Yeremia 36:6 - An Bibel Kernewek 20234 (Kernewek Kemmyn)

⁶ Ytho ke dha honan, ha lenn geryow an Arloedh y'n rol re skrifsys a'm ganow, yn klewans an bobel yn chi an Arloedh war dhydh penys; ha g ynwedh ty a's lenn yn klewans oll pobel Yuda a dheu yn-mes a'ga sitys.

Yeremia 36:6 ပူးပေါင်းရင်းမြစ်များ

Yeremia 18:11

Ha lemmyn ytho, kews orth gwer Yuda, hag orth annedhysi Yerusalem, ow leverel: Yndellma y lever an Arloedh: Otta, my a furv drogedh er agas pynn ha devisya towl er agas pynn: dehwelewgh peub a'y fordh dhrog ha gul dh'agas fordhow ha'gas gwriansow bos da.

Yeremia 19:14

Ena Yeremia a dheuth a-dhiworth Tofeth, le ma'n dannvonas an Arloedh dhe brofoesa; hag ev a sevis yn klos chi an Arloedh ha leverel dhe'n bobel oll:

Yeremia 22:2

ha lavar, Klew ger an Arloedh, A vyghtern Yuda esedhys war dron Davydh, ty ha'th servysi ha dha bobel neb a enter a-ji dhe'n yetow ma:

Yeremia 26:2

Yndellma y lever an Arloedh: Sav yn klos chi an Arloedh, ha kows dhe oll sitys Yuda hag a dheu dhe wordhya yn chi an Arloedh; kows dhedha oll an geryow a worhemmynnav dhis; na as ger vyth mes.

Yeremia 36:2

Kemmer rol-skrifa ha skrifa warnedhi oll an geryow re gewsis dhis erbynn Ysrael, hag erbynn Yuda, hag erbynn oll an kenedhlow, a-dhia'n jydh may kewsis dhis, a-dhia dhydhyow Yosia bys hedhyw.

Yeremia 36:4

Ena Yeremia a elwis Baruk mab Neria, ha Baruk a skrifas geryow an Arloedh a-dhiworth ganow Yeremia, re gewsis dhodho, war rol-skrifa.

Yeremia 7:2

Sav yn porth chi an Arloedh, ha deklar ena an ger ma, ha leverel, Klewewgh ger an Arloedh, oll hwi a Yuda, a enter y'n porthow ma dhe wordhya an Arloedh.

Zekaria 8:19

Yndellma y lever Arloedh an luyow: Penys an peswora mis, ha penys an seythves, ha penys an degves a vydh lowender ha heudhder ha kuntellesow hweg dhe ji Yuda. Ytho kerewgh gwiryonedh ha kres.

Oberow 27:9

Ha pan dremensa meur a dermyn, ha drefenn bos an vyaj peryllus lemmyn, rag nans o an Penys passys seulabrys, Powl a's kusulyas,