Yeremia 35:17 - An Bibel Kernewek 20234 (Kernewek Kemmyn)

¹⁷ Ytho, yndellma y lever an Arloedh, Duw an luyow, Duw Ysrael: My a dhre war Yuda ha war oll annedhysi Yerusalem pub terroes re leveris er aga fynn; rag my re gewsis dhedha ha ny woslowsons, my re elwis dhedha mes ny worthybsons.’

Yeremia 35:17 ပူးပေါင်းရင်းမြစ်များ

Jenesis 6:17

Hag awotta, yth esov vy ow honan ow tri liv dowrow war an nor dhe dhistrui pub kig hag ynno anall bewnans yn-dann nev. Pup-tra eus war an nor a wra merwel.

Lavarow Koth 13:13

Neb a skorn an ger a dheg diswrians warnodho y honan, mes neb a berth own a'n gorhemmynn a'n jevydh gober.

Lavarow Koth 16:2

Oll fordhow gour yw pur yn y dhewlagas y honan, mes an Arloedh a vantol an spyrysyon.

Ysay 50:2

Prag nag esa denvyth ena pan dheuth vy? Prag na worthybis denvyth pan elwis vy? Yw ow dorn berrhes bys ma na yll hi dasprena? A nyns eus dhymmo vy galloes dhe dhelivra? Gans ow heredh my a sygh an mor, my a wra avonyow difeyth; aga fuskes a fler rag difyk dowr, hag a verow rag syghes.

Ysay 65:12

My a wra agas destna rag an kledha, ha hwi oll a ombleg dhe'n ladhva; rag my a'gas gelwis, mes ny worthybsowgh, my a gewsis mes ny glewsowgh. Hwi a wrug drog a-wel dhymm ha dewis an dra na veu plegadow dhymm.

Ysay 66:4

Ytho my ynwedh a dhewis tebeldhyghtyans ragdha, ha dri warnedha an taklow a berthons own anedha; rag pan elwis vy, denvyth ny worthybis, ha pan gewsis vy, ny glewsons; mes i a wrug an pyth yw drog y'm dewlagas, ha dewis an dra ny'm beu delit ynno.

Yeremia 11:11

Rakhenna yndellma y lever an Arloedh, Otta, my a dhre drogedh warnedha, ma na yllons diank anodho; ha kyn krions warnav, ny woslowav orta.

Yeremia 11:8

Mes ny woslowsons, na ny blegsons aga skovarn, mes i a gerdhas peub yn gorthter aga thebel golonn: ytho my a dhre warnedha oll geryow an kevambos ma, a worhemmynnis dhedha dh'y wul; mes ny wrussons.

Yeremia 19:15

Yndellma y lever Arloedh an luyow, Duw Ysrael: Otta, my a dhre war an sita ma hag oll hy threvow oll an drogedh re gewsis er hy fynn, drefenn i dhe galeshe aga hilbenn ma na glewvens ow geryow.

Yeremia 19:3

ha lavar: Klewewgh ger an Arloedh, A vyghternedh Yuda, hag annedhysi Yerusalem. Yndellma y lever Arloedh an luyow, Duw Ysrael: Otta, my a dhre anfeusi war an tyller ma, may kosso diwskovarn neb a'n klew.

Yeremia 26:5

dhe glewes geryow ow servysi an brofoesi re dhannvenis dhywgh, orth aga dannvon arta hag arta, mes ny woslewsowgh;

Yeremia 32:33

I re dreylyas dhymm aga heyn, a-der aga fasow; kyn y's dyskis heb lett, hwath ny woslowsons dhe gemmeres dyskybleth.

Yeremia 36:31

My a'n kessydh ha'y has ha'y servysi rag aga anewnder; my a dhre warnedha, ha war annedhysi Yerusalem, ha war bobel Yuda, oll an drog re leveris er aga fynn, mes ny woslowsons.

Yeremia 7:13

Ha lemmyn, drefenn hwi dhe wul oll an taklow ma, yn-medh an Arloedh, ha my a gewsis dhywgh, ow sevel a-varr hag ow kewsel, mes ny glewsowgh; ha my a elwis dhywgh, mes ny worthybsowgh;

Mika 3:12

Rakhenna, a-barth dhywgh hwi, Sion a vydh erys par ha gwel; Yerusalem a dheu ha bos bern a vagoryow, Arloedh ha menydh an chi a vydh drumm gwydhyel.

Romanyon 10:21

Mes dhe Ysrael ev a lever, ‘Oll an jydh yth ystynnen ow diwleuv dhe bobel dhiwostydh ha gorth.’