Yeremia 36:32 - An Bibel Kernewek 20234 (Kernewek Kemmyn)

³² Ena Yeremia a gemmeras ken rol-skrifa ha'y ri dhe Baruk an skrifennyas, mab Neria, neb a skrifas warnedhi a-dhiworth ganow Yeremia oll geryow an rol-skrifa re losksa Yehoyakim myghtern Yuda y'n tan; ha lies ger kehaval a veu keworrys dhedha.

Yeremia 36:32 ပူးပေါင်းရင်းမြစ်များ

Eksodus 34:1

An Arloedh a leveris dhe Moyses, ‘Fols diw leghenn a ven haval dhe'n kynsa; ha my a wra skrifa war an leghennow an geryow esa war an kynsa leghennow, a derrsys.

Yeremia 36:18

Baruk a worthybis dhedha, ‘Ev a leveris dhymm oll an geryow ma a-dhiworth y anow, ha my a's skrifas gans ynk war an rol-skrifa.’

Yeremia 36:23

Dell lennas Yehudi teyr po peder folenn, ev a's troghas gans kellyllik ha'ga thewlel y'n tan y'n oeles, bys pan veu an rol-skrifa gowal kowlleskys y'n tan esa y'n oeles.

Yeremia 36:4

Ena Yeremia a elwis Baruk mab Neria, ha Baruk a skrifas geryow an Arloedh a-dhiworth ganow Yeremia, re gewsis dhodho, war rol-skrifa.

Daniel 3:19

Ena yth o Nebukadnessar leun a gonnar, ha semlans y vejeth a veu treylys erbynn Shadrak, Meshak hag Abednego; ytho ev a gewsis, hag erghi may fe an fornes poethhes seythkemmys moy ages dell vedha an us.

Daniel 7:1

Y'n kynsa blydhen a Belshassar myghtern Babylon, Daniel a welas Daniel hunros ha gwelesigethow yn y benn, hag ev a'y wrowedh yn y weli. Ena ev a skrifas an hunros, ha derivas an mater yn kott.

Levitikus 26:18

Ha mar ny vynnowgh koela orthiv yn spit dhe hemma, my a vynn agas kessydhya seythgweyth moy rag agas peghosow.

Levitikus 26:21

Ha mar kerdhowgh kontrari dhymmo vy, ha mar ny vynnowgh koela orthiv, my a dhre seythgweyth moy plagys warnowgh rag agas peghosow.

Levitikus 26:24

ena my ynwedh a gerdh kontrari dhywgh hwi, ha'gas kessydhya seythgweyth rag agas peghosow,

Levitikus 26:28

ena my ynwedh a gerdh kontrari dhywgh hwi, ha my ynwedh a wra agas kessydhya seythgweyth rag agas peghosow.

Romanyon 16:22

My, Tertius, skrifer an lyther ma a'gas salus y'n Arloedh.

Diskwedhyans 22:18

My a dhest dhe seul a glewvo lavarow profoesans an rol-skrifa ma: Den mar keworr travyth dhedha, Duw a geworr dhodho an plaow yw skrifys y'n rol ma;