:22

Kemmer edrek, ytho, a'n sherewynsi usi dhis, ha pys war an Arloedh may fo gevys dhis, mar kyll bos, mynnas dha golonn.

Romanyon 1:21

rag kynth aswonnens Duw ny'n gormolens na ny aswonnens grasow dhodho avel Duw, mes euver y teuthons ha bos yn aga thybyansow ha tewlhes veu aga holonn dalsogh.

1 Korinthianys 3:20

hag arta, ‘An Arloedh a woer prederow an dus skentel, i dhe vos euver.’

Jamys 4:8

Dewgh nes dhe Dhuw, hag ev a dheu nes dhywgh hwi. Glanhewgh agas diwla, a beghadoryon, ha purhewgh agas kolonn, a dus dewblek agas brys.