Yeremia 39:5 - An Bibel Kernewek 20234 (Kernewek Kemmyn)

⁵ Mes lu an Kaldeanys a's pursiwyas, ha tremena dres Sedekia yn plenys Yeriko; ha pan y'n kemmersons, i a'n dros dhe Nebukadnessar myghtern Babylon, dhe Ribla, yn pow Hamath; hag ev a ros breus warnodho

Yeremia 39:5 ပူးပေါင်းရင်းမြစ်များ

2 Samuel 8:9

Pan glewas Toi myghtern Hamath Davydh dhe fetha oll lu Hadadezer,

2 Myghternedh 17:24

Myghtern Assyria a dhros tus dhiworth Babylon, Kutha, Avva, Hamath, ha Sefarvaym, ha'ga gorra yn sitys Samaria yn le an Ysraelysi; hag i a gemmeras Samaria yn perghennogeth, ha triga yn hy threvow.

2 Myghternedh 23:33

Faro Neko a'n prisonyas yn Ribla yn pow Hamath, ma na allo reynya yn Yerusalem, hag ev a veghyas an tir gans trubyt a gans talent a arghans ha talent a owr.

2 Myghternedh 25:6

I a sesyas an myghtern ha'y dhri dhe vyghtern Babylon yn Ribla, ha breus a veu res warnodho.

2 Kroniklys 33:11

Yndella an Arloedh a dhros er aga fynn kaslewydhyon lu myghtern Assyria, hag i a synsis Manasse avel prisner, ha gorra higenn yn y droen ha'y gelmi gans sprallow a vrons ha'y dhri dhe Babylon.

Ysay 22:3

Oll dha ledyoryon a fias war-barth; prisonys vons heb plegya gwarak. Prisonys war-barth a veu oll dha gasoryon alloesek, kyn fisons a-bell.

Yeremia 21:7

Hag a-wosa, y lever an Arloedh, my a re Sedekia myghtern Yuda, ha'y servysi, ha'n bobel, ha'n re yw hwath yn few y'n sita ma wosa an pla, an kledha ha'n divoetter, bys yn dorn Nebukadnessar myghtern Babylon, hag yn dorn aga eskerens, hag yn dorn an re a hwila aga bewnans. Ev a's gwysk gans min an kledha; ny wra eva aga sparya, na kemmeres truedh, na mersi.

Yeremia 24:8

Hag avel an drog figys na yll bos dybrys rag aga bos mar dhrog, yn-medh an Arloedh, yndella y hwrav dhe Sedekia myghtern Yuda, ha'y bennsevigyon ha remenant Yerusalem yw gesys y'n tir ma, ha'n re usi trigys yn pow Ejyp.

Yeremia 38:18

Mes mar nyns edh yn-mes dhe bennsevigyon myghtern Babylon, ena an sita ma a vydh res yn leuv an Kaldeanys, hag i a's lesk gans tan, ha ty ny dhienkydh a'ga leuv.’

Yeremia 38:23

I a dhre yn-mes oll dha wragedh ha'th fleghes dhe'n Kaldeanys, ha ty dha honan ny dhienkydh a'ga leuv, mes ty a vydh kemmerys gans leuv myghtern Babylon; ha'n sita ma a vydh leskys gans tan.’

Yeremia 4:12

gwyns leun a'n tylleryow na a wra dos dhe'm arghadow: lemmyn ynwedh yth esov ow ri breus er aga fynn.

Yeremia 44:30

Yndellma y lever an Arloedh, Otta, my a re Faro Hofra, myghtern Ejyp, yn leuv y eskerens, hag yn leuv an re a hwila y vewnans, par dell res Sedekia myghtern Yuda yn leuv Nebukadnessar myghtern Babylon, y eskar a hwilas y vewnans.’

Yeremia 49:23

A-dro dhe Damaskus. Hamath hag Arpad a's teves meth, drefenn i dhe glewes yeyn nowodhow; i a deudh yn own, troblys yns avel an mor na yll bos kosel.

Kynvannow 1:3

Yuda res eth yn divroedh wosa galar ha wosa gwasonieth kales; hi a drig yn mysk an kenedhlow; mes ny gyv powesva; hy helghysi oll re settyas dalghenn ynni yn kres hy foenvos.

Kynvannow 4:20

Untys an Arloedh, anall agan dewfrik, a veu kechys yn aga antylli, may leversyn anodho ‘Yn-dann y skeus y fewyn ni yn mysk an kenedhlow.’

Ezekiel 23:24

I a dheu er dha bynn dhiworth an gogledh gans charettow ha kertys, ha gans ost a boblow; i a omsett a-dro dhis gans skoes ha bokler ha basnett. My a re dhedha an gwir dhe vreusi, hag i a'th vreus war-lergh aga laghys aga honan.

Habakkuk 1:7

Fell hag euthyk yns: aga breus ha'ga reowta a yn-rag a-dhiworta.

Niverow 13:21

Ytho i a yskynnas hag aspia an tir a wylvos Sin dhe Rehob, troha Lebo-hamath.

Yoshua 13:5

tiredh an Gebalysi, hag oll Lebanon, troha'n howldrevel dhiworth Baal-gad yn-dann venydh Hermon bys Lebo-hamath.

Yoshua 4:13

A-dro dhe dhewgens mil ervys rag an gas a dreusis a-rag an Arloedh dhe blenys Yeriko rag bresel.

Yoshua 5:10

An Ysraelysi a gampyas yn Gilgal, hag i a solempnyas an pask yn peswardhegves dydh an mis gorthugherweyth yn plenys Yeriko.

Breusysi 3:3

Pymp gwahalyeth an Filistysi, hag oll an Kananysi ha'n Sidonysi, ha'n Hivysi esa trigys war venydh Lebanon, dhiworth menydh Baal-hermon, bys Lebo-hamath.