Yeremia 36:2 - An Bibel Kernewek 20234 (Kernewek Kemmyn)

² Kemmer rol-skrifa ha skrifa warnedhi oll an geryow re gewsis dhis erbynn Ysrael, hag erbynn Yuda, hag erbynn oll an kenedhlow, a-dhia'n jydh may kewsis dhis, a-dhia dhydhyow Yosia bys hedhyw.

Yeremia 36:2 ပူးပေါင်းရင်းမြစ်များ

Ezra 6:2

Hag y feu kevys yn Ekbatana, yn kastell usi yn rannvro an Medys, rol-skrifa, hag y feu skrifys ynni yndellma: ‘Kovskrifenn:

Job 31:35

unnweyth a pe nebonan dhe'm klewes! Ottomma ow sinans! – re worthyppo dhymm an Ollgalloesek; re wrello ow kuhudhor skrifa ow kuhudhans!

Salmow 40:7

Ena y leveris, ‘Otta, devedhys ov; yn rol an lyver yw skrifys ahanav.’

Eksodus 17:14

Ha'n Arloedh a leveris dhe Moyses, ‘Skrif hemma yn lyver avel kovadh, ha'y dhasleverel yn diwskovarn Yoshua may tileav yn tien kov Amalek a-dhann nev.’

Ysay 8:1

An Arloedh a leveris dhymm, Kemmer dhis rol-skrifa vras, ha skrif warnedhi gans pluvenn den: Maher-shalal-hash-baz.

Yeremia 1:10

Mir, my re'th apoyntyas hedhyw war an kenedhlow ha war an gwlaskordhow, dhe dhiwreydhya, ha dhe derri dhe'n dor, dhe dhistrui, ha dhe dhiswul; dhe dhrehevel ha dhe blansa.’

Yeremia 1:5

‘Kyns my dhe'th formya y'n dorr my a'th aswonnis; ha kyns ty dhe dhos yn-mes a'n brys my a'th sakras, ha'th worra dhe vos profoes dhe'n kenedhlow.’

Yeremia 1:9

Ha'n Arloedh a ystynnas y leuv ha tochya ow ganow. Hag yn-medh an Arloedh dhymm, ‘Awotta, my re worras ow geryow y'th hanow.

Yeremia 2:4

Klewewgh ger an Arloedh, A ji Yakob, hag oll teyluyow chi Ysrael:

Yeremia 25:3

A-dhia drydhegves blydhen Yosia mab Amon myghtern Yuda, bys y'n jydh ma, henn yw an tressa blydhen warn ugens, ger an Arloedh re dheuth dhymm, ha my re gewsis dhywgh yn tiwysyk, mes ny woslewsowgh.

Yeremia 30:2

Yndellma y lever an Arloedh, Duw Ysrael, ow leverel: Skrif oll an geryow ma re gewsis dhis yn lyver.

Yeremia 36:14

Ena oll an bennsevigyon a dhannvonas Yehudi mab Nethania mab Shelemia mab Kushi dhe Baruk, ow leverel, ‘Doro an rol-skrifa a lennsys yn klewans an bobel, ha deus.’ Ytho Baruk mab Neria a gemmeras an rol-skrifa yn y leuv hag y teuth dhedha.

Yeremia 36:18

Baruk a worthybis dhedha, ‘Ev a leveris dhymm oll an geryow ma a-dhiworth y anow, ha my a's skrifas gans ynk war an rol-skrifa.’

Yeremia 36:23

Dell lennas Yehudi teyr po peder folenn, ev a's troghas gans kellyllik ha'ga thewlel y'n tan y'n oeles, bys pan veu an rol-skrifa gowal kowlleskys y'n tan esa y'n oeles.

Yeremia 36:29

Hag a-dro dhe Yehoyakim myghtern Yuda ty a lever: Yndellma y lever an Arloedh, Ty re loskas an rol-skrifa ma, ow leverel, Prag y skrifsys ynni y teu myghtern Babylon yn sur ha distrui an tir ma ha gul dhe hedhi anodho den ha best?

Yeremia 36:6

Ytho ke dha honan, ha lenn geryow an Arloedh y'n rol re skrifsys a'm ganow, yn klewans an bobel yn chi an Arloedh war dhydh penys; ha g ynwedh ty a's lenn yn klewans oll pobel Yuda a dheu yn-mes a'ga sitys.

Yeremia 45:1

An ger a gewsis Yeremia an profoes dhe Baruk mab Neria, pan skrifas an geryow ma yn rol-skrifa a-dhiworth ganow Yeremia, y'n peswora blydhen a Yehoyakim mab Yosia myghtern Yuda:

Yeremia 51:60

Yeremia a skrifas yn unn rol-skrifa oll an anfeusi a dho war Babylon, oll an geryow ma yw skrifys a-dro dhe Babylon.

Ezekiel 2:9

Ena my a viras, hag otta leuv ystynnys dhymm, hag otta, yth esa ynni rol-skrifa.

Hosea 8:12

Kyn skrifav ragdho ordenansow diniver ow lagha, akontys yns avel neppyth astranj.

Dewteronomi 31:24

Pan gowlwrussa Moyses skrifa geryow an lagha ma yn lyver, bys yn aga diwedh,

Ebrowyon 10:7

Ena y leveris vy, “Otta, deuvev, may hwrylliv dha vodh, a Dhuw”, dell yw skrifys ahanav yn rol an lyver.’