Yeremia 37:18 - An Bibel Kernewek 20234 (Kernewek Kemmyn)

¹⁸ Yeremia a leveris ynwedh dhe vyghtern Sedekia, ‘Pana dhrog a wrug dhis po dhe'th servysi po dhe'n bobel ma ma'm gorrsowgh yn prison?

Yeremia 37:18 ပူးပေါင်းရင်းမြစ်များ

Jenesis 31:36

Ena serrys veu Yakob, hag ev a grodhvolas war Laban; ena Yakob a worthybis ha leverel dhe Laban, ‘Pyth yw ow threuspass, pyth yw ow feghes may hwrussys ow helghya?

Lavarow Koth 17:13

Mar attal nebonan drog rag da, nyns a drog nevra dhiworth y ji.

Lavarow Koth 17:26

Nyns yw da beghya spal war dhen gwiryon; skorjya tus nobyl yw kamm.

Yeremia 26:19

A wrug Hezekia myghtern Yuda hag oll Yuda y worra yn hwir dhe'n mernans? A ny borthas own a'n Arloedh ha hwilas favour an Arloedh, ha'n Arloedh a dreylyas y vrys a-dro dhe'n anfeusi re leveris er aga fynn? Avel hemma ni a dhre drog meur warnan agan honan.’

Daniel 6:22

Ow Duw a dhannvonas y el ha degea ganow an lewyon, ha ny wrens ow shyndya, drefenn ow bos kevys divlam a-ragdho; hag ynwedh a-ragos, A vyghtern, ny wrug drog vyth.’

Yowann 10:32

Yesu a worthybis dhedha, ‘My re dhiskwedhas dhywgh lies ober da dhiworth an Tas; rag py ober anedha y fynnowgh ow labydha?’

Oberow 23:1

Powl, ow mires gluw orth an konsel, a leveris, ‘Breder, bys y'n jydh ma my re vewas gans kowses da a-rag Duw.’

Oberow 24:16

Rakhenna my ow honan a striv prest dhe synsi kowses divlam a-rag Duw ha tus oll.

Oberow 25:11

Rakhenna mar kammwrav ha mar kwrug vy neppyth ow tervynn an mernans, ny skonyav a verwel; mes mar nyns eus travyth y'n taklow ma'm kuhudh an re ma, denvyth ny yll ow daskorr dhedha. Orth Sesar y halwav.’

Oberow 25:25

Byttegyns, my a gonvedhas na wrug ev travyth ow tervynn an mernans, mes pan elwis ev y honan orth an Emperour, my a erviras y dhannvon.

Oberow 25:8

Ena Powl a wrug y dhefens: ‘Kammenn na beghis vy erbynn lagha an Yedhewon nag erbynn an tempel nag erbynn Sesar.’

Oberow 26:31

ha pan esens owth omdenna, i a leveris an eyl orth y gila, ‘Nyns usi an den ma ow kul travyth ow tervynn an mernans po chaynys.’

Galatianys 4:16

Ytho a dheuth vy ha bos agas eskar rag my dhe leverel an gwirder dhywgh?