Yeremia 33:14 - An Bibel Kernewek 20234 (Kernewek Kemmyn)

¹⁴ Otta, an dydhyow a dheu, yn-medh an Arloedh, may kollanwav an ambos a wrug dhe ji Ysrael ha dhe ji Yuda.

Yeremia 33:14 ပူးပေါင်းရင်းမြစ်များ

Jenesis 22:18

Hag y'th has y fydh kenedhlow oll y'n norvys owth omvenniga, rag ty re woslowas orth ow lev.’

Jenesis 49:10

Ny dreyl an welenn dhiworth Yuda na'n dernwelenn a-dhiworth y dreys, erna dheffo ev neb a's pew; ha dhodho ev y fydh omaj an poblow.

Ysay 7:14

Rakhenna, an Arloedh y honan a re dhywgh tokyn. Awotta, an wyrghes a omdhek ha dineythi mab ha hi a'n henow Immanuel.

Yeremia 23:5

Otta, an dydhyow a dheu, yn-medh an Arloedh, pan dhrehavav dhe Davydh Skorrenn wiryon, ha myghtern a reyn ha sewena, hag a wra gwirvreus hag ewnder y'n tir.

Yeremia 29:10

Rag yndellma y lever an Arloedh: Pan vydh kowlwrys deg blydhen ha tri-ugens yn Babylon, my a'gas visit, ha kewera ow ger da dhywgh ha'gas dri arta dhe'n tyller ma.

Yeremia 31:27

Otta, yma an dydhyow ow tos, yn-medh an Arloedh pan hasav chi Ysrael ha chi Yuda gans has den ha has enyval.

Yeremia 32:42

Rag yndellma y lever an Arloedh: Par dell dhres oll an drogedh meur ma war an bobel ma, yn kettellma my a dhre warnedha oll an da a ambosis dhedha.

Yeremia 33:9

Ha homma a vydh hanow a lowena dhymm, gormel hag enor a-dherag oll kenedhlow an nor, pan glewons oll an da a wrav ragdha; i a's tevydh own ha krena drefenn oll an da ha rag oll an sewena a broviav dhedhi.

Daniel 2:44

Hag yn dydhyow an vyghternedh ma, y hwra Duw an nevow drehevel gwlaskor na vydh nevra diswrys, ha ny vydh hy myghternsys gesys dhe gen bobel. Hi a wra terri dhe demmyn ha distrui oll an ruvanethow ma, ha pesya bys vykken.

Daniel 9:25

Godhvydh ytho ha konvedhes: a-dhia dhyllans an ger rag daswul ha dastrehevel Yerusalem bys devedhyans an pryns untys, y fydh seyth seythunweyth; ha dre dhiw seythun ha tri-ugens y fydh dastrehevys gans plenys ha gans pollgleudh, mes yn prys a ankres.

Amos 9:11

Y'n jydh na my a dhrehav skovva Davydh yw koedhys ha keas hy aswaow, ha daswul hy magoryow, ha'y drehevel kepar hag y'n dydhyow koth;

Mika 5:2

Ha ty, Bethlehem Efratha, byghan kynth os yn mysk teyluyow Yuda, yn-mes ahanas y teu dhymm nebonan a vydh rewler yn Ysrael, may feu y dhalleth a'n termyn koth, a dhydhyow pell tremenys.

Malaki 3:1

Otta, my a dhannvon ow hannas, hag ev a wra pareusi an fordh a-ragov! Ha'n Arloedh a hwilowgh a dheu a-dhesempis dh'y dempel; ha kannas an kevambos, a hwensowgh, otta, ev a wra dos, yn-medh Arloedh an luyow.

Luk 10:24

rag my a lever dhywgh, profoesi ha myghternedh bals a veu hwansek dhe weles an taklow a welowgh hwi ha ny welsons, ha klewes an taklow a glewowgh hwi ha ny glewsons.’

2 Korinthianys 1:20

Rag ynno ev pub ambos Duw yw ‘Ya’; rakhenna, dredho ev yth yw ni dhe leverel ‘Amen’ dhe wolewder Duw.

Ebrowyon 11:40

drefenn Duw dhe ragweles tenkys gwell ragon, na vedhens gwrys perfydh hebon ni.

1 Peder 1:10

An brofoesi, neb a brofoesa a-dro dhe'n gras a vedha dhywgh hwi, a hwilas ha hwithra a-dro dhe'n selwyans ma,

Diskwedhyans 19:10

Ha my a goedhas orth y dreys rag y wordhya. Hag ev a leveris dhymm, ‘Na wra henna. My yw dha geskethwas, ha keskethwas dha vreder a's teves dustuni Yesu. Gwra gordhya Duw, rag dustuni Yesu yw an spyrys a brofoesans.’