Yeremia 36:8 - An Bibel Kernewek 20234 (Kernewek Kemmyn)

⁸ Ha Baruk mab Neria a wrug pup-tra a worhemmynnis Yeremia an profoes dhodho a-dro dhe lenna y'n rol-skrifa geryow an Arloedh yn chi an Arloedh.

Yeremia 36:8 ပူးပေါင်းရင်းမြစ်များ

Nehemia 8:3

Hag ev a lennas an lagha y'n plen a-dherag Yet an Dowr dhiworth myttin a-varr bys hanter-dydh, a-dherag gwer ha benynes, ha tus a allas konvedhes; hag oll an bobel a woslowas gans rach orth lyver an lagha.

Yeremia 1:17

Ty ytho grogys dha dhiwglun, ha sevel, ha kewsel dhedha pup-tra a worhemmynnav dhis: na vydh ownek a-ragdha, ma na'th ownekhav a-dheragdha.

Yeremia 32:12

ha my a ros chartour an prenas dhe Baruk mab Neria mab Mahseya, yn lok Hanamel mab ow ewnter, hag yn lok an dhustunioryon a sinas chartour an prenas, a-rag oll an Yedhewon esa esedhys yn klos an prison.

Yeremia 36:4

Ena Yeremia a elwis Baruk mab Neria, ha Baruk a skrifas geryow an Arloedh a-dhiworth ganow Yeremia, re gewsis dhodho, war rol-skrifa.

Yeremia 36:6

Ytho ke dha honan, ha lenn geryow an Arloedh y'n rol re skrifsys a'm ganow, yn klewans an bobel yn chi an Arloedh war dhydh penys; ha g ynwedh ty a's lenn yn klewans oll pobel Yuda a dheu yn-mes a'ga sitys.

Matthew 16:24

Ena Yesu a leveris dh'y dhyskyblon, ‘Mar mynn nebonan dos war ow lergh, gwres ev nagha y honan ha kemmeres y grows yn-bann hag ow holya.

1 Korinthianys 16:10

Mar teu Timothi, gwaytyewgh ma'n gwryllowgh bos heb own yntredhowgh, rag ow kul gonis an Arloedh ymava, kepar ha my.