Yeremia 36:29 - An Bibel Kernewek 20234 (Kernewek Kemmyn)

²⁹ Hag a-dro dhe Yehoyakim myghtern Yuda ty a lever: Yndellma y lever an Arloedh, Ty re loskas an rol-skrifa ma, ow leverel, Prag y skrifsys ynni y teu myghtern Babylon yn sur ha distrui an tir ma ha gul dhe hedhi anodho den ha best?

Yeremia 36:29 ပူးပေါင်းရင်းမြစ်များ

Yeremia 26:9

Prag y profoessys yn hanow an Arloedh, ow leverel, “An chi ma a vydh avel Shilo, ha'n sita ma a vydh ynyal, heb annedhyas”?’ Hag oll an bobel a omguntellas a-dro dhe Yeremia yn chi an Arloedh.

Ysay 30:10

neb a lever dhe'n welesydhyon, ‘Na welewgh’, ha dhe'n brofoesi, ‘Na brofoesewgh dhyn an gwir, kewsewgh orthyn taklow fekyl, profoesewgh husow;

Yeremia 32:3

le ma'n keas Sedekia myghtern Yuda, ow leverel, ‘Prag y profoesydh ha leverel: Yndellma y lever an Arloedh: My a re an sita ma yn leuv myghtern Babylon, hag ev a's kemmer;

Ysay 45:9

Go-ev neb a striv orth y Wrier, priweyth orth an priweythor! A lever an pri dh'y formyer, ‘Pandr'a wredh?’ po ‘Nyns eus skovornow dhe'th ober’?

Ysay 29:21

an re a dhampen den der er, ha gorra maglenn rag an darsiwyas y'n yet, ha treylya breus an den gwiryon gans fals dhustuni.

Job 15:24

ahwer hag ankres a wra y euthega; i a warthev warnodho, kepar ha myghtern parys rag batel;

Dewteronomi 29:19

Pan glew nebonan geryow an volleth ma, hag omvenniga yn y golonn, ow leverel, ‘Kres a vydh dhymm, kyn kerdhav yn gorthter ow holonn’, yndella ow tiswul an tir dowrhes war-barth gans an tir sygh,

1 Korinthianys 10:22

A wren ni gul dhe'n Arloedh perthi avi? On ni kreffa agesso ev?

Oberow 5:39

mes mars yw a Dhuw, ny yllowgh hwi aga distrui, na vowgh kevys yn tevri bos ow sevel erbynn Duw.’ Ytho i a obayas dhodho,

Oberow 5:28

ow leverel, ‘Ni a erghis dhywgh yn stroeth ma na dhyskewgh y'n hanow ma, mes otta, hwi re lenwis Yerusalem a'gas dyskas, hag ervirys owgh dhe dhri warnan ni goes an gour ma.’

Yeremia 28:8

An brofoesi hag a dheuth kyns my ha kyns ty a'n termyn koth a brofoesas erbynn lies pow, hag erbynn gwlaskordhow meur, a vresel, divoetter, a drogedh hag a bla.

Yeremia 21:10

Rag my re worras ow fas erbynn an sita ma rag drog, a-der rag da, yn-medh an Arloedh: res vydh yn dorn myghtern Babylon, hag ev a's lesk gans tan.

Job 40:8

A vynnydh diswul ow breus? A vynnydh ow dampnya rag ty dhe vos ewnhes?

Job 15:25

rag ev re ystynnas y leuv erbynn Duw, ha krevhe y honan erbynn an Ollgalloesek,

Yeremia 25:9

otta, my a dhannvon ha kemmeres oll teyluyow an gogledh, yn-medh an Arloedh, ha Nebukadnessar myghtern Babylon, ow gwas, ha my a's dre erbynn an tir ma hag erbynn y annedhysi, hag erbynn oll an kenedhlow ma usi a-derdro, ha my a wra aga sakra dhe dhistruyans, ha gul dhedha bos euth, ha hwibana, ha magoryow bys vykken.

Yeremia 25:13

Ha my a dhre war an tir na oll ow geryow a leveris er y bynn, pup-tra yw skrifys y'n lyver ma, a brofoesas Yeremia erbynn oll an kenedhlow.

Yeremia 33:12

Yndellma y lever Arloedh an luyow: Arta y'n tyller ma hag yw ynyal, heb den na best, hag yn oll y sitys, y fydh peurva rag bugeledh dhe ri powes dh'aga flokkys.

Yeremia 36:23

Dell lennas Yehudi teyr po peder folenn, ev a's troghas gans kellyllik ha'ga thewlel y'n tan y'n oeles, bys pan veu an rol-skrifa gowal kowlleskys y'n tan esa y'n oeles.