Yeremia 39:14 - An Bibel Kernewek 20234 (Kernewek Kemmyn)

¹⁴ hag i a dhannvonas dhe gemmeres Yeremia yn-mes a glos an prison, ha'y ri yn charj Gedalia mab Ahikam mab Shafan dhe vos degys dhe dre. Ytho ev a drigas yn mysk y bobel.

Yeremia 39:14 ပူးပေါင်းရင်းမြစ်များ

2 Myghternedh 22:12

An myghtern a worhemmynnis dhe Hilkia an oferyas, hag Ahikam mab Shafan, hag Akbor mab Mikaya, ha Shafan an skrifwas, hag Asaya gwas a'n myghtern, ow leverel,

2 Myghternedh 22:14

Ytho Hilkia an oferyas, Ahikam, Akbor, Shafan, hag Asaya eth dhe Hulda an brofoeses, gwreg Shallum mab Tikva mab Harhas, gwithyas an dhillasva; yth esa hi trigys yn Yerusalem y'n Nessa Kwartron, hag i a gewsis orti.

2 Kroniklys 34:20

Ena an myghtern a worhemmynnis dhe Hilkia, Ahikam mab Shafan, Abdon mab Mika, Shafan an skrifennyas, hag Asaya gwas an myghtern,

Salmow 105:19

Bys y'n prys may teuth y er, lavar an Arloedh a'n provas.

Yeremia 26:22

Ena Yehoyakim an myghtern a dhannvonas gwer dhe Ejyp, henn yw Elnathan mab Akbor, ha gwer ganso dhe Ejyp,

Yeremia 26:24

Byttegyns yth esa leuv Ahikam mab Shafan gans Yeremia ma na veu res yn leuv an bobel dh'y worra dhe'n mernans.

Yeremia 32:2

Rag ena lu myghtern Babylon a geas a-dro dhe Yerusalem, ha'n profoes Yeremia a veu deges yn klos an prison, hag esa yn palys myghtern Yuda,

Yeremia 37:21

Ena Sedekia an myghtern a worhemmynnis may fe Yeremia gorrys yn klos an prison, ha torth-vara dhe vos res dhodho pub dydh a-dhiworth stret an beboryon, bys pan ve gyllys oll bara an sita. Ytho Yeremia a wortas yn klos an prison.

Yeremia 38:13

Ena i a dennas Yeremia yn-bann gans an lovonow, ha'y gemmeres yn-bann yn-mes a'n dhorvagh. Ha Yeremia a wortas yn klos an prison.

Yeremia 38:28

Ha Yeremia a wortas yn klos an prison bys y'n jydh may feu Yerusalem kemmerys.

Yeremia 39:13

Ytho Nebuzaradan kapten an withysi a dhannvonas, ha Nebushazban an Rabsaris, Nergal-sareser an Rabmag, hag oll pennsevigyon myghtern Babylon,

Yeremia 39:15

Lemmyn ger an Arloedh a dheuth dhe Yeremia pan veu deges yn klos an prison, ow leverel:

Yeremia 40:1

An ger hag a dheuth dhe Yeremia a-dhiworth an Arloedh wosa Nebuzaradan kapten an withysi y asa dhe vos a-dhiworth Rama, pan y'n kemmeras yn kadonyow gans oll kethyon Yerusalem ha Yuda esa ow pos divres dhe Babylon.

Yeremia 40:5

Mar kortydh, ena dehwel dhe Gedalia mab Ahikam mab Shafan, a veu gwrys governour trevow Yuda gans myghtern Babylon, ha gorta ganso yn mysk an bobel; po ke plepynag yth hevel ewn dhe vos di.’ Ytho kapten an withysi a ros dhodho ewnrann a voes ha ro, ha'y asa dhe vos.

Yeremia 40:6

Ena Yeremia eth dhe Gedalia mab Ahikam, dhe Mispa, ha gortos ganso yn mysk an bobel o gesys y'n tir.

Yeremia 40:7

Pan glewas oll pennsevigyon an luyow, esa y'n gwel, i ha'ga gwer, myghtern Babylon dhe wul Gedalia mab Ahikam governour an tir ha ri yn y jarj gwer, gwragedh ha fleghes, boghosogyon an tir na veu kemmerys yn kethneth dhe Babylon,

Yeremia 41:1

Y'n seythves mis, Yshmael mab Nethania mab Elishama, a'n teylu ryel, onan a bennsevigyon an myghtern, a dheuth ha deg gwer ganso dhe Gedalia mab Ahikam, dhe Mispa, hag ena i a dhybris bara war-barth yn Mispa.