Yeremia 35:6 - An Bibel Kernewek 20234 (Kernewek Kemmyn)

⁶ Mes i a worthybis, ‘Ny evyn gwin vytholl, rag agan tas Yonadab mab Rekab a worhemmynnis dhyn, “Nevra ny evowgh gwin, na hwi na'gas fleghes;

Yeremia 35:6 ပူးပေါင်းရင်းမြစ်များ

Jenesis 25:27

An vebyon a devis, hag Esaw a dheuth ha bos gour ha dhodho godhvos a helghya, gour a'n gwel; mes gour hebask o Yakob, trigys yn tyldow.

Jenesis 36:7

Rag mar vras o aga fyth ma na yllens triga war-barth, ha na ylli an pow mayth esens ow kodriga ynno aga ferthi drefenn aga chatel.

2 Myghternedh 10:15

Wosa dhiberth alena ev a vetyas orth Yehonadab mab Rekab ow tos dhe vetya orto; ev a'n salusis ha leverel dhodho, ‘Yw dha golonn len, kepar dell yw ow holonn len dhis?’ Yehonadab a worthybis, ‘Yw.’ ‘Mars yw, roy dhymm dha leuv.’ Hag ev a ros dhodho y leuv; hag ev a'n drehevis dhodho y'n charett.

2 Myghternedh 10:23

Ena Yehu eth gans Yehonadab mab Rekab a-berth yn tempel Baal ha leverel dhe wesyon Baal, ‘Hwilewgh ha gwelewgh nag eus omma genowgh gwesyon an Arloedh, mes unnsel gwesyon Baal.’

1 Kroniklys 16:19

Pan ens i hwath boghes aga niver, pur voghes, hag alyons y'n tir,

1 Kroniklys 2:55

Kordhow skribys trigys yn Yabes: an Tirathysi, an Shimeathysi ha'n Sukathysi. An re ma o an Kenysi, devedhys a Hammath, tas an Rekabysi.

Salmow 105:12

Pan ens i hwath boghes aga niver, pur voghes, hag alyons y'n tir,

Eksodus 20:12

Enor dha das ha'th vamm, may fo hir dha dhydhyow y'n tir usi an Arloedh dha Dhuw orth y ri dhis.

Yeremia 35:10

mes ni re beu trigys yn tyldow, ha bos gostydh, ha gul pup-tra re worhemmynnis agan tas Yonadab dhyn.

Yeremia 35:14

Geryow Yonadab mab Rekab a worhemmynnis dh'y vebyon, na effens gwin, re beu kowlwrys; ha ny evons byth bys y'n jydh ma, rag i re beu gostydh dhe worhemmynn aga thas. Mes my ow honan re gewsis orthowgh heb lett, ha ny woslewsowgh orthiv.

Levitikus 10:9

‘Na wrewgh hwi, naneyl ty na'th vebyon, eva gwin na korev pan entrowgh yn tylda an kuntelles, ma na verwowgh. Ordenans vydh bys vykken der agas henedhow,

Luk 1:15

Rag ev a vydh meur a-dherag an Arloedh, ha gwin ha diwes ny wra ev dhe eva mann, ha lenwys vydh ev a'n Spyrys Sans, ha henna dhiworth brys y vamm,

1 Peder 2:11

Karadowyon, my a'gas pys avel alyons ha divresow mayth omwithewgh rag hwansow an kig a wra gwerrya erbynn an enev.

Breusysi 13:14

Difennys vydh orti dybri travyth a dheu a'n gwinbrenn. Difennys vydh orti eva naneyl gwin na diwes krev, na dhybri travyth avlan. Res vydh dhedhi bos gostydh dhe bup-tra re worhemmynnis vy dhedhi.’

Breusysi 13:7

mes ev a leveris dhymm, “Ty a omdhek ha dineythi mab. Ytho lemmyn na yv gwin vytholl na diwes krev, ha na dheber travyth avlan, rag an mab a vydh Naziryas dhe Dhuw a'y enesigeth bys dydh y vernans.” ’