Yeremia 33:12 - An Bibel Kernewek 20234 (Kernewek Kemmyn)

¹² Yndellma y lever Arloedh an luyow: Arta y'n tyller ma hag yw ynyal, heb den na best, hag yn oll y sitys, y fydh peurva rag bugeledh dhe ri powes dh'aga flokkys.

Yeremia 33:12 ပူးပေါင်းရင်းမြစ်များ

An Gan a Ganow 1:7

Deriv dhymm, ty garadow ow enev, ple hwre'ta peski an deves, ple hwre'ta gul dhedha growedha y'n hanter-dydh, rag prag yth ov vy avel benyn kudhys gans vayl, ryb greow dha gowetha?

Ysay 65:10

Sharon a vydh peurva rag deves, ha nans Aghor powesva rag flokkys, rag ow fobel neb a'm hwila.

Yeremia 17:26

Hag i a wra dos a-dhiworth sitys Yuda, ha'n tylleryow a-dro dhe Yerusalem, hag a-dhiworth tir Benyamin, ha'n Shefela, hag a'n vro venydhyek, hag a'n dhyghowbarth, ow tri offrynnow leskys, ha sakrifisow, hag offrynnow greun, ha frankynkys, hag ow tri sakrifisow gormel, bys yn chi an Arloedh.

Yeremia 31:12

Ytho i a dheu ha kana yn ughel war ughelder Sion, ha splanna drefenn dader an Arloedh, drefenn an greun, ha'n gwin ha'n oyl, ha re yowynk an flokk, ha'n gre; aga bewnans a vydh avel lowarth dowrhes, ha ny vydhons digolonnek namoy.

Yeremia 31:24

Hag y fydh trigys yn Yuda y honan hag oll y sitys, gonedhogyon ha'n re a wander gans flokkys.

Yeremia 32:15

Rag yndellma y lever Arloedh an luyow, Duw Ysrael: Chiow ha parkow ha gwinlannow a vydh prenys arta y'n tir ma.

Yeremia 36:29

Hag a-dro dhe Yehoyakim myghtern Yuda ty a lever: Yndellma y lever an Arloedh, Ty re loskas an rol-skrifa ma, ow leverel, Prag y skrifsys ynni y teu myghtern Babylon yn sur ha distrui an tir ma ha gul dhe hedhi anodho den ha best?

Yeremia 50:6

Ow fobel re beu deves kellys; aga bugeledh re's ledyas yn stray, orth aga threylya dhe-ves war an menydhyow; i res eth a'n menydh dhe'n vre, i re ankovas aga horlann.

Yeremia 51:62

ha leverel, “A Arloedh, ty dha honan a gewsis erbynn an tyller ma dh'y dhistrui, ma na vydh trigys ynno travyth, naneyl den na best, hag y fydh ynyal bys vykken.”

Ezekiel 36:35

Yn-medhons, ‘An tir ma, hag a veu ynyal, re dheuth ha bos avel lowarth Eden, ha'n sitys, hag a veu magoryow hag ynyal ha terrys dhe'n dor, yw kerys hag annedhys.’

Haggay 1:4

Yw hemma termyn ragowgh hwi dhe driga yn agas chiow pannellys, pan yw an chi ma magor?