Yeremia 36:31 - An Bibel Kernewek 20234 (Kernewek Kemmyn)

³¹ My a'n kessydh ha'y has ha'y servysi rag aga anewnder; my a dhre warnedha, ha war annedhysi Yerusalem, ha war bobel Yuda, oll an drog re leveris er aga fynn, mes ny woslowsons.

Yeremia 36:31 ပူးပေါင်းရင်းမြစ်များ

Salmow 94:23

Ev a attal dhedha aga sherewneth aga honan, ha'ga distrui yn aga droktra aga honan; devri, an Arloedh agan Duw a wra aga hisya.

Lavarow Koth 29:1

Gour neb yw keredhys fest yn fenowgh, hag a bes kales y gilbenn, a vydh brewys distowgh, ha ny vydh eli.

Yeremia 11:8

Mes ny woslowsons, na ny blegsons aga skovarn, mes i a gerdhas peub yn gorthter aga thebel golonn: ytho my a dhre warnedha oll geryow an kevambos ma, a worhemmynnis dhedha dh'y wul; mes ny wrussons.

Yeremia 17:18

Bedhens methek an re a'm helgh, mes na'm gas vy dhe vos methek: gas i dhe vos dyegrys, mes na as vy dhe vos dyegrys; dro warnedha dydh an drogedh ha'ga distrui gans distruyans dewblek.

Yeremia 19:15

Yndellma y lever Arloedh an luyow, Duw Ysrael: Otta, my a dhre war an sita ma hag oll hy threvow oll an drogedh re gewsis er hy fynn, drefenn i dhe galeshe aga hilbenn ma na glewvens ow geryow.

Yeremia 23:34

Ha'n profoes, po an oferyas, po an bobel neb a lever, ‘Begh an Arloedh’, my a gessydh an gour na ha'y ji.

Yeremia 29:32

ytho yndellma y lever an Arloedh: My a gessydh Shemaia an Nehelamyas ha'y dhiyskynnysi; ny'n jevydh denvyth trigys yn mysk an bobel ma; na ny welvydh an da a wrav dhe'm pobel, yn-medh an Arloedh, drefenn ev dhe gewsel rebellyans erbynn an Arloedh.

Yeremia 35:17

Ytho, yndellma y lever an Arloedh, Duw an luyow, Duw Ysrael: My a dhre war Yuda ha war oll annedhysi Yerusalem pub terroes re leveris er aga fynn; rag my re gewsis dhedha ha ny woslowsons, my re elwis dhedha mes ny worthybsons.’

Yeremia 52:2

Ev a wrug an drog yn golok an Arloedh, poran kepar dell wrug Yehoyakim.

Ezekiel 7:8

Lemmyn a verr spys my a dhinwa ow honnar warnas, ha'y kowlwul ow sorr er dha bynn; my a'th vreus war-lergh dha fordhow, hag attyli dhis rag oll dha daklow kasadow.

Ezekiel 7:9

Ny gemmer ow lagas pita ahanas, na ny'th sparyav; my a attal dhis war-lergh dha fordhow, ha'th taklow kasadow usi a-berth ynnos. Ena hwi a woer my dhe vos an Arloedh, usi ow kweskel.

Levitikus 26:14

Mes mar ny vynnowgh goslowes orthiv, na gul oll an gorhemmynnow ma,

Matthew 23:37

‘Yerusalem, Yerusalem neb a ladh an brofoesi ha labydha an re yw dannvenys dhis! Peskweyth y yeunis vy kuntell dha fleghes war-barth, kepar dell guntell yar hy yerigow yn-dann hy eskelli, mes hwi ny vynnsowgh.