Yeremia 38:4 - An Bibel Kernewek 20234 (Kernewek Kemmyn)

⁴ Ytho an bennsevigyon a leveris dhe'n myghtern, ‘Ny a'th pys, gas an gour ma dhe vos gorrys dhe'n mernans, drefenn ev dhe wannhe an soudoryon yw gesys y'n sita ma ha diwleuv oll an bobel, dre gewsel geryow a'n par ma dhedha. Rag ny hwila an gour ma sewena an bobel ma, mes aga fystik.’

Yeremia 38:4 ပူးပေါင်းရင်းမြစ်များ

1 Myghternedh 21:20

Ahab a leveris dhe Elias, ‘A'm kevsys, ow eskar?’ Ev a worthybis, ‘My re'th kavas. Drefenn ty dhe wertha dha honan dhe wul an pyth yw drog yn golok an Arloedh,

2 Kroniklys 24:21

Mes i a vrasas er y bynn, ha der arghadow an myghtern i a'n labydhas gans meyn yn klos chi an Arloedh.

Ezra 4:12

Re bo godhvedhys dhe'n myghtern, an Yedhewon neb a dheuth yn-bann a-dhiworthis dhyn ni re dheuth dhe Yerusalem. Yth esons ow trehevel an sita dhiwostydh ha drog na, ow korfenna hy fosow, hag owth ewnhe hy selyow.

Nehemia 6:9

Rag i oll a vynnas agan ownekhe, ow prederi, ‘Aga diwla a vydh re wann rag an ober, ha ny vydh kollenwys.’ Lemmyn ytho, A Dhuw, krevha ow diwla.

Eksodus 5:4

Mes myghtern Ejyp a leveris dhedha, ‘Moyses hag Aron, prag y kemmerowgh an bobel a'ga ober? Kewgh dh'agas beghyow!’

Yeremia 11:21

Ytho yndellma y lever an Arloedh a-dro dhe bobel Anathoth, a hwila dha vewnans, ow leverel, ‘Na brofoes yn hanow an Arloedh, ma na verwi der agan dorn.’

Yeremia 18:23

Byttegyns, Arloedh, ty a woer oll aga husul er ow fynn dhe'm ladha. Na av aga hammweyth, na dilea aga fegh a'th wolok, mes gas i dhe vos domhwelys a-ragos. Gwra aga dyghtya yn termyn dha sorr.

Yeremia 26:11

Ena an oferysi ha'n brofoesi a gewsis dhe'n bennsevigyon ha dhe oll an bobel, ow leverel, ‘An gour ma a dhervynn an mernans drefenn ev dhe brofoesa erbynn an sita ma, dell glewsowgh gans agas skovornow agas honan.’

Yeremia 29:7

Ha hwilewgh kres an sita le may hwrug dhywgh bos degys dhe-ves yn divroedh, ha pysi war Dhuw ragdho, rag yn y gres hwi a'gas bydh kres.

Yeremia 38:16

Ytho Sedekia an myghtern a dos yn-dann gel dhe Yeremia, ‘Dell vew an Arloedh, a ros dhyn agan bewnans, ny'th worrav dhe'n mernans, na ny'th rov yn leuv an wer ma a hwila dha vewnans.’

Yeremia 38:25

Mes mar klew an bennsevigyon my dhe gewsel genes, hag i a dheu dhis, ha leverel dhis, “Lavar dhyn lemmyn an pyth a leversys dhe'n myghtern; na'n kel a-dhiworthyn, ena ny'th worryn dhe'n mernans; ynwedh an pyth a leveris an myghtern dhis”,

Yeremia 43:3

mes yma Baruk mab Neria orth dha ynnia er agan pynn, dh'agan ri yn leuv an Kaldeanys, ma'gan gorrens dhe'n mernans, ha'gan kemmeres dhe-ves yn divroedh dhe Babylon.’

Ezekiel 22:27

Hy fennsevigyon ynni yw avel bleydhi ow terri preydh, ow skoellya goes dhe dhistrui enevow may kaffons gwayn anewn.

Amos 7:10

Ena Amasia, oferyas Bethel, a dhannvonas dhe Yeroboam myghtern Ysrael, ow leverel: ‘Amos re vrasas er agas pynn yn kres chi Ysrael; ny yll an tir godhav y eryow oll.

Luk 23:2

Hag i a dhallathas y guhudha, ow leverel, ‘Ni a gavas an den ma ow tomhwel agan kenedhel, hag ow tifenn trubyt dhe vos res dhe Sesar, hag ow leverel ev y honan dhe vos Krist, myghtern.’

Oberow 16:20

hag orth aga dri dhe'n justisyow, i a leveris, ‘Yma'n dus ma, yw Yedhewon, ow trobla agan sita,

Oberow 17:6

mes pan na's kavas i a dennas Yason ha re a'n vreder dhe soedhogyon an sita, ow kria, ‘An dus ma neb re dreylyas an nor war y benn re dheuth omma ynwedh,

Oberow 24:5

Ni re gavas bos an gour ma pla, ow kul strif yn mysk oll an Yedhewon dres an nor, penn-ledyer sekt an Nazarenys.

Oberow 28:22

Mes ni a garsa klewes genes an pyth a brederydh; rag yn hwir, a-dro dhe'n sekt ma ni a woer y kewsir yn pub le er y bynn.’