Yeremia 38:17 - An Bibel Kernewek 20234 (Kernewek Kemmyn)

¹⁷ Ena Yeremia a leveris dhe Sedekia, ‘Yndellma y lever an Arloedh, Duw an luyow, Duw Ysrael: Mars edh yn-mes dhe bennsevigyon myghtern Babylon, ena dha enev a vew, ha ny vydh leskys an sita ma gans tan, ha ty ha'th chi a vew.

Yeremia 38:17 ပူးပေါင်းရင်းမြစ်များ

Jenesis 12:13

Lavar, my a'th pys, dha vos ow hwoer, may fo dhe well genev a-barth dhis, ha'm enev a vew a'th wovis jy.’

2 Myghternedh 24:12

Yehoyakin myghtern Yuda eth yn-mes dhe vyghtern Babylon, ev, ha'y vamm, ha'y wesyon, ha'y bennsevigyon, ha'y soedhogyon; ha myghtern Babylon a'n kemmeras prisner yn ethves blydhen y reyn.

2 Myghternedh 25:27

Y'n seytegves blydhen warn ugens a dhivroedh Yehoyakin myghtern Yuda, y'n dewdhegves mis, y'n pympes dydh warn ugens a'n mis, Evil-merodak myghtern Babylon, y'n vlydhen may tallathas reynya, a livras myghtern Yehoyakin dhiworth prison;

1 Kroniklys 17:24

Yndellma dha hanow a vydh fastys ha meurhes bys vykken, ha tus a lever, “Arloedh an luyow, Duw Ysrael, yw Duw Ysrael”. Ha chi dha was Davydh a vydh fastys dheragos.

Ezra 9:4

Ena pubonan neb a dhegrena orth geryow Duw Ysrael a omguntellas a-dro dhymm, drefenn dislelder an dhivresow, ha my a esedhas dyegrys bys offrynn an gorthugher.

Job 23:13

‘Mes ev a sev y honan, ha piw a yll y dreylya? ev a wra an pyth a hwans ev.

Salmow 80:14

Treyl arta, ni a'th pys, A Dhuw an luyow, mir war-woeles dhiworth nev ha gwel, ha gwra vri a'n gwinbrenn ma;

Salmow 80:7

Treyl ni arta, A Dhuw an luyow; gwra dhe'th fas golowi, ha ni a vydh selwys.

Yeremia 27:12

My a gewsis ynwedh orth Sedekia myghtern Yuda war-lergh oll an geryow ma, ow leverel, Drewgh agas konna yn-dann yew myghtern Babylon, ha'y servya ev ha'y bobel, ha bewa.

Yeremia 27:17

Na woslowewgh orta; servyewgh myghtern Babylon ha bewa. Prag y tal bos an sita ma magoryow?

Yeremia 27:8

Mes mar ny vynn kenedhel po gwlaskor servya an keth Nebukadnessar ma, myghtern Babylon, ha gorra aga honna yn-dann yew myghtern Babylon, ena my a gessydh an genedhel na gans an kledha, gans divoetter, ha gans an pla, yn-medh an Arloedh, bys pan y's distruav der y leuv.

Yeremia 38:2

Yndellma y lever an Arloedh, Neb a worta y'n sita ma a verow gans an kledha, gans an divoetter ha gans an pla; mes neb a yn-mes dhe'n Kaldeanys a vew; rag ev a'n jevydh y vewnans avel preydh, hag ev a vew.

Yeremia 39:3

Ena oll pennsevigyon myghtern Babylon a dheuth a-ji, hag esedha y'n yet kres, hwath Nergal-sareser, Samgar-nebo, Sarsekim an Rabsaris, Nergal-sareser an Rabmag, hag oll an bennsevigyon arall a vyghtern Babylon.

Yeremia 40:9

Ha Gedalia mab Ahikam mab Shafan a dos dhedha ha dh'aga gwer, ow leverel, ‘Na vedhewgh ownek dhe servya an Kaldeanys. Gortewgh y'n tir ha servya myghtern Babylon, hag y fydh da genowgh.

Yeremia 44:7

Ytho lemmyn, yndellma y lever an Arloedh, Duw an luyow, Duw Ysrael: Prag y hwrewgh an drogedh meur ma er agas pynn agas honan, dhe derri yn-mes a Yuda gour ha benyn, flogh ha baban, ma na vo remenant gesys;

Ezekiel 8:4

Hag otta, yth esa ena glori Duw Ysrael, kepar ha'n welesigeth a welis y'n nans.

Amos 5:27

Ytho my agas deg yn divroedh dres Damaskus, yn-medh an Arloedh, Duw an luyow y hanow.