Yeremia 34:9 - An Bibel Kernewek 20234 (Kernewek Kemmyn)

⁹ may liffrons peub aga hethyon ha'ga hethesow ma na synso nagonan Yedhow, y vroder, yn kethneth.

Yeremia 34:9 ပူးပေါင်းရင်းမြစ်များ

Jenesis 14:13

Ena y teuth unn dianker ha leverel hemma dhe Abram an Ebrow, esa trigys ryb derow Mamre; Amoryas o ev, broder Eshkol ha broder Aner, hag yth ens i keffrysysi Abram.

Jenesis 40:15

Rag dhe wir my a veu ledrys yn-mes a bow an Ebrowyon. Ny wrug vy travyth a vo skila rag i dhe'm gorra y'n pytt.’

Eksodus 2:6

Hi a's igoras ha gweles an flogh, hag otta, maw owth oela! Ha hi a gemmeras truedh anodho ha leverel, ‘Ottomma onan a'n fleghes ebrow.’

Eksodus 3:18

Hag i a wra goslowes orth dha lev ha ty ha henavogyon Ysrael a wra mos dhe vyghtern Ejyp ha leverel dhodho, “An Arloedh, Duw an Ebrowyon, re vetyas genen; ha lemmyn, ni a'th pys, gas ni dhe vones yn vyaj a dri dydh y'n gwylvos mayth offrynnyn dhe'n Arloedh agan Duw.”

Yeremia 25:14

Rag i a vydh gwrys kethyon gans lies kenedhel ha myghternedh veur, i ynwedh; ha my a attal dhedha herwydh aga gwriansow hag ober aga diwleuv.

Yeremia 27:7

An kenedhlow oll a'n serv, ha'y vab, ha mab y vab, bys pan dheu termyn y dir y honan; ena lies kenedhel ha myghternedh veur a wra y gethhe.

Yeremia 30:8

Rag y'n jydh na, yn-medh Arloedh an luyow, my a derr an yew a'th konna, ha my a dardh dha rawyow, ha ny wra estrenyon aga gul yn kethyon namoy.

Yeremia 34:10

Lemmyn pan glewas an bennsevigyon hag oll an bobel res eth y'n kevambos, i oll dhe livra aga hethyon ha'ga hethesow, ma nag ens arta yn kethneth, i a veu gostydh ha'ga livra.

1 Korinthianys 6:8

Mes hwi agas honan a wra drokoleth ha toell, ha hemma erbynn agas breder hwi.

2 Korinthianys 11:22

Ebrowyon yns i? My ynwedh. Ysraelysi yns i? My ynwedh. Has Abraham yns i? My ynwedh.

Dewteronomi 15:12

Mars yw dha vroder Ebrow po benyn Ebrow gwerthys dhis, hag a'th serv hwegh blydhen, ena y'n seythves blydhen ty a'n dannvon dhiworthis rydh.

Filippianys 3:5

trodreghys an ethves dydh, a'n genedhel a Ysrael, a loeth Benyamin, Ebrow a Ebrowyon, Farise war-lergh an lagha,

1 Samuel 14:11

Ha'n dhew anedha a dhiskwedhas aga honan dhe savla-goelyadoryon an Filistysi; ha'n Filistysi a leveris, ‘Ottomma Ebrowyon ow tos yn-mes a'n tell mayth omgudhsons ynna.’

1 Samuel 4:6

Ha pan glewas an Filistysi son an arm, yn-medhons, ‘Pyth yw styr an arm vras ma yn kamp an Ebrowyon?’ Pan wodhva y tothya argh an Arloedh y'n kamp,

1 Samuel 4:9

Gwellhewgh agas cher, bedhewgh gwer, A Filistysi, ma na vowgh gwesyon dhe'n Ebrowyon kepar dell vons dhywgh hwi; bedhewgh gwer ha batalyewgh.’