Yeremia 32:9 - An Bibel Kernewek 20234 (Kernewek Kemmyn)

⁹ Ha my a brenas gwel Hanamel mab ow ewnter esa yn Anathoth, ha poesa an arghans dhodho, seytek shekel a arghans.

Yeremia 32:9 ပူးပေါင်းရင်းမြစ်များ

Jenesis 24:22

Wosa an kowrvergh dhe worfenna eva, an gour a gemmeras bysow owrek, hanter shekel hy foes, ha dew vreghellik rag hy diwla, deg shekel owr aga foes,

Jenesis 37:28

Ena tus a Midyan, gwikoryon, a dremenas, hag i a dennas Yosep ha'y dhrehevel yn-mes a'n puth; hag i a'n gwerthas dhe'n Yshmaelysi a ugens bath a arghans, hag i a dhros Yosep dhe Ejyp.

1 Myghternedh 20:39

Pan esa an myghtern ow tremena, ev a grias war an myghtern ha leverel, ‘Dha was eth yn-mes yn kres an vatel; ena souder a dreylyas ha dri gour dhymm, ha leverel, “Gwith an gour ma; mar tienk, dha vewnans a vydh res rag y vewnans, poken ty a be talent a arghans.”

Nehemia 5:15

Mes an governours kyns, re bia kyns ow thermyn vy, a settsa beghyow poes war an bobel ha kemmeres dhiworta dew-ugens shekel a arghans war-barth gans boes ha gwin. Aga servysi ynwedh a lordya war an bobel. Mes ny wrug vy yndella rag own Duw.

Ester 3:9

Mara pleg dhe'n myghtern, bedhes skrifys y fydhons distruys: ha my a wra poesa deg mil dalent a arghans yn diwla an re charjys gans an ober, rag y dhri a-berth yn tresorvaow an myghtern.’

Eksodus 21:32

Mar kwra an ojyon kornya kethwas po maghteth, an perghennek a re dh'aga mester deg shekel warn ugens a arghans, ha'n ojyon a vydh labydhys.

Ysay 55:2

Prag y spenowgh arghans rag an pyth nag yw bara? ha'gas lavur rag an pyth na yll lenwel? Goslowewgh orthiv dour, ha dybrewgh an pyth yw da, ha'th enev a lowenha gans boes rych.

Ezekiel 4:10

Ha'th voes a dhybrydh a vydh ugens shekel orth poes pub dydh; yn termynyow settys ty a'n deber.

Hosea 3:2

Ytho my a's prenas ragov a bymthek bath arghans, ha homer a heydh ha lethek a heydh.