Yeremia 33:13 - An Bibel Kernewek 20234 (Kernewek Kemmyn)

¹³ Yn sitys an vro venydhyek, hag yn sitys an Shefela, hag yn sitys an Negeb, yn pow Benyamin, hag y'n tylleryow a-dro dhe Yerusalem, hag yn sitys Yuda, an flokkys a dremen arta yn-dann leuv an den a's niver, yn-medh an Arloedh.

Yeremia 33:13 ပူးပေါင်းရင်းမြစ်များ

Yeremia 17:26

Hag i a wra dos a-dhiworth sitys Yuda, ha'n tylleryow a-dro dhe Yerusalem, hag a-dhiworth tir Benyamin, ha'n Shefela, hag a'n vro venydhyek, hag a'n dhyghowbarth, ow tri offrynnow leskys, ha sakrifisow, hag offrynnow greun, ha frankynkys, hag ow tri sakrifisow gormel, bys yn chi an Arloedh.

Yeremia 31:12

Ytho i a dheu ha kana yn ughel war ughelder Sion, ha splanna drefenn dader an Arloedh, drefenn an greun, ha'n gwin ha'n oyl, ha re yowynk an flokk, ha'n gre; aga bewnans a vydh avel lowarth dowrhes, ha ny vydhons digolonnek namoy.

Yeremia 32:15

Rag yndellma y lever Arloedh an luyow, Duw Ysrael: Chiow ha parkow ha gwinlannow a vydh prenys arta y'n tir ma.

Yeremia 32:44

Parkow a vydh prenys gans arghans, ha titlow a vydh sinys ha selys ha destys, yn pow Benyamin, y'n tylleryow a-dro dhe Yerusalem, hag yn sitys Yuda, hag yn sitys an vro venydhyek, hag yn sitys an Shefela hag yn sitys an Negeb; rag my a dreyl aga hethneth, yn-medh an Arloedh.

Ezekiel 20:37

My a wra dhywgh tremena yn-dann an welenn, ha my a'gas dre yn kolm an kevambos.

Levitikus 27:32

Hag oll dega an chatel po an flokk, pup-tra a dremenno yn-dann welenn an bugel, an degves a vydh sans dhe'n Arloedh.

Obadia 1:20

Divresow an lu ma a vebyon Ysrael a gemmer tiredh an Kananysi bys yn Sarefath, ha divresow Yerusalem usi yn Sefarad a gemmer sitys an dhyghowbarth.

Luk 15:4

‘Py den eus ahanowgh, ha dhodho kans davas, ow kelli onan anedha, na as an nownsek ha peswar-ugens y'n gwylvos ha mos war-lergh an dhavas kellys erna's kaffo?