Yeremia 33:24 - An Bibel Kernewek 20234 (Kernewek Kemmyn)

²⁴ A ny welsys fatell lever an bobel ma, ‘An dhew deylu dewisys gans an Arloedh re beu deneghys ganso’, ha fatell synsons ow fobel yn kemmys bismer ma na vons namoy kenedhel a-ragdha.

Yeremia 33:24 ပူးပေါင်းရင်းမြစ်များ

Salmow 83:4

I re leveris, ‘Dewgh, ha'ga hisya, ma na vons kenedhel, ha ma na vo hanow Ysrael yn kovadh namoy.’

Ezekiel 37:22

My a's gwrav unn genedhel y'n tir war venydhyow Ysrael, hag unn myghtern a vydh myghtern dhedha i oll, ha ny vydhons arta diw genedhel.

Ezekiel 36:2

Yndellma y lever an Arloedh Duw: Drefenn an eskar dhe leverel er dha bynn, ‘Aha! An breow bythkwethek re beu dhyn avel eretons’,

Ezekiel 26:2

Mab den, drefenn Tyr dhe leverel erbynn Yerusalem, ‘Aha! Yetys an poblow yw terrys ha'n sita yw igor a-ragov; my a vydh sewen, rag hy bos distruys’,

Ezekiel 25:3

Lavar dhe vebyon Ammon, Klewewgh ger an Arloedh Duw: Yndellma y lever an Arloedh Duw, Drefenn ty dhe leverel, ‘Aha!’ war ow sentri pan veu disakrys, ha war dir Ysrael pan veu gwrys ynyal, ha dhe ji Yuda pan ethons yn divroedh;

Kynvannow 4:15

‘Dhe-ves! Avlan!’ a veu kriys warnedha. ‘Dhe-ves! Dhe-ves! Na dochyewgh!’ Ytho i a fias dhe'n fo ha gwandra. Y leverys y'n kenedhlow, ‘Na wrens i triga omma namoy.’

Yeremia 30:17

Rag my a asver yeghes dhis, ha my a yaghha oll dha woliow, yn-medh an Arloedh, drefenn i dhe'th henwel gal, ow leverel: ‘Sion yw; denvyth ny's hwila!’

Salmow 94:14

Drefenn na as an Arloedh y bobel; ha ny forsak y ertach.

Salmow 71:11

Hag yn-medhons i, ‘Duw re'n forsakyas; helghyewgh ev, ha'y gemmeres; rag nyns eus den a'n deliffro.’

Ysay 7:17

An Arloedh a dhre warnas ha war dha bobel ha war ji dha das dydhyow na dheuth a-dhia'n jydh may tibarthas Efraym dhiworth Yuda: myghtern Assyria hogen.’

Ysay 11:13

Avi Efraym a dhiberth, hag eskerens Yuda a vydh treghys dhe-ves; Efraym ny berth envi a Yuda, ha Yuda ny arvedh Efraym.

Yeremia 3:7

Ha my a leveris, ‘Wosa hi dhe wul oll an traow ma, Martesen hi a dhehwel dhymm’; mes ny dhehwelis hi. Ha'y hwoer draytus Yuda a'n gwelas.

Yeremia 3:8

Ha hi a welas, rag oll avoutri Ysrael dhislel, my dh'y gorra dhe-ves gans skrifenn didhemmedhyans; hwath hy hwoer draytus Yuda ny's teva own, mes hi ynwedh eth dhe horya.

Yeremia 31:37

Yndellma y lever an Arloedh: Mar kyll bos musurys an nevow a-ugh, ha hwithrys selveyn an nor dhe-woeles, ena my a dewl dhe-ves oll has Ysrael drefenn an pyth re wrussons, yn-medh an Arloedh.

Yeremia 33:23

Arta ger an Arloedh a dheuth dhe Yeremia, ow leverel:

Yeremia 33:26

ena my a dhenaghsa has Yakob, ha Davydh ow gwas, ma na dhewisav nagonan a'y has avel rewloryon war has Abraham, Ysak ha Yakob. Rag my a dreyl aga hethneth, ha kemmeres truedh anedha.

Yeremia 51:5

Rag ny veu Ysrael na Yuda gwrys gwedhow gans aga Duw, Arloedh an luyow, kynth yw aga thir leun a gabel erbynn an Sans a Ysrael.

Ezekiel 36:20

Pan dheuthons dhe'n kenedhlow, py le pynag y teuthons, i a dhisakras ow hanow sans. Leverys veu anedha, ‘An re ma yw pobel an Arloedh, hwath i res eth a-dhiworth y dir.’

Ezekiel 37:11

Ena yn-medh ev dhymm, ‘A vab den, an eskern ma yw chi Ysrael oll yn tien. Otta, i a lever, “Sygh yw agan eskern, ha kellys yw agan govenek. Treghys dhe-ves on ni.”

Salmow 83:5

Rag i re omgusulyas keskolonn; i re wrug kevambos er dha bynn;

Yeremia 31:36

Mar kwra an ordenansow ma hedhi a-ragov, yn-medh an Arloedh, ena has Ysrael a hedh bos kenedhel a-ragov bys vykken.