Yeremia 4:1 - An Bibel Kernewek 20234 (Kernewek Kemmyn)

¹ Mar tehwelydh, A Ysrael, yn-medh an Arloedh, mar tehwelydh dhymm: ha mar korrydh dha daklow kasadow yn-mes a'm golok, heb mos yn sowdhan na fella,

Yeremia 4:1 ပူးပေါင်းရင်းမြစ်များ

Yoel 2:12

Lemmyn ytho, yn-medh an Arloedh, treylyewgh dhymm gans oll agas kolonn, ha gans penys, ha gans oelva, ha gans kynvann.

Yeremia 3:22

Dehwelewgh, hwi vebyon dhislen, ha my a yaghha agas dislelder. ‘Otta, ni a dheu dhis: rag ty yw an Arloedh agan Duw.

Ezekiel 43:9

Lemmyn gorrens dhe-ves aga horyans ha peulveyn aga myghternedh pell dhiworthiv, ha my a drig yn aga mysk bys vykken.

Yeremia 25:5

I a leveris, ‘Treylyewgh lemmyn pubonan a'y fordh dhrog hag a dhrogedh agas gwriansow, ha trigewgh y'n tir a ros an Arloedh dhywgh ha dh'agas tasow bys vykken ha bynnari;

Yeremia 3:12

Ke ha deklar an geryow ma dhe'n gogledh, ha leverel, Dehwel ty Ysrael dhislel, yn-medh an Arloedh; ny wrav ow sorr dhe goedha warnas: rag tregeredhus ov, yn-medh an Arloedh, ha ny withav sorr bys vykken.

Yeremia 3:1

Mar korr gour y wreg a-denewen, ha hi a'n gas, ha dos ha bos dhe gen gour, a wra ev dehweles dhedhi? A ny via an tir na defolys meur? Mes ty re horyas gans lies karer; hwath y fynnydh dehweles dhymm? yn-medh an Arloedh.

Jenesis 35:2

Ena Yakob a leveris dh'y vayni ha dhe oll an re esa ganso. ‘Kemmerewgh dhe-ves an duwow estren usi yn agas mysk; omlanhewgh, ha chanjyewgh agas dillas;

Hosea 14:1

Dehwel, Ysrael, dhe'n Arloedh dha Dhuw; rag ty re drebuchyas yn dha gammhynseth.

Hosea 2:2

Kuhudhewgh agas mamm, kuhudhewgh: rag nyns yw hi ow gwreg, ha nyns ov vy hy gour. Kemmeres hi hy dijastita mes a'y golok, ha'y avoutri dhiworth hy diwvronn,

2 Kroniklys 33:8

Nevra ny gemmerav troes Ysrael dhiworth an tir re apoyntis rag agas tasow, mar kwaytyons gul pup-tra a worhemmynnis dhedha, oll an lagha, an ordenansow, ha'n breusow res dre leuv Moyses.’

2 Kroniklys 15:8

Pan glewas Asa an geryow ma, profoesans Azaria mab Oded, kennerthys o, hag ev a dhefendyas dhe-ves an taklow kasadow dhiworth oll tiredh Yuda ha Benyamin ha dhiworth an sitys re gemmersa yn bro venydhyek Efraym. Ev a ewnhas alter an Arloedh esa a-rag portal chi an Arloedh.

2 Myghternedh 23:24

Hwath pella, Yosia a dhistruis an nygromonsoryon, an goelyogyon, an terafim, an imajys, hag oll an taklow kasadow a veu gwelys yn pow Yuda hag yn Yerusalem. Yndella ev a fastyas geryow an lagha o skrifys y'n lyver a gavas Hilkia an oferyas yn chi an Arloedh.

2 Myghternedh 23:13

An myghtern a dhefolas an tylleryow ughel a'n est dhe Yerusalem, a'n soth dhe venydh an Distruyans, drehevys gans Solomon myghtern Ysrael rag Ashtoreth, mostedhes an Sidonysi, rag Kemosh, mostedhes Moab, ha rag Milkom, mostedhes an Ammonysi.

1 Samuel 7:3

Ena Samuel a gewsis dhe oll chi Ysrael ow leverel, ‘Mars esowgh hwi ow tehweles dhe'n Arloedh gans oll agas kolonn, ena gorrewgh dhe-ves an duwow astranj ha'n Ashtaroth a-dhiworth agas mysk. Settyewgh agas kolonn war an Arloedh, ha servyewgh unnsel ev, hag ev a'gas delirv yn-mes a leuv an Filistysi.’

Breusysi 10:16

Yndella i a bellhas an duwow estren yn-mes anedha hag a servyas an Arloedh; ha ny allas ev perthi poenvos Ysrael na fella.

Hosea 7:16

Treylya a wrons – a-der war-vann; avel gwarak lows yns i. Aga fennsevigyon a goedh der an kledha drefenn anvri aga thaves. Yndella tus a wra ges anedha yn gwlas Ejyp.

