Yeremia 34:3 - An Bibel Kernewek 20234 (Kernewek Kemmyn)

³ Ha ty dha honan, ny dhienkydh a'y leuv, mes dalghennys vydhydh yn sur ha delivrys yn y leuv; dha dhewlagas a welvydh myghtern Babylon, hag ev a gews genes ganow dhe anow; ha ty a dhe Babylon.

Yeremia 34:3 ပူးပေါင်းရင်းမြစ်များ

Yeremia 21:7

Hag a-wosa, y lever an Arloedh, my a re Sedekia myghtern Yuda, ha'y servysi, ha'n bobel, ha'n re yw hwath yn few y'n sita ma wosa an pla, an kledha ha'n divoetter, bys yn dorn Nebukadnessar myghtern Babylon, hag yn dorn aga eskerens, hag yn dorn an re a hwila aga bewnans. Ev a's gwysk gans min an kledha; ny wra eva aga sparya, na kemmeres truedh, na mersi.

Yeremia 27:22

I a vydh degys dhe Babylon, hag ena i a worta, bys y'n jydh mayth av dh'aga visitya yn-medh an Arloedh. Ena my a's deg ha'ga daskorr dhe'n tyller ma.

Yeremia 32:28

Ytho yndellma y lever an Arloedh: My a vynn ri an sita ma yn leuv an Kaldeanys hag yn leuv Nebukadnessar myghtern Babylon, hag ev a's kemmer.

Yeremia 32:3

le ma'n keas Sedekia myghtern Yuda, ow leverel, ‘Prag y profoesydh ha leverel: Yndellma y lever an Arloedh: My a re an sita ma yn leuv myghtern Babylon, hag ev a's kemmer;

Yeremia 32:4

ny dhiank Sedekia myghtern Yuda a-dhiworth leuv an Kaldeanys, mes delivrys vydh yn sur yn leuv myghtern Babylon, ha kewsel ganso ganow orth ganow, ha'y weles lagas orth lagas;

Yeremia 34:21

Ha Sedekia myghtern Yuda ha'y bennsevigyon a rov yn leuv aga eskerens, hag yn leuv an re a hwila aga bewnans, hag yn leuv lu myghtern Babylon re gildennas ahanowgh.

Yeremia 34:4

Mes klew ger an Arloedh, A Sedekia myghtern Yuda! Yndellma y lever an Arloedh a-dro dhis: Ny verwydh gans an kledha;

Yeremia 37:17

Sedekia an myghtern a dhannvonas war y lergh, ha'y gemmeres yn-mes. Ha'n myghtern a wovynnas orto yn priva yn y ji, ha leverel, ‘Eus ger a-dhiworth an Arloedh?’ Ha Yeremia a leveris, ‘Eus!’ Ena yn-medh ev, ‘Ty a vydh delivrys yn leuv myghtern Babylon.’

Yeremia 38:18

Mes mar nyns edh yn-mes dhe bennsevigyon myghtern Babylon, ena an sita ma a vydh res yn leuv an Kaldeanys, hag i a's lesk gans tan, ha ty ny dhienkydh a'ga leuv.’

Yeremia 38:23

I a dhre yn-mes oll dha wragedh ha'th fleghes dhe'n Kaldeanys, ha ty dha honan ny dhienkydh a'ga leuv, mes ty a vydh kemmerys gans leuv myghtern Babylon; ha'n sita ma a vydh leskys gans tan.’

Ezekiel 12:13

Ha my a les ow roes warnodho, hag ev a vydh kechys y'm antell, ha my a'n dre dhe Babylon, tir an Kaldeanys, mes ny'n gwel, hag ena y ferow.

Ezekiel 17:15

Mes ev a rebellyas er y bynn, ow tannvon y gannasow dhe Ejyp, dhe ri dhodho mergh ha lu bras. A yll bos seweni? A yll skapya, neb a wra yndella? A yll terri kevambos ha skapya?

Ezekiel 17:16

Dell vewav vy, yn-medh an Arloedh Duw, ev a verow yn Babylon, yn tyller an myghtern a'n gwrug ev myghtern; may tispresyas y li, ha terri y gevambos.

Ezekiel 21:25

Ha ty pennsevik Ysrael, tebelwas ansans, may teuth y dhydh, termyn y gessydhyans finek,