Yeremia 36:4 - An Bibel Kernewek 20234 (Kernewek Kemmyn)

⁴ Ena Yeremia a elwis Baruk mab Neria, ha Baruk a skrifas geryow an Arloedh a-dhiworth ganow Yeremia, re gewsis dhodho, war rol-skrifa.

Yeremia 36:4 ပူးပေါင်းရင်းမြစ်များ

Ysay 30:8

Ke lemmyn, skrif e war leghenn a-ragdha, grav e yn lyver, rag may fo yn dydhyow diwettha dustuni bys vykken.

Ysay 8:1

An Arloedh a leveris dhymm, Kemmer dhis rol-skrifa vras, ha skrif warnedhi gans pluvenn den: Maher-shalal-hash-baz.

Yeremia 25:13

Ha my a dhre war an tir na oll ow geryow a leveris er y bynn, pup-tra yw skrifys y'n lyver ma, a brofoesas Yeremia erbynn oll an kenedhlow.

Yeremia 30:2

Yndellma y lever an Arloedh, Duw Ysrael, ow leverel: Skrif oll an geryow ma re gewsis dhis yn lyver.

Yeremia 32:12

ha my a ros chartour an prenas dhe Baruk mab Neria mab Mahseya, yn lok Hanamel mab ow ewnter, hag yn lok an dhustunioryon a sinas chartour an prenas, a-rag oll an Yedhewon esa esedhys yn klos an prison.

Yeremia 36:14

Ena oll an bennsevigyon a dhannvonas Yehudi mab Nethania mab Shelemia mab Kushi dhe Baruk, ow leverel, ‘Doro an rol-skrifa a lennsys yn klewans an bobel, ha deus.’ Ytho Baruk mab Neria a gemmeras an rol-skrifa yn y leuv hag y teuth dhedha.

Yeremia 36:21

Ena an myghtern a dhannvonas Yehudi dhe gyrghes an rol-skrifa, hag ev a's kemmeras a-dhiworth chambour Elishama an skrifennyas; ha Yehudi a's lennas dhe'n myghtern hag oll an bennsevigyon sevys ryb an myghtern.

Yeremia 36:23

Dell lennas Yehudi teyr po peder folenn, ev a's troghas gans kellyllik ha'ga thewlel y'n tan y'n oeles, bys pan veu an rol-skrifa gowal kowlleskys y'n tan esa y'n oeles.

Yeremia 36:26

Mes an myghtern a worhemmynnis dhe Yerahmeel mab an myghtern ha Seraya mab Azriel, ha Shelemia mab Abdeel may talghenna Baruk an skrifennyas ha Yeremia an profoes. Mes an Arloedh a's kelas.

Yeremia 36:27

Ena ger an Arloedh a dheuth dhe Yeremia, wosa an myghtern dhe leski an rol-skrifa ha'n geryow a skrifas Baruk a-dhiworth ganow Yeremia, ow leverel:

Yeremia 36:28

Kemmer ken rol-skrifa ha skrif warnedhi oll an geryow kyns esa y'n kynsa rol-skrifa a loskas Yehoyakim myghtern Yuda.

Yeremia 36:32

Ena Yeremia a gemmeras ken rol-skrifa ha'y ri dhe Baruk an skrifennyas, mab Neria, neb a skrifas warnedhi a-dhiworth ganow Yeremia oll geryow an rol-skrifa re losksa Yehoyakim myghtern Yuda y'n tan; ha lies ger kehaval a veu keworrys dhedha.

Yeremia 36:6

Ytho ke dha honan, ha lenn geryow an Arloedh y'n rol re skrifsys a'm ganow, yn klewans an bobel yn chi an Arloedh war dhydh penys; ha g ynwedh ty a's lenn yn klewans oll pobel Yuda a dheu yn-mes a'ga sitys.

Yeremia 43:3

mes yma Baruk mab Neria orth dha ynnia er agan pynn, dh'agan ri yn leuv an Kaldeanys, ma'gan gorrens dhe'n mernans, ha'gan kemmeres dhe-ves yn divroedh dhe Babylon.’

Yeremia 51:59

An ger a worhemmynnis Yeremia an profoes dhe Seraya mab Neria mab Mahseya, pan eth dhe Babylon gans Sedekia myghtern Yuda, yn peswora blydhen y reyn. Seraya o an erberjour.

Yeremia 51:60

Yeremia a skrifas yn unn rol-skrifa oll an anfeusi a dho war Babylon, oll an geryow ma yw skrifys a-dro dhe Babylon.

Ezekiel 2:9

Ena my a viras, hag otta leuv ystynnys dhymm, hag otta, yth esa ynni rol-skrifa.

Daniel 7:1

Y'n kynsa blydhen a Belshassar myghtern Babylon, Daniel a welas Daniel hunros ha gwelesigethow yn y benn, hag ev a'y wrowedh yn y weli. Ena ev a skrifas an hunros, ha derivas an mater yn kott.

Zekaria 5:1

Arta my a dhrehevis ow dewlagas ha mires, hag awotta rol-skrifa esa ow nija.

Romanyon 16:22

My, Tertius, skrifer an lyther ma a'gas salus y'n Arloedh.