Yeremia 4:13 - An Bibel Kernewek 20234 (Kernewek Kemmyn)

¹³ Otta, ev a yskynn avel kommol, ha'y jarettow a vydh avel korwyns: y vergh yw uskissa ages eryon. Go-ni! rag diswrys on ni.

Yeremia 4:13 ပူးပေါင်းရင်းမြစ်များ

2 Samuel 1:23

Sowl ha Yonathan, yn aga bewnans meurgerys ha jentyl, hag yn mernans nyns ens rynnys; skaffa es eryon ens, kreffa es lewyon ens.

Ysay 13:5

I a dheu a dir pell, dhiworth pennow nev, an Arloedh hag arvow y sorrvann, dhe dhistrui an norvys oll.

Ysay 19:1

Profoesans a-dro dhe Ejyp. Awotta'n Arloedh ow marghogeth war gommolenn skav hag ow tos bys yn Ejyp; idolys Ejyp a gren a-ragdho, ha kolonn Ejyp a deudh a-bervedh ynno.

Ysay 3:8

Rag Yerusalem re drebuchyas ha Yuda re goedhas, drefenn bos aga thaves ha'ga gwriansow erbynn an Arloedh, ow rebellya erbynn golok y wolewder.

Ysay 5:28

Y sethow yw lymmys hag oll y waregow yw plegys; karnow y vergh yw reknys avel kellester, ha'y rosow avel an korwyns.

Ysay 66:15

Rag otta, an Arloedh a dheu gans tan, ha'y jarettow avel korwyns, dhe attyli y sorr gans konnar, ha'y geredh gans flammow tan.

Yeremia 10:19

Go-vy a'm pystik! Ow goli yw ankensi: mes my a leveris, Yn hwir hemm yw ow duwon, ha res yw dhymm y berthi.

Yeremia 4:12

gwyns leun a'n tylleryow na a wra dos dhe'm arghadow: lemmyn ynwedh yth esov ow ri breus er aga fynn.

Yeremia 4:31

Rag my re glewas lev avel benyn yn lavur, ha'n gloesow avelli hi neb a dhineyth hy hynsa flogh, lev myrgh Sion, ow tyena rag anall, ow lesa hy diwleuv, ‘Go-vy! Klamdera a wrav drefenn ladhoryon.’

Yeremia 46:18

Dell vewav, yn-medh an Myghtern, ha'y hanow Arloedh an luyow, nebonan a dheu kepar ha Tabor y'n menydhyow, ha kepar ha Karmel ryb an mor.

Yeremia 48:40

Rag yndellma y lever an Arloedh: Otta, ev a nij yn-nans avel er, ha lesa y dhiwaskell erbynn Moab;

Yeremia 49:22

Otta, ev a yskynn ha nija avel an er ha lesa y dhiwaskell war Bosra, ha kolonn breselyoryon Edom y'n jydh na a vydh avel kolonn benyn yn hy gwelivesi.

Yeremia 6:23

I a dhalghenn an warak ha'n guw; fell yns, ny's teves truedh; aga lev a romm kepar ha'n mor; i a varghogeth war vergh, arayys rag kas avel gwer bresel er dha bynn, A vyrgh Sion.

Yeremia 9:19

Rag lev kynvann yw klewys yn-mes a Sion, ‘Ass on ni diswrys! meth meur a'gan beus, drefenn ni dhe asa an tir, drefenn i dhe dewlel dhe'n dor agan annedhow.’

Kynvannow 4:19

Skaffa veu agan helghysi ages eryon an nevow; war an menydhyow i a'gan chasyas, y'n difeythtir i a'gan kontrewaytyas.

Ezekiel 26:10

Mar lies vydh y vergh may hwra aga doust dha gudha. Orth son an varghogyon, ha'n rosow, ha'n charettow dha fosow a gren, pan enter y'th yetys kepar ha'n re a enter yn sita mayth eus ynni aswa.

Ezekiel 38:9

Ty a yskynn, ow tos yn-rag avel annawel, kepar ha kommolenn ow kudha an tir, ty ha'th luyow, ha genes poblow pals.

Daniel 11:40

‘Orth prys an diwedh, y hwra myghtern an dhyghowbarth omsett er y bynn; mes myghtern an gledhbarth a dheu er y bynn avel korwyns, gans charettow, ha gans marghogyon, ha gans lies gorhel. Ev a enter yn tiryow, ha tremena avel liv.

Daniel 7:4

An kynsa o kepar ha lew, hag a'n jevo eskelli er. Ha my ow mires, y dhiwaskell a veu dibluvys, hag y feu sevys dhiwar an dor ha gorrys dhe sevel war y dhewdroes avel den; ha kolonn den a veu res dhodho.

Hosea 8:1

Gorr hirgorn dhe'th hanow; ev a varges avel er a-ugh chi an Arloedh, rag i dhe derri ow hevambos, ha rebellya erbynn ow lagha.

Mika 2:4

Y'n jydh na tus a wra ges ahanowgh, galari gans kynvann trist, ha leverel, ‘Kowldhiswrys on ni; ev re janjyas eretons ow fobel; ass wra ev y gemmeres dhiworthiv! Ev a rann agan gwelyow dhe'n trygher.’

Nahum 1:3

An Arloedh yw lent ow serri, ha meur y nerth, ha'n Arloedh ny gas mann an debeles heb kessydhyans. Yma y fordh y'n korwyns hag y'n annawel, ha'n kommol yw doust y dreys.

Habakkuk 1:8

Skaffa ages lewpardes yw aga mergh, ha gwylsa yns ages bleydhi an gorthugher: aga marghogyon a boen yn-mes, ha'ga marghogyon a dheu dhiworth pell. I a nij kepar ha'n er a fisten dhe dhybri;

Zekaria 6:1

Arta my a dhrehevis ow dewlagas ha mires, hag awotta peswar charett a dheuth yn-mes dhiworth an bolgh yntra dew venydh, ha'n menydhyow a veu menydhyow a vrons!

Matthew 24:30

Hag ena yth omdhiskwa tokyn Mab an den yn nev, hag ena pub loeth a'n bys a wra kyni, hag i a wel “Mab an den ow tos war gommol an nev” gans galloes ha golewder meur;

Dewteronomi 28:49

An Arloedh a dhrehav er dha bynn kenedhel a bellder, dhiworth penn an norvys, mar skav dell nij an er yn-nans, kenedhel ma na gonvedhydh hy thaves,

Diskwedhyans 1:7

Awotta, ev a dheu gans an kommol; ha pub lagas a wra y weles, ha'n re ynwedh a'n gwanas; hag oll kenedhlow an norvys a wra kyni warnodho. Ya, Amen.