Yeremia 35:4 - An Bibel Kernewek 20234 (Kernewek Kemmyn)

⁴ My a's dros dhe ji an Arloedh yn chambour mebyon Hanan mab Ygdalia, gour Duw, hag esa ogas dhe jambour an bennsevigyon, a-ugh stevell Maaseya mab Shallum, gwithyas an treudhow.

Yeremia 35:4 ပူးပေါင်းရင်းမြစ်များ

1 Myghternedh 12:22

Mes ger Duw a dheuth dhe Shemaia, gour Duw:

1 Myghternedh 13:1

Dre er an Arloedh gour Duw a dheuth yn-mes a Yuda dhe Bethel, ha Yeroboam a'y sav ryb an alter rag leski offrynn.

1 Myghternedh 13:26

Pan glewas hemma an profoes neb a'n drosa tre dhiworth an fordh, ev a leveris, ‘Gour Duw yw neb a rebellyas erbynn ger an Arloedh. An Arloedh re'n ros dhe lew, hag ev a'n skwardyas ha'y ladha herwydh an ger a gewsis an Arloedh dhodho.’

1 Myghternedh 17:18

Hi a leveris dhe Elias, ‘Pyth eus yntredhon ni, A wour Duw? Ty re dheuth dhymm rag dri ow hammweyth dhe gov, ha ladha ow mab!’

1 Myghternedh 17:24

Ytho an venyn a leveris dhe Elias, ‘Lemmyn my a woer dha vos gour Duw, ha bos gwiryonedh ger an ARLOEDH y'th hanow.’

1 Myghternedh 20:28

Gour Duw a dheuth ha leverel dhe vyghtern Ysrael, ‘Yndellma y lever an Arloedh: Drefenn Aram dhe leverel, “An Arloedh yw Duw an menydhyow mes nyns yw Duw an nansow”, ytho my a re oll an routh veur ma y'th leuv, ha hwi a wodhvydh ow bos an Arloedh.’

2 Myghternedh 1:9

Ena an myghtern a dhannvonas dhodho kapten a hanter-kans gans y hanter-kans den. Ev eth trohag Elias, esa owth esedha war benn bre, ha leverel dhodho, ‘Gour Duw, an myghtern a lever, “Diyskynn!” ’

2 Myghternedh 12:9

Yehoyada an oferyas a gemmeras kist ha tardra toll yn hy gorher, ha'y settya ryb an alter, a'n barth dhyghow ow tos a-berth yn chi an Arloedh. An oferysi esa ow kwitha an treudhow a worras ynni oll an arghans a veu dres a-berth yn chi an Arloedh.

2 Myghternedh 25:18

Kapten an withysi a gemmeras Seraya an arghoferyas, Sefania an isarghoferyas, ha tri gwithyas a'n treudhow.

2 Myghternedh 5:14

Ena ev a dhiyskynnas hag omdroghya seythgweyth y'n Yordan, herwydh lavar gour Duw; ha'y gig a veu asverys kepar ha kig fleghik, ha glan o ev.

2 Myghternedh 5:20

Gehazi, gwas Elisha, gour Duw, a leveris dh'y honan, ‘Ow mester re sparyas Naaman an Aramyas ma, drefenn na dhegemmeras dhiworth y dhiwla an pyth a brofyas ev. Dell vew an Arloedh, my a wra poenya war y lergh ha kemmeres neppyth a-dhiworto.’

2 Myghternedh 6:10

Myghtern Ysrael a dhannvonas messaj dhe'n tyller a gewsis gour Duw a-dro dhodho. Moy ages unn po diwweyth ev a'n gwarnyas; yth ev a veu hewoel ena.

2 Myghternedh 7:17

An myghtern re apoyntsa an kapten may poesa ev war y leuv, dhe gavoes charj a'n yet; ha'n bobel a stankyas warnodho y'n yet, hag ev a verwis, dell lavarsa gour Duw pan dheuth an myghtern yn-nans dhodho.

2 Myghternedh 7:2

Ena an kapten mayth esa an myghtern ow poesa war y leuv a worthybis dhe wour Duw ha leverel, ‘Otta, a kwrella an Arloedh igeri fenestri y'n nev, ny allsa hemma bos’ Elisha a leveris, ‘Ty a'n gwel gans dha dhewlagas dha honan, mes ny wredh dybri a-dhiworto.’

1 Kroniklys 9:27

Yth esens ow spena an nos a-dro dhe ji Duw rag yth esa warnedha an dever dh'y witha, ha dh'y igeri pub myttin.

2 Kroniklys 8:14

Herwydh gorhemmynn Davydh y das, ev a ordenas rannow an oferysi rag aga servis, ha'n Levysi rag aga soedhow a wormola hag a venystra ryb an oferysi avel dever pub-dydhyek dell ve res, ha gwithysi an yetys yn aga rannow rag pub yet; rag yndella y hworhemmynnsa Davydh, gour Duw.

Salmow 84:10

Rag unn jydh y'th klosyow yw gwell ages mil yn ken le. Gwell via genev bos porther yn chi ow Duw ages annedhi tyldow sherewneth.

Yeremia 21:1

An ger hag a dheuth dhe Yeremia a-dhiworth an Arloedh, pan dhannvonas myghtern Sedekia dhodho Pashhur mab Malkia, ha Sefania mab Maaseya an oferyas, ow leverel,

Yeremia 26:10

Pan glewas pennsevigyon Yuda an traow ma, i a dheuth yn-bann a-dhiworth chi an myghtern dhe ji an Arloedh hag esedha yn entrans yet nowydh chi an Arloedh.

Yeremia 35:3

Ytho my a gemmeras Yaazania mab Yeremia mab Habassinia, ha'y vreder, hag oll y vebyon, ha chi kowal an Rekabysi.

Yeremia 52:24

Kapten an withysi a gemmeras Seraya an pennoferyas, an nessa oferyas Sefania, ha'n tri gwithyas a'n treudhow;

Ezekiel 40:38

Yth esa hel gans hy daras ryb postow an yetow; ena i a wolghi an offrynn leskys.

Ezekiel 43:8

Pan worrsons aga threudhow ryb ow threudhow vy, ha'ga fostow-daras ryb ow fostow-daras vy, gans travyth marnas paros yntra my hag i, i a dhefolas ow hanow sans gans an taklow kasadow a wrussons; ytho my re's konsumyas y'm sorr.

Dewteronomi 33:1

Homm yw an vennath may hwrug Moyses, den Duw, benniga mebyon Ysrael gensi kyns y vernans.

1 Timothi 6:11

Mes ty, a dhen Duw, fi dhiworth an taklow ma ha ke war-lergh ewnder, sansoleth, fydh, kerensa, perthyans, klorder.

2 Timothi 3:17

may fo den Duw gwiw ha parys yn leun rag pub ober da.

Yoshua 14:6

Ena mebyon Yuda a dheuth dhe Yoshua yn Gilgal; ha Kaleb mab Yefunne an Kenizzyas a leveris dhodho, ‘Ty a woer an pyth a leveris an Arloedh dhe Moyses gour Duw yn Kadesh-barnea y'm kever hag y'th kever.

1 Samuel 2:27

Lemmyn gour Duw a dheuth dhe Eli ha leverel dhodho, ‘Yndellma y lever an Arloedh, “A ny dhiskwedhis vy ow honan yn kler dhe ji dha das pan esens yn Ejyp yn chi Faro?