Yeremia 38:10 - An Bibel Kernewek 20234 (Kernewek Kemmyn)

¹⁰ Ena an myghtern a worhemmynnis dhe Ebed-melek an Ethiopek, ow leverel, ‘Kemmer genes alemma deg gour warn ugens, ha tenna an profoes Yeremia yn-bann a-dhiworth an dhorvagh kyns ev dhe verwel.’

Yeremia 38:10 ပူးပေါင်းရင်းမြစ်များ

Ester 5:2

Pan welas an myghtern Ester an vyghternes ow sevel y'n klos, hi a gavas gras yn y wolok; hag ev a ystynnas dhe Ester an dernwelenn owrek esa yn y dhorn. Ena Ester a dheuth nes ha tochya penn an dernwelenn.

Ester 8:7

Ena yn-medh myghtern Ahasuerus dhe Ester an vyghternes ha dhe Mordekay an Yedhow, ‘Otta, my re ros dhe Ester chi Haman, hag i re'n krogas war an wydhenn, drefenn ev dhe settya dalghenn war an Yedhewon.

Salmow 75:10

Oll kern an debeles a droghav dhe-ves, ha kern an re wiryon a vydh ughelhes.

Lavarow Koth 21:1

Kolonn an myghtern yw gover a dhowr yn leuv an Arloedh; ev a's treyl py le pynag y fynno.

Yeremia 38:11

Ytho Ebed-melek a gemmeras an wer ganso ha mos yn chi an myghtern, dhe'n tyller yn-dann an dresorva, ha kemmeres alena kloutys ha dillasow usys, ha'ga iselhe gans lovonow y'n dhorvagh dhe Yeremia.

Yeremia 38:7

Hag Ebed-melek, an Ethiopek, onan an spadhesigyon yn chi an myghtern, a glewas i dhe worra Yeremia y'n dhorvagh. Yth esa an myghtern owth esedha yn Yet Benyamin,

Yeremia 38:9

‘Ow arloedh an myghtern, an wer ma re wrug drogedh yn pup-tra a wrussons dhe Yeremia, neb a dowlsons y'n dhorvagh dhe verwel ena dre nown, rag nyns eus bara gesys y'n sita.’