Yeremia 33:15 - An Bibel Kernewek 20234 (Kernewek Kemmyn)

¹⁵ Y'n dydhyow na hag y'n termyn na my a wra Skorrenn a wiryonedh dhe sevel rag Davydh; ev a wra gwirvreus hag ewnder y'n tir.

Yeremia 33:15 ပူးပေါင်းရင်းမြစ်များ

Salmow 45:4

Hag y'th veuredh marghok yn sewena drefenn gwirder ha klorder hag ewnder; ha'th leuv dhyghow a dhysk dhis taklow euthyk.

Salmow 45:7

Ty a garas ewnder ha kasa sherewneth. Rakhenna Duw, dha Dhuw jy, re'th untyas gans oyl lowender a-ugh dha gowetha.

Ysay 4:2

Y'n jydh na egin an Arloedh a vydh teg ha gloryus, ha frut an tir a vydh bryntin ha splann dhe'n re a dhienk yn Ysrael.

Ysay 42:21

Da o gans an Arloedh, dre reson y ewnder, moghhe an lagha ha'y gul gloryus.

Ysay 53:2

Rag ev a devis a-ragdho avel losowenn yowynk, hag avel gwreydhenn yn-mes a dir sygh; ny'n jevo na furv na reowta, rag may firren orto, na travyth yn y semlans, rag ma'gan bo hwans anodho.

Ysay 9:7

Dhe ynkressyans an arloettys ha dhe gres ny vydh finweth, rag tron Davydh ha rag y vyghterneth, dh'y fastya ha dh'y skoedhya gans gwirvreus hag ewnder alemma rag ha bys vykken. Gwres Arloedh an luyow a wra hemma.

Yeremia 17:25

ena yth enter dhe yetow an sita ma myghternedh ha pennsevigyon esedhys war dron Davydh, ow marghogeth yn charettow ha war vergh, i ha'ga fennsevigyon, gwer Yuda, hag annedhysi Yerusalem; ha'n sita ma a vydh annedhys bys vykken.

Yeremia 30:9

Mes i a serv an Arloedh aga Duw ha Davydh aga myghtern, hag a dhrehevav ragdha.

Yeremia 50:7

Peub a's kavas re's devoryas, ha'ga eskerens re leveris, ‘Nyns on kablus, drefenn i dhe begha erbynn an Arloedh, an gwir beurva, ha govenek aga thasow, an Arloedh.’

Zekaria 3:8

Goslow, a Yoshua an arghoferyas, ty ha'th keskowetha owth esedha a-ragos, rag tokyn yns i, my dhe dhri ow gwas, an Skorrenn.

Diskwedhyans 19:11

Ha my a welas nev igerys, hag otta, margh gwynn hag ev neb o esedhys warnodho o henwys Len ha Gwir, hag yn ewnder ev a vreus ha gwerrya.