Yeremia 37:3 - An Bibel Kernewek 20234 (Kernewek Kemmyn)

³ Ha Sedekia an myghtern a dhannvonas Yehukal mab Shelemia ha'n oferyas Sefania mab Maaseya dhe'n profoes Yeremia ow leverel, ‘Gwra pysi ragon dhe'n Arloedh agan Duw.’

Yeremia 37:3 ပူးပေါင်းရင်းမြစ်များ

1 Myghternedh 13:6

An myghtern a leveris dhe wour Duw, ‘Pys lemmyn favour an Arloedh dha Dhuw, ha pys ragov, may fydh daskorrys ow leuv dhymm.’ Ytho gour Duw a bysis war an Arloedh; ha leuv an myghtern a veu daskorrys dhodho hag a dheuth ha bos par dell o kyns.

Eksodus 10:17

Lemmyn ytho, gevewgh dhymm ow fegh, my a'gas pys, an unn prys ma, ha pysi an Arloedh agas Duw dhe gemmeres unnweyth an ankow ma ahanav.’

Eksodus 8:28

Ytho Faro a leveris, ‘My a wra agas gasa dhe vones, dhe sakrifia dhe'n Arloedh agas Duw y'n gwylvos; marnas ny wrewgh mones pur bell. Gwrewgh y bysi ragov.’

Eksodus 8:8

Ena Faro a elwis Moyses hag Aron, ha leverel, ‘Pys an Arloedh may kemmerro an kwilkynyow ahanav hag a'm pobel; ha my a wra gasa an bobel dhe vones ha sakrifia dhe'n Arloedh.’

Eksodus 9:28

Pys an Arloedh; rag lowr re beu a'n taran ha'n keser ma; my a as dhywgh mones, ha ny wrewgh hwi gortos na fella.’

Yeremia 15:11

An Arloedh a leveris, Sur, my a'th tannvon dhe-ves rag dha les dha honan, devri my a wra dhe'n eskar pledya ragos yn termyn drogedh hag yn termyn galar.

Yeremia 2:27

neb a leverel dhe wydhenn, ‘Ty yw ow thas’; ha dhe ven, ‘Ty a'm dineythis.’ Rag i re dreylyas aga heyn dhymm, a-der aga fas: mes yn termyn aga ahwer i a lever, ‘Sev, ha saw ni.’

Yeremia 29:21

Yndellma y lever Arloedh an luyow, Duw Ysrael, a-dro dhe Ahab mab Kolaya ha Sedekia mab Maaseya, usi ow profoesa gow dhywgh y'm hanow: Otta, my a's re yn leuv Nebukadnessar myghtern Babylon, hag ev a's ladh a-rag agas lagasow.

Yeremia 29:25

Yndellma y lever Arloedh an luyow, Duw Ysrael: Y'th hanow dha honan ty a dhannvonas lytherow dhe'n bobel oll usi yn Yerusalem, ha dhe'n oferyas Sefania mab Maaseya, ha dhe'n oferysi oll, ow leverel,

Yeremia 37:17

Sedekia an myghtern a dhannvonas war y lergh, ha'y gemmeres yn-mes. Ha'n myghtern a wovynnas orto yn priva yn y ji, ha leverel, ‘Eus ger a-dhiworth an Arloedh?’ Ha Yeremia a leveris, ‘Eus!’ Ena yn-medh ev, ‘Ty a vydh delivrys yn leuv myghtern Babylon.’

Yeremia 37:7

Yndellma y lever an Arloedh, Duw Ysrael: Yndellma hwi a lever dhe vyghtern Yuda, a'gas tannvonas dhymm dhe wovynn a-dro dhymm: Lu Faro esa ow tos dh'agas gweres, a dhehwel dhe Ejyp, dh'aga thir aga honan.

Yeremia 38:1

Ena Shefatia mab Mattan, ha Gedalia mab Pashhur, ha Yukal mab Shelemia, ha Pashhur mab Malkia a glewas an geryow a gewsis Yeremia dhe oll an bobel, ow leverel,

Yeremia 42:1

Ena oll pennsevigyon an luyow, ha Yohanan mab Kareagh ha Yezania mab Hoshaia, hag oll an bobel a'n lyha dhe'n meurra a dheuth nes

Yeremia 42:20

hwi dhe vos yn sowdhan yn agas kolonn. Rag hwi agas honan a'm dannvonas dhe'n Arloedh agas Duw, ow leverel, “Pys a'gan govis dhe'n Arloedh agan Duw, ha war-lergh an pyth a lever an Arloedh agan Duw, lavar dhyn, ha ni a'n gwra.”

Yeremia 52:24

Kapten an withysi a gemmeras Seraya an pennoferyas, an nessa oferyas Sefania, ha'n tri gwithyas a'n treudhow;

Niverow 21:7

Ha'n bobel a dheuth dhe Moyses, ha leverel, ‘Ni re beghas, rag ni a gewsis erbynn an Arloedh hag er dha bynn; gwra pysi dhe'n Arloedh, may kemmerro an serf dhe-ves ahanan.’ Ytho Moyses a bysis rag an bobel.

Oberow 8:24

Ha Simon a worthybis, ‘Pysewgh ragov war an Arloedh, ma na dheffo warnav nagonan a'n taklow re leversys.’

1 Samuel 12:19

Oll an bobel a leveris dhe Samuel, ‘Pys war an Arloedh dha Dhuw rag dha wesyon, rag na verwyn; rag ni re geworras dhe oll agan peghosow an drog ma, dhe wovynn myghtern ragon.’