Yeremia 37:15 - An Bibel Kernewek 20234 (Kernewek Kemmyn)

¹⁵ An bennsevigyon o serrys orth Yeremia, ha'y weskel, ha'y worra yn prison yn chi Yonathan an skrifennyas, rag i a'n gwrug henna an prison.

Yeremia 37:15 ပူးပေါင်းရင်းမြစ်များ

Jenesis 39:20

Hag arloedh Yosep a'n kemmeras ha'y worra y'n prison, an tyller mayth o kelmys prisnoryon an myghtern, hag yth esa ev ena y'n prison.

2 Kroniklys 16:10

Ena Asa a sorras orth an gwelesydh, hag a'n gorras y'n stokkys, yn prison, drefenn ev dhe berthi konnar orto rag hemma. Hag Asa a debeldhyghtyas re a'n bobel y'n keth termyn na.

2 Kroniklys 18:26

ha lavar, “Yndella a lever an myghtern: gorr an polat ma y'n prison, ha'y vaga orth boghes ewnrannow a vara ha dowr bys pan dhehwelliv yn kres.” ’

Yeremia 18:23

Byttegyns, Arloedh, ty a woer oll aga husul er ow fynn dhe'm ladha. Na av aga hammweyth, na dilea aga fegh a'th wolok, mes gas i dhe vos domhwelys a-ragos. Gwra aga dyghtya yn termyn dha sorr.

Yeremia 26:16

Ena an bennsevigyon hag oll an bobel a leveris dhe'n oferysi ha dhe'n brofoesi, ‘Ny dhervynn an gour ma an mernans, rag ev re gewsis orthyn yn hanow an Arloedh agan Duw.’

Yeremia 32:2

Rag ena lu myghtern Babylon a geas a-dro dhe Yerusalem, ha'n profoes Yeremia a veu deges yn klos an prison, hag esa yn palys myghtern Yuda,

Yeremia 37:20

Ytho goslow lemmyn, my a'th pys, ow arloedh an myghtern: re dheffo ow fysadow a-ragos, my a'th pys, ha na'm dannvon arta dhe ji Yonathan an skrifennyas, ma na verwiv ena.’

Yeremia 37:4

Lemmyn Yeremia re beu ow tos ha mos yn mysk an bobel, rag ny wrussens y worra yn prison.

Yeremia 38:26

ena ty a lever dhedha, “My a worras ow fysadow a-rag an myghtern ma na'm dhannvonno arta dhe ji Yonathan dhe verwel ena.” ’

Yeremia 38:6

Ena i a gemmeras Yeremia ha'y dewlel yn dorvagh Malkia mab an myghtern esa yn klos an prison, owth iselhe Yeremia gans lovonow. Hag y'n dhorvagh nyns esa dowr, marnas leys, ha Yeremia a sedhas y'n leys.

Yeremia 39:15

Lemmyn ger an Arloedh a dheuth dhe Yeremia pan veu deges yn klos an prison, ow leverel:

Matthew 21:35

Mes an diogyon a dhalghennas y gethwesyon ha kronkya onan, ha ladha onan, ha labydha onan arall.

Matthew 23:34

Rakhenna, otta, my a dhannvon dhywgh profoesi ha tus fur ha skribys: re anedha hwi a's ladh ha'ga krowsya, ha skorjya re a wrewgh yn agas synagys ha'ga helghya a sita dhe sita;

Luk 22:64

hag i a gudhas y dhewlagas ha govynn orto ow leverel, ‘Gwra profoesa! Piw yw neb a'th weskis?’

Yowann 18:22

Wosa ev dhe leverel hemma, onan a'n soedhogyon neb a sevi ena a ros hwatt dhe Yesu, ow leverel, ‘Yw yndella y hworthybis dhe'n arghoferyas?’

Oberow 5:18

hag i a dhalghennas an abesteli ha'ga gorra y'n prison kemmyn.

Oberow 5:28

ow leverel, ‘Ni a erghis dhywgh yn stroeth ma na dhyskewgh y'n hanow ma, mes otta, hwi re lenwis Yerusalem a'gas dyskas, hag ervirys owgh dhe dhri warnan ni goes an gour ma.’

Oberow 5:40

ha pan alwsens an abesteli, i a's kronkyas hag erghi dhedha na gowssens yn hanow Yesu, ha'ga livra.

Diskwedhyans 2:10

Na borth own a nagonan a'n taklow na a wredh godhav. Otta, an jowl a wra tewlel re ahanowgh yn prison may fewgh prevys, ha galar a'gas bydh deg dydh. Bydh len bys yn ankow, ha kurun bewnans dhiso a rov.