Yeremia 34:17 - An Bibel Kernewek 20234 (Kernewek Kemmyn)

¹⁷ Rakhenna yndellma y lever an Arloedh: Ny woslewsowgh orthiv ow krontya rydhses, pubonan dh'y vroder ha pubonan dh'y gentrevek; otta, my a wront rydhses dhywgh yn-medh an Arloedh, dhe'n kledha, dhe'n pla, ha dhe'n divoetter. My a'gas gwra euth dhe oll gwlaskordhow an nor.

Yeremia 34:17 ပူးပေါင်းရင်းမြစ်များ

Ester 7:10

Ytho, i a grogas Haman war an wydhenn a bareussa ev rag Mordekay, hag yndella koselhes veu konnar an myghtern.

Yeremia 15:2

Hag y hwyrvydh, mar leverons dhis, ‘Ple'th en alemma?’ Ena ty a lever dhedha: Yndellma y lever an Arloedh: Seul yw rag mernans, dhe'n mernans; ha seul yw rag an kledha, dhe'n kledha; ha seul yw rag an divoetter, dhe'n divoetter; ha seul yw rag an gethneth, dhe'n gethneth.

Yeremia 15:4

Ha my a wra dhedha bos euth rag oll gwlaskordhow an nor, drefenn Manasse mab Hezekia myghtern Yuda, rag an pyth a wrug ev yn Yerusalem.

Yeremia 21:7

Hag a-wosa, y lever an Arloedh, my a re Sedekia myghtern Yuda, ha'y servysi, ha'n bobel, ha'n re yw hwath yn few y'n sita ma wosa an pla, an kledha ha'n divoetter, bys yn dorn Nebukadnessar myghtern Babylon, hag yn dorn aga eskerens, hag yn dorn an re a hwila aga bewnans. Ev a's gwysk gans min an kledha; ny wra eva aga sparya, na kemmeres truedh, na mersi.

Yeremia 29:17

Yndellma y lever Arloedh an luyow: Otta, my a dhannvon warnedha an kledha, an divoetter, ha'n pla, ha'ga gul avel fygys pedrys na yll bos dybrys drefenn aga bos mar dhrog.

Yeremia 29:18

Ha my a's helgh gans an kledha, gans an divoetter, ha gans an pla, ha'ga gorra dhe vos euth dhe oll gwlaskordhow an nor, dhe vos molleth ha skruth ha hwibana, ha keredh yn mysk oll an kenedhlow le ma's fesis,

Yeremia 32:24

Otta, krugow an gweythyow-esedhva re dheuth dhe'n sita dh'y hemmeres; ha'n sita yw gorrys yn leuv an Kaldeanys a omladh er hy fynn, drefenn an kledha, ha drefenn an divoetter, ha drefenn an pla. Ha'n pyth re gewssys re hwarva; hag otta, ty a'n gwel.

Yeremia 32:25

Ha ty, A Arloedh Duw, re leveris dhymm, ‘Pren an park rag arghans, ha kemmeres dustunioryon’; kynth yw an sita res yn leuv an Kaldeanys.

Yeremia 32:36

Lemmyn ytho yndellma y lever an Arloedh, Duw Ysrael, a-dro dhe'n sita ma may leverowgh anedhi, ‘Y fydh res yn leuv myghtern Babylon gans an kledha, gans divoetter ha gans an pla’:

Yeremia 34:8

An ger hag a dheuth dhe Yeremia a-dhiworth an Arloedh wosa myghtern Sedekia dhe wul kevambos gans oll an bobel yn Yerusalem dhe wrontya rydhses dhedha,

Yeremia 38:2

Yndellma y lever an Arloedh, Neb a worta y'n sita ma a verow gans an kledha, gans an divoetter ha gans an pla; mes neb a yn-mes dhe'n Kaldeanys a vew; rag ev a'n jevydh y vewnans avel preydh, hag ev a vew.

Kynvannow 1:8

Yerusalem re beghas dres eghenn, ha rakhenna res eth ha bos avlan; pubonan neb a's gordhya a's dispres, rag i re welas hy noethedh; kyni ynwedh a wra hi, ha treylya dhe-ves.

Daniel 6:24

Ha'n myghtern a erghis, ha'n wesyon na re guhudhsa Daniel a veu kyrghys ha tewlys yn fow an lewyon – i, aga mebyon, ha'ga gwragedh; ha kyns i dhe dhrehedhes dhe woeles an fow, an lewyon a's fethas ha terri oll aga eskern dhe demmyn.

Matthew 7:2

rag gans an vreus may hwrewgh hwi breusi dredhi, hwi a vydh breusys, ha gans an musur may fusurowgh hwi ganso, y fydh musurys dhy'hwi.

Galatianys 6:7

Na vedhewgh toellys: ny vydh Duw skornys. Rag pypynag a wra den y hasa, an keth henna a wra ev y vysi;

Dewteronomi 19:19

ena y hwrewgh dhodho ev kepar dell vynnas gul dh'y vroder. Yndella ty a garth an drog a-dhiworthowgh.

Dewteronomi 28:25

An Arloedh a wra dhis bos fethys gans dha eskerens. Yth edh yn-mes er y bynn yn unn fordh ha fia yn seyth fordh a-ragdho, ha ty a vydh euth dhe oll kenedhlow an norvys.

Dewteronomi 28:64

Ena an Arloedh a wra dha skattra yn mysk oll an poblow dhiworth unn penn a'n norvys bys y'n penn arall, hag ena ty a serv duwow erell neb na aswonnsys, naneyl ty na'th tasow, prenn ha men.

Jamys 2:13

Rag an vreus a vydh heb tregeredh dhe neb na dhiskwa tregeredh. Tregeredh a drygh war vreus.

Diskwedhyans 16:6

Rag i a skoellyas goes an syns ha'n brofoesi, ha ty re ros dhedha goes dhe eva. Gwiw yns i a henna!’