Yeremia 33:5 - An Bibel Kernewek 20234 (Kernewek Kemmyn)

⁵ Yma an Kaldeanys ow tos dhe omladh ha dh'aga lenwel gans korfow marow an re a ledhis vy yn ow sorr hag yn ow honnar, rag my re gudhas ow fas a'n sita ma drefenn aga drogedh.

Yeremia 33:5 ပူးပေါင်းရင်းမြစ်များ

Ysay 64:7

Nyns eus denvyth a elow war dha hanow na strivya dhe gavoes dalghenn ynnos; rag ty re gudhas dha fas ragon, ha'gan delivra yn leuv agan kammweythresow.

Ysay 8:17

My a worta an Arloedh neb a gudh y fas dhiworth chi Yakob, hag ynno y fydh ow govenek.

Yeremia 18:17

Avel gwyns an duryen my a's tewl a-les a-rag an eskar; my a dhiskwedh dhedha ow heyn, yn le ow fas, yn dydh aga therroes.

Yeremia 21:10

Rag my re worras ow fas erbynn an sita ma rag drog, a-der rag da, yn-medh an Arloedh: res vydh yn dorn myghtern Babylon, hag ev a's lesk gans tan.

Yeremia 32:5

hag ev a hembronk Sedekia dhe Babylon, hag ena ev a vydh bys pan dhov dhodho, yn-medh an Arloedh; kynth omledhowgh erbynn an Kaldeanys, ny sewenowgh?’

Yeremia 42:18

‘Rag yndellma y lever Arloedh an luyow, Duw Ysrael: Par dell veu diverys ow sorr hag ow honnar war annedhysi Yerusalem, yndellma ow honnar a vydh diverys warnowgh pan ewgh dhe Ejyp. Hwi a vydh molleth, hag euth, ha milliga ha keredh. Ny welowgh an tyller ma namoy.

Kynvannow 2:7

An Arloedh re skonyas y alter, ha nagha y sentri; ev re ros yn leuv an eskar fosow hy lysyow; i a dhrehevis tros yn chi an Arloedh kepar dell ve yn dy'goel.

Ezekiel 39:29

Ny gudhav ow fas arta dhiworta, rag my re dhiveris ow spyrys war ji Ysrael, yn-medh an Arloedh Duw.

Mika 3:4

Ena, i a gri dhe'n Arloedh mes ny wra ev gorthybi dhedha; ev a gudh y fas a-dhiworta an prys na, drefenn i dhe wul aga drog weythresow.

Dewteronomi 31:17

Ow sorr a dheu warnedha y'n jydh na, ha my a's forsak, ha kudha ow fas dhiworta, hag i a vydh devorys. Lies drog hag ahwer i a's kyv, may leverons y'n jydh na, “A nyns yw rag nag usi agan Duw yn agan mysk, y teuth an drogow warnan?”

Dewteronomi 31:18

My a gudh ow fas sertan y'n jydh na, drefenn oll an drog re wrussons, ow treylya dhe dhuwow erell.

Dewteronomi 32:20

Ev a leveris, My a gudh ow fas dhiworta, ha my a wel pandr'a vydh aga diwedh; rag yth yns i henedh gorth, mebyon heb lelder ynna.