Yeremia 34:20 - An Bibel Kernewek 20234 (Kernewek Kemmyn)

²⁰ my a's re yn leuv aga eskerens hag yn leuv a re a hwila aga bewnans. Aga horfow marow a vydh boes dhe ydhyn an nev hag enyvales gwyls an nor.

Yeremia 34:20 ပူးပေါင်းရင်းမြစ်များ

1 Myghternedh 14:11

An keun a dheber an re a deylu Yeroboam a verow y'n sita; hag ydhyn an ayr a dheber an re a verow y'n pow; rag an Arloedh re gewsis.”

1 Myghternedh 16:4

An keun a dheber neb a verow a ji Baasha y'n sita; ha neb a verow y'n gwelyow ydhyn a'n ayr a's deber.’

Salmow 79:2

I re ros korfow dha wesyon avel boes dhe ydhyn an nevow, ha kig dha syns dhe vestes an nor.

Yeremia 11:21

Ytho yndellma y lever an Arloedh a-dro dhe bobel Anathoth, a hwila dha vewnans, ow leverel, ‘Na brofoes yn hanow an Arloedh, ma na verwi der agan dorn.’

Yeremia 12:9

Ow ertach yw dhymm avel edhen-breydh vrith, yma an ydhyn-preydh erell a-dro er hy fynn; dewgh, kuntellewgh oll bestes an mes, dens i dhe dhevorya.

Yeremia 16:4

I a verow a glevesow marwel; ny vydh kynvann ragdha, na ny vydhons ynkleudhys; mes i a vydh avel teyl war enep an dor. Hag i a vydh distruys gans an kledha, ha gans divoetter; ha'ga horfow a vydh karyn rag ydhyn an nev ha bestes an nor.

Yeremia 19:7

Ha my a wra euver kusul Yuda ha Yerusalem y'n tyller ma; ha my a wra dhedha koedha gans an kledha a-rag aga eskerens, ha gans leuv an re a hwila aga bewnans; ha my a re aga horfow marow dhe vos boes rag ydhyn an nev, ha rag bestes an nor.

Yeremia 21:7

Hag a-wosa, y lever an Arloedh, my a re Sedekia myghtern Yuda, ha'y servysi, ha'n bobel, ha'n re yw hwath yn few y'n sita ma wosa an pla, an kledha ha'n divoetter, bys yn dorn Nebukadnessar myghtern Babylon, hag yn dorn aga eskerens, hag yn dorn an re a hwila aga bewnans. Ev a's gwysk gans min an kledha; ny wra eva aga sparya, na kemmeres truedh, na mersi.

Yeremia 22:25

ha dha ri yn dorn an re a hwila dha vewnans, hag yn dorn an re a berthydh own anedha – yn dorn Nebukadnessar myghtern Babylon, hag yn dorn an Kaldeanys.

Yeremia 38:16

Ytho Sedekia an myghtern a dos yn-dann gel dhe Yeremia, ‘Dell vew an Arloedh, a ros dhyn agan bewnans, ny'th worrav dhe'n mernans, na ny'th rov yn leuv an wer ma a hwila dha vewnans.’

Yeremia 39:6

Ena myghtern Babylon a ladhas mebyon Sedekia a-rag y dhewlagas; ynwedh myghtern Babylon a ladhas oll pennsevigyon Yuda.

Yeremia 4:30

Ha ty, gwastys, pandr'a wredh, owth omwiska yn kogh, owth omdakla gans tegennow owrek, ow liwa dha dhewlagas gans antimoni, yn euver yth omwredh teg; dha garoryon a'th tispres, i a hwila dha vewnans.

Yeremia 44:30

Yndellma y lever an Arloedh, Otta, my a re Faro Hofra, myghtern Ejyp, yn leuv y eskerens, hag yn leuv an re a hwila y vewnans, par dell res Sedekia myghtern Yuda yn leuv Nebukadnessar myghtern Babylon, y eskar a hwilas y vewnans.’

Yeremia 49:37

My a worr euth yn Elam a-rag aga eskerens, hag a-rag an re a hwila aga bewnans; my a dhre anfeusi warnedha, ow sorr fers, yn-medh an Arloedh. My a dhannvon an kledha war aga lergh, bys pan wrav diwedh dhedha;

Yeremia 7:33

Korfow an bobel ma a vydh karyn dhe ydhyn an nev, ha rag bestes an nor; ha ny wra nagonan dh'aga chasya dhe-ves.

Ezekiel 23:28

Rag yndellma y lever an Arloedh Duw: Awottavy orth dha ri yn leuv an re a gesydh, yn leuv an re may treylyas dha enev divlasys dhiworta.

Ezekiel 29:5

My a'th as, tewlys y'n difeythtir, ty hag oll puskes dha avonyow. Ty a goedh war an gwel, ha ny vydhydh kuntellys nag ynkleudhys. My a'th re dhe vestes an gwel ha dhe ydhyn an nev rag boes.

Ezekiel 32:4

My a'th tewl war an dor, ha'th teghesi war an gwel, ha gul dhe oll ydhyn an nevow triga warnas, ha my a lenow oll bestes an norvys ahanas.

Dewteronomi 28:26

Dha gorf a vydh boes rag pub edhen a'n ebron ha rag bestes an gwel, ha ny vydh nagonan dh'aga chasya dhe-ves.

1 Samuel 17:44

Hag yn-medh an Filistyas dhe Davydh, ‘Deus dhymm, ha my a re dha gig dhe ydhyn an ayr ha dhe vestes an gwel.’

1 Samuel 17:46

Y'n jydh hedhyw an Arloedh a wra dha dhelivra y'm leuv, ha my a'th wysk dhe'n leur ha treghi dhe-ves dha benn; ha my a re korfow marow lu an Filistysi y'n jydh hedhyw dhe ydhyn an ayr ha dhe vestes an dor, may hwodhvo oll an norvys bos Duw yn Ysrael,