Yeremia 38:20 - An Bibel Kernewek 20234 (Kernewek Kemmyn)

²⁰ Mes Yeremia a leveris, ‘Ny'th telivrons. Goslow, my a'th pys, orth lev an Arloedh a gowsav dhis, hag y fydh da genes, ha'th enev a vew.

Yeremia 38:20 ပူးပေါင်းရင်းမြစ်များ

Jenesis 12:13

Lavar, my a'th pys, dha vos ow hwoer, may fo dhe well genev a-barth dhis, ha'm enev a vew a'th wovis jy.’

Jenesis 19:20

Awotta lemmyn, ogas yw an sita ma dhe fia dhedhi, ha byghan yw hi. A, gas vy dhe skapya ena (a nyns yw hi onan byghan?) ha'm enev a vew.’

2 Kroniklys 20:20

I a sevis ternos myttin ha mos yn-mes dhe wylvos Tekoa; hag i ow mos yn-mes, Yehoshafat a sevis ha leverel, ‘Goslowewgh orthiv, A Yuda ha trigoryon Yerusalem! Trestyewgh y'n Arloedh agas Duw ha hwi a vydh fastys; trestewgh yn y brofoesi ha hwi a sewen.’

Lavarow Koth 4:4

ev a'm dyski hag a leveri dhymm, ‘Gas dhe'th kolonn synsi fast ow geryow; gwith ow gorhemmynnow, ha bewa.

Lavarow Koth 7:2

gwith ow gorhemmynnow ha bewa, gwith ow dyskas avel bew dha lagas;

Ysay 55:3

Plegyewgh agas skovarn ha dewgh dhymm; goslowewgh rag may fewo agas enev. My a wra genowgh kevambos bys vykken, ow thregeredhow lel ambosys dhe Davydh.

Yeremia 11:4

a worhemmynnis dh'agas tasow y'n jydh ma's dres yn-mes a bow Ejyp, a-dhiworth an fornes-horn, ow leverel, Klewewgh ow lev, ha gwrewgh pup-tra a worhemmynnav. Yndella hwi a vydh ow fobel ha my a vydh agas Duw:

Yeremia 11:8

Mes ny woslowsons, na ny blegsons aga skovarn, mes i a gerdhas peub yn gorthter aga thebel golonn: ytho my a dhre warnedha oll geryow an kevambos ma, a worhemmynnis dhedha dh'y wul; mes ny wrussons.

Yeremia 26:13

Ytho lemmyn gwellhewgh agas fordhow ha'gas gwriansow ha klewewgh lev an Arloedh agas Duw, ha'n Arloedh a dreyl y vrys a-dro dhe'n anfeusi re leveris er agas pynn.

Yeremia 38:21

Mes mar skonydh mos yn-mes, hemm yw an pyth a dhiskwedhas an Arloedh dhymm:

Yeremia 7:23

Mes an dra ma a worhemmynnis dhedha, ow leverel, ‘Bedhewgh gostydh dhe'm lev, ha my a vydh agas Duw, ha hwi a vydh ow fobel; ha kerdhewgh yn oll an fordhow may hworhemmynnis dhywgh, may fo yn ta genowgh.’

Daniel 4:27

Ytho, A vyghtern, re bo ow husul degemmeradow dhis; daspren dha beghosow gans gwiryonedh, ha'th anewnder dre dhiskwedhes tregeredh dhe'n voghosogyon, rag may fo dha sewenyans martesen hirhes.’

Amos 5:4

Rag yndellma y lever an Arloedh dhe ji Ysrael: Hwilewgh vy ha bewa,

Amos 5:6

Hwilewgh an Arloedh ha bewa, ma na tartho avel tan yn chi Yosep, dh'y dhevorya, heb denvyth dh'y dhifeudhi yn Bethel.

Oberow 26:29

Hag yn-medh Powl, ‘Spys po berr po hir, my a bys Duw, ty hag ynwedh keniver a'm glew hedhyw mayth ellons ha bos kepar ha my, marnas an chaynys ma.’

2 Korinthianys 5:11

Ytho, ha ni ow kodhvos own an Arloedh, ni a berswad tus dhe grysi, hag aswonnys yn ta on ni gans Duw; hag yma govenek dhymm agan bos aswonnys yn agas kowses hwi ynwedh.

2 Korinthianys 5:20

Rakhenna, a-barth Krist kannasow on ni, kepar dell vo Duw ow pledya dredhon. Ni a'gas pys, a-barth Krist, bedhewgh unnverhes gans Duw.

2 Korinthianys 6:1

Ha ni ow kesoberi, ni a'gas pys ma na dhegemmerrowgh gras Duw yn euver;

Jamys 1:22

Bedhewgh gwrioryon a'n ger, heb bos goslowysi yn unnsel, owth omdoella.