Yeremia 36:26 - An Bibel Kernewek 20234 (Kernewek Kemmyn)

²⁶ Mes an myghtern a worhemmynnis dhe Yerahmeel mab an myghtern ha Seraya mab Azriel, ha Shelemia mab Abdeel may talghenna Baruk an skrifennyas ha Yeremia an profoes. Mes an Arloedh a's kelas.

Yeremia 36:26 ပူးပေါင်းရင်းမြစ်များ

1 Myghternedh 17:3

‘Ke alemma ha treylya dhe'n duryen, hag omgudh ryb nans Kerith, usi a'n duryen dhe'n Yordan.

1 Myghternedh 17:9

‘Ke lemmyn dhe Sarefath, usi dhe Sidon, ha triga ena; rag my re worhemmynnis dhe wedhwes ena dha sostena.’

1 Myghternedh 18:4

pan esa Yezebel ow ladha profoesi an Arloedh, Obadia a gemmersa kans profoes, aga hudha yn mogowyow, hanter kans yn pubonan, ha'ga sostena gans bara ha dowr.

1 Myghternedh 19:10

Ev a worthybis, ‘My re beu pur dhiwysyk rag an Arloedh, Duw an luyow, rag an Ysraelysi re eskasas dha gevambos, terri dha alteryow, ha ladha dha brofoesi gans an kledha. Nyns eus nagonan gesys marnas my, hag ymons ow hwilas ow bewnans, dh'y gemmeres dhe-ves.’

1 Myghternedh 19:14

Ev a worthybis, ‘My re beu pur dhiwysyk rag an Arloedh, Duw an luyow; rag an Ysraelysi re eskasas dha gevambos, terri dha alteryow, ha ladha dha brofoesi gans an kledha. Nyns eus nagonan gesys marnas my, hag ymons ow hwilas ow bewnans, dh'y gemmeres dhe-ves.’

1 Myghternedh 22:26

Myghtern Ysrael a leveris, ‘Kemmer Mikaya ha'y dhaskorr dhe Amon governour an sita ha dhe Yoash mab an myghtern,

2 Myghternedh 11:2

Mes Yehosheba, myrgh myghtern Yehoram, hwoer Ahazia, a gemmeras Yoash mab Ahazia, ha'y ladra dhiworth kres mebyon an myghtern esa ow pos ledhys; hi a'n gorras, ev ha'y vammeth, yn chambour gweli, kudhys a-dhiworth Athalia ma na ve ledhys.

2 Kroniklys 18:26

ha lavar, “Yndella a lever an myghtern: gorr an polat ma y'n prison, ha'y vaga orth boghes ewnrannow a vara ha dowr bys pan dhehwelliv yn kres.” ’

Salmow 105:15

‘Na dochyewgh an re untys genev, ha na bystigewgh ow frofoesi.’

Salmow 121:8

An Arloedh a'th with ow mos dhe-ves hag ow tos a-ji alemma rag ha bys vykken.

Salmow 27:5

Rag ev a'm kel yn y skovva yn dydh anken; yn goskes y dylda ev a'm kudh; ev a'm gorr war-vann war garrek.

Salmow 32:7

Ty yw ow hovva, ty a'm gwith rag anken; ty a dheu a-dro dhymm gans kanow livreson. Sela.

Salmow 57:1

Bydh grassyes orthiv, A Dhuw, bydh grassyes orthiv, rag ow enev a hwila skovva ynnos; hag yn-dann skeus dha eskelli y fydh ow skovva, erna vo an droglammow ma tremenys.

Salmow 64:2

Kudh vy rag kusul gel an debeles, rag freudh an dhrogoberoryon,

Salmow 91:1

Seul a drig yn skovva an Ughella a bowes yn-dann woskes an Ollgalloesek.

Ysay 26:20

Ke ow fobel, enter dhe'th chambour ha dege dha dharas a-dryv dhis; omgudh prysweyth bys pan dremen sorrvann.

Yeremia 1:19

1 Hag i a wra omladh er dha bynn; mes ny wrons fetha; rag my a vydh genes, yn-medh an Arloedh, dhe'th telivra.

Yeremia 2:30

Yn euver my re weskis agas fleghes; ny dhegemmersons dyskybleth. Agas kledha agas honan re dhevoryas agas profoesi, avel lew ow tistrui.

Yeremia 26:24

Byttegyns yth esa leuv Ahikam mab Shafan gans Yeremia ma na veu res yn leuv an bobel dh'y worra dhe'n mernans.

Yeremia 36:19

Ena an bennsevigyon a leveris dhe Baruk, ‘Ke hag omgeles, ty ha Yeremia, ha na as denvyth dhe wodhvos le mayth esowgh.’

Yeremia 36:5

Ha Yeremia a worhemmynnis dhe Baruk, ow leverel, ‘Ny'm beus entra chi an Arloedh.

Yeremia 38:6

Ena i a gemmeras Yeremia ha'y dewlel yn dorvagh Malkia mab an myghtern esa yn klos an prison, owth iselhe Yeremia gans lovonow. Hag y'n dhorvagh nyns esa dowr, marnas leys, ha Yeremia a sedhas y'n leys.

Yowann 11:57

Mes an bennoferysi ha'n Fariseow a rossa gorhemmynn, piwpynag a wodhve ple'th esa, may rolla derivas, rag may talghennens ynno.

Yowann 7:32

An Fariseow a glewas an routh ow krodhvolas yndella a-dro dhodho, ha'n bennoferysi ha'n Fariseow a dhannvonas gwesyon dh'y dhalghenna.

Yowann 8:20

Ev a gewsis an geryow ma y'n arghow, hag ev ow tyski y'n tempel; ha ny wrug denvyth y dhalghenna, rag ny veu hwath devedhys y eur.

Yowann 8:59

Ena i a gemmeras meyn dhe dewlel orto; mes Yesu a omgudhas ha gasa an tempel.

Oberow 12:11

Ena Peder a dheuth dh'y ewn rewl ha leverel, ‘Lemmyn my a woer yn hwir y tannvonas Duw y el ha'm livra mes a leuv Herod ha mes a oll gwaytyans an bobel yedhowek.’