Yeremia 36:21 - An Bibel Kernewek 20234 (Kernewek Kemmyn)

²¹ Ena an myghtern a dhannvonas Yehudi dhe gyrghes an rol-skrifa, hag ev a's kemmeras a-dhiworth chambour Elishama an skrifennyas; ha Yehudi a's lennas dhe'n myghtern hag oll an bennsevigyon sevys ryb an myghtern.

Yeremia 36:21 ပူးပေါင်းရင်းမြစ်များ

2 Myghternedh 22:10

Ena Shafan an skrifwas a dherivas dhe'n myghtern ow leverel, ‘Hilkia an oferyas re ros lyver dhymm.’ Ha Shafan a'n lennas a-rag an myghtern.

2 Kroniklys 34:18

An skrifennyas, Shafan an skrifennyas a dherivas dhe'n myghtern, ‘Hilkia an oferyas re ros dhymmo vy lyver.’ Ena Shafan a'n lennas dhe'n myghtern.

Yeremia 23:28

An profoes neb a'n jeves hunros, gas dhodho derivas an hunros, ha neb a'n jeves ow ger, gas ev dhe gewsel ow ger yn lel. Pyth yw an kulyn dhe'n gwaneth? yn-medh an Arloedh.

Yeremia 26:2

Yndellma y lever an Arloedh: Sav yn klos chi an Arloedh, ha kows dhe oll sitys Yuda hag a dheu dhe wordhya yn chi an Arloedh; kows dhedha oll an geryow a worhemmynnav dhis; na as ger vyth mes.

Yeremia 36:14

Ena oll an bennsevigyon a dhannvonas Yehudi mab Nethania mab Shelemia mab Kushi dhe Baruk, ow leverel, ‘Doro an rol-skrifa a lennsys yn klewans an bobel, ha deus.’ Ytho Baruk mab Neria a gemmeras an rol-skrifa yn y leuv hag y teuth dhedha.

Yeremia 36:15

Hag i a leveris dhodho, ‘Esedh ha'y lenna dhyn.’ Ytho Baruk a's lennas dhedha.