Yeremia 33:21 - An Bibel Kernewek 20234 (Kernewek Kemmyn)

²¹ ena ow hevambos gans ow gwas Davydh a vydh terrys, ma na'n jevydh mab dhe reynya war y dron, hag ow hevambos gans an Levysi, an oferysi ow menystoryon.

Yeremia 33:21 ပူးပေါင်းရင်းမြစ်များ

2 Samuel 23:5

A nyns yw ow chi yndella gans Duw? Rag ev a wrug genev kevambos bys vykken, ordenys yn pup-tra ha sur. A ny wra ev gul dhe skylla oll ow selwyans, ha'm desir?

2 Kroniklys 21:7

Byttegyns ny vynnas an Arloedh distrui chi Davydh, drefenn an kevambos a wrug gans Davydh. Ev re ambossa ri dhodho ha dh'y vebyon lugarn bys vykken.

2 Kroniklys 7:18

my a fast dha vyghterneth, par dell wrugavy kevambos gans dha das Davydh ow leverel, “Nevra ny fyll dhis gour dhe rewlya yn Ysrael.”

Salmow 132:17

Ena y hwrav dhe gorn Davydh egina; my re dhyghtyas lugarn dhe'm Untys.

Salmow 89:34

Ny dorrav ow hevambos, ha ny dreylyav an ger a dheuth yn-mes a'm diwweus.

Salmow 89:36

Y has a dhur bys vykken, ha'y se a vydh avel an howl a-dheragov.

Ysay 55:3

Plegyewgh agas skovarn ha dewgh dhymm; goslowewgh rag may fewo agas enev. My a wra genowgh kevambos bys vykken, ow thregeredhow lel ambosys dhe Davydh.

Ysay 66:22

Rag kepar dell vydh an nevow nowydh ha'n norvys nowydh, a wrav aga kreatya, ow sevel a-ragov, yn-medh an Arloedh, yndellma y sev agas has ha'gas hanow.

Yeremia 33:18

na ny vydh oferysi an Levysi heb gour y'm lok dhe offrynna offrynnow leskys ha dhe leski offrynnow ys, ha dhe wul sakrifisow bys vykken.

Daniel 7:14

Ha dhodho y feu res mestrynses, hag enor ha myghternsys; hag oll an poblow, kenedhlow ha tavosow a'n servyas. Y vestrynses yw mestrynses a dhur bys vykken a ny dremen dhe-ves, ha'y ruvaneth ny vydh distruys.

Matthew 24:35

Nev ha nor a dremen dhe-ves, mes ow geryow vy, ny dremenons dhe-ves.

Diskwedhyans 5:10

ha ty a's gwrug gwlaskor hag oferysi dh'agan Duw, hag i a wra reynya war an norvys.’