Yeremia 39:4 - An Bibel Kernewek 20234 (Kernewek Kemmyn)

⁴ Ha pan y's gwelas Sedekia myghtern Yuda hag oll an soudoryon, i a fias, ha mos yn-mes a'n sita y'n nos, dre fordh lowarth an myghtern, der an yet ynter an dhiw fos; hag ev eth war-tu ha'n Araba.

Yeremia 39:4 ပူးပေါင်းရင်းမြစ်များ

2 Kroniklys 32:5

Hezekia a gemmeras kolonn, hag a dhastrehevis oll rannow an fos o koedhys yn-nans, hag a dhrehevis touryow warnedhi, ha tu a-ves dhedhi ev a dhrehevis fos arall; ha dres henna ev a grevhas Millo yn sita Davydh, hag ev a wrug arvow ha skoesow, pals anedha.

Ysay 22:11

Hwi a wrug kreun ynter an dhiw fos rag dowr an poll koth, mes ny virsowgh orth y Wrier na gweles neb a'n furvyas nans yw pell.

Ysay 22:3

Oll dha ledyoryon a fias war-barth; prisonys vons heb plegya gwarak. Prisonys war-barth a veu oll dha gasoryon alloesek, kyn fisons a-bell.

Ysay 29:2

Mes stroetha Ariel my a wra, hag y fydh oelva ha kynvann, ha hi a vydh dhymmo vy avel oeles alter.

Yeremia 32:4

ny dhiank Sedekia myghtern Yuda a-dhiworth leuv an Kaldeanys, mes delivrys vydh yn sur yn leuv myghtern Babylon, ha kewsel ganso ganow orth ganow, ha'y weles lagas orth lagas;

Yeremia 32:5

hag ev a hembronk Sedekia dhe Babylon, hag ena ev a vydh bys pan dhov dhodho, yn-medh an Arloedh; kynth omledhowgh erbynn an Kaldeanys, ny sewenowgh?’

Ezekiel 12:12

An pennsevik usi yn aga mysk a dhrehav y fardellow war y skoedh y'n tewlder, ha mos dhe-ves; ev a bal toll y'n fos ha'ga doen dhe-ves dredho; ev a gudh y fas, ma na allo gweles an dor gans y dhewlagas.

Ezekiel 12:4

Dro dha fardellow yn-mes dydhweyth, kepar ha fardellow divroedh, ha ke dhe-ves gorthugherweyth a-wel dhedha, avel an re a wra mos dhe dhivroedh.

Levitikus 26:17

Ha my a sett ow fas er agas pynn, ha hwi a vydh gweskys dherag agas eskerens. An re a'gas kas a rewl warnowgh, ha hwi a fi pan na'gas siw denvyth.

Levitikus 26:36

Ha my a dhannvon desper yn kolonn an re ahanowgh yw gesys yn tiryow aga eskerens; ha son delenn ow krena a's chas, hag i a fi kepar ha pan vens ow fia a'n kledha, hag i a goedh pan na's siw denvyth.

Amos 2:14

Ny vydh tyller dhe fia dhodho rag an den skav, ha'n den krev ny with y nerth, na ny yll an kasor omsawya.

Dewteronomi 28:25

An Arloedh a wra dhis bos fethys gans dha eskerens. Yth edh yn-mes er y bynn yn unn fordh ha fia yn seyth fordh a-ragdho, ha ty a vydh euth dhe oll kenedhlow an norvys.