Yeremia 34:1 - An Bibel Kernewek 20234 (Kernewek Kemmyn)

¹ An ger hag a dheuth dhe Yeremia a-dhiworth an Arloedh, pan esa Nebukadnessar myghtern Babylon hag oll y lu hag oll gwlaskordhow an bys a'y vestrynses, hag oll an poblow, owth omladh erbynn Yerusalem, hag erbynn oll hy sitys, ow leverel:

Yeremia 34:1 ပူးပေါင်းရင်းမြစ်များ

Yeremia 1:15

Rag, otta, my a wra gelwel oll teyluyow gwlaskordhow an gogledh, yn-medh an Arloedh; hag i a wra dos, hag i a wra settya pubonan y dron dhe entrans yetow Yerusalem, hag erbynn an fosow anedhi a-derdro, hag erbynn sitys oll Yuda.

Yeremia 21:2

‘Govynn, my a'th pys, orth an Arloedh ragon; rag Nebukadnessar myghtern Babylon a werr er agan pynn; martesen an Arloedh a wra gwrians marthys ragon, may kildenno a-dhiworthyn.’

Yeremia 32:1

An ger hag a dheuth dhe Yeremia a-dhiworth an Arloedh y'n degves blydhen Sedekia myghtern Yuda, hag o an etegves blydhen a Nebukadnessar.

Yeremia 32:2

Rag ena lu myghtern Babylon a geas a-dro dhe Yerusalem, ha'n profoes Yeremia a veu deges yn klos an prison, hag esa yn palys myghtern Yuda,

Yeremia 34:7

pan esa lu myghtern Babylon owth omladh erbynn Yerusalem hag erbynn oll sitys Yuda o gesys, Lakish hag Azeka: rag ny veu gesys saw unnsel an sitys kerys ma yn Yuda.

Daniel 4:1

Nebukadnessar an myghtern, dhe oll an poblow, an kenedhlow ha'n tavosow trigys y'n norvys oll: Pals re bo agas kres!

Daniel 4:22

ty yw, A vyghtern, neb yw tevys krev, ha dha veuredh re devis ha drehedhes dhe'n nevow, ha'th vestrynses bys finweth an norvys.

Daniel 5:19

ha drefenn an meuredh na hag a veu res dhodho, oll an poblow, kenedhlow ha tavosow a grena ha kavoes own a-ragdho. Neb a vynna, ev a ladha; ha neb a vynna, ev a synsi yn few; neb a vynna, ev a ughelhi; ha neb a vynna, ev a iselhi.