Ezekiel 18:13

neb a re rag oker ha kemmeres goroker: a wra ev bewa? Ny vew; ev re wrug oll an taklow kasadow ma; ev a vydh gorrys dhe'n mernans yn sur; y woes a vydh warnodho y honan.

Ezekiel 11:18

I a dheu di ha remova oll hy thaklow vil ha'y thaklow kasadow dhiworti.

Yeremia 36:3

Y hyll bos pan glewvo chi Yuda a oll an drog a vynnav gul dhedha, i oll dhe dreylya a'ga drog fordhow, may hylliv gava aga hammweyth ha'ga fegh.

Yeremia 35:15

My re dhannvonas dhywgh oll ow servysi an brofoesi, orth aga dannvon arta hag arta, ow leverel, “Treylyewgh lemmyn pub ahanowgh a'gas fordh dhrog, ha gwellhe agas gwriansow ha nag ewgh war-lergh duwow erell dh'aga servya, ha hwi a vydh trigys y'n tir a res dhywgh ha dh'agas tasow.” Mes ny ystynnsowgh agas skovarn na goslowes orthiv.

Yeremia 24:9

My a wra dhedha bos euth, pyth drog, yn oll gwlaskordhow an nor, dhe vos keredh ha droglavar, tont ha molleth yn oll an tylleryow ma's fesyav.

Yeremia 15:4

Ha my a wra dhedha bos euth rag oll gwlaskordhow an nor, drefenn Manasse mab Hezekia myghtern Yuda, rag an pyth a wrug ev yn Yerusalem.

Yeremia 4:4

Omdrodreghewgh dhe'n Arloedh ha kemmerewgh dhe-ves kudhgenn agas kolonn, hwi wer Yuda ha trigoryon Yerusalem, ma nag ello ow honnar yn-mes avel tan, ha leski, heb denvyth dh'y dhifeudhi, drefenn drogedh agas gwriansow.

Yeremia 3:14

Treylyewgh, hwi fleghes dislen, yn-medh an Arloedh, rag my re'gas demmedhis: my a'gas kemmer, onan a sita, ha dew a deylu, ha my a'gas dre dhe Sion:

Ysay 31:6

Treylyewgh dhodho ev may hwrussons rebellyans down er y bynn, A vebyon Ysrael.

Yoshua 24:14

‘Lemmyn ytho perthewgh own a'n Arloedh, ha'y servya yn lenduri hag yn gwirder, ha treyl dhiworth an duwow a wrug agas tasow aga servya dres an avon hag yn Ejyp; ha servyewgh an Arloedh.

Dewteronomi 27:15

‘Mollothek yw an gour neb a wra imaj gravys po imaj teudh, tra gasadow dhe'n Arloedh, ober diwleuv krefter, ha neb a'n sett yn-bann yn-dann gel.’ Ena oll an bobel a worthyp ow leverel, ‘Amen.’

Dewteronomi 4:30

Pan vydhydh yn ahwer, hag oll an taklow ma yw devedhys warnas y'n dydhyow diwettha, mar tehwelydh dhe'n Arloedh dha Dhuw hag obaya y lev,

Yeremia 7:3

Yndellma y lever Arloedh an luyow, Duw Ysrael: Gwellhewgh agas fordhow ha'gas gwriansow, ha my a wra dhywgh triga y'n tyller ma.

Yeremia 7:5

Rag mar kwellhowgh yn hwir agas fordhow ha'gas gwriansow; mar kwrewgh breusi yn hwir yntra gour ha'y gentrevek;

Yeremia 7:7

ena my a as dhywgh triga y'n tyller ma, y'n tir a res dh'agas tasow, a-henys ha bys vykken.

Yeremia 15:19

Rakhenna yndellma y lever an Arloedh: Mar tehwelydh, ena my a'th taskemmer, ha ty a sev arta a-ragov: ha mar leverydh an pyth yw drudh a-der an pyth yw divri, ty a vydh avel leveryas ragov: gas i dhe dhehweles dhiso jy, mes ty na dhehwel dhedha i.

Yeremia 18:11

Ha lemmyn ytho, kews orth gwer Yuda, hag orth annedhysi Yerusalem, ow leverel: Yndellma y lever an Arloedh: Otta, my a furv drogedh er agas pynn ha devisya towl er agas pynn: dehwelewgh peub a'y fordh dhrog ha gul dh'agas fordhow ha'gas gwriansow bos da.

Zekaria 1:4

Na vedhewgh haval dh'agas tasow, a grias an brofoesi dhedha a-henys, ow leverel, ‘Yndellma y lever an Arloedh: Treylyewgh a'gas tebel fordhow ha'gas tebel oberow.’ Mes ny woslowsons na'm attendya, yn-medh an Arloedh.

2 Kroniklys 34:33

Yosia a gemmeras dhe-ves oll an taklow kasadow a diredh an Ysraelysi, hag y hwrug dhe oll esa yn Ysrael servya an Arloedh aga Duw. Oll y dhydhyow, ny fallsons holya an Arloedh, Duw aga thasow.