Yeremia 32:8 - An Bibel Kernewek 20234 (Kernewek Kemmyn)

⁸ Ena Hanamel mab ow ewnter a dheuth dhymm yn klos an prison war-lergh ger an Arloedh, ha leverel dhymm, ‘Pren ow fark, my a'th pys, usi yn Anathoth, yn pow Benyamin, rag an gwir a eretons yw dhis dh'y dhasprena; prenn e dhe'th honan.’ Ena my a wodhya bos hemma ger an Arloedh.

Yeremia 32:8 ပူးပေါင်းရင်းမြစ်များ

1 Myghternedh 2:26

Yn-medh an myghtern dhe Abiathar an oferyas, ‘Ke dhe Anathoth, dhe'th parkow dha honan, rag ty a dhervynn an mernans. Mes ny wrav vy dha ladha yn eur ma, rag ty a dhug argh an Arloedh Duw a-rag Davydh ow thas, ha drefenn ty dhe wodhav oll an keth ankenyow may hwodhevis ow thas ynna.’

1 Myghternedh 22:25

Mikaya a worthybis, ‘Ty a wodhvydh y'n jydh na pan edh dhe omgudha a stevell dhe stevell.’

1 Kroniklys 6:60

Dhiworth loeth Benyamin, Geba gans hy feurvaow, Alemeth gans hy feurvaow, hag Anathoth gans hy feurvaow. Oll aga sitys dres aga theyluyow o trydhek.

Yeremia 1:1

Geryow Yeremia mab Hilkia, onan a'n oferysi esa yn Anathoth yn pow Benyamin,

Yeremia 32:2

Rag ena lu myghtern Babylon a geas a-dro dhe Yerusalem, ha'n profoes Yeremia a veu deges yn klos an prison, hag esa yn palys myghtern Yuda,

Yeremia 32:25

Ha ty, A Arloedh Duw, re leveris dhymm, ‘Pren an park rag arghans, ha kemmeres dustunioryon’; kynth yw an sita res yn leuv an Kaldeanys.

Yeremia 32:7

Otta, Hanamel mab dha ewnter Shallum a dheu ha leverel dhis, ‘Pren ow fark usi yn Anathoth, rag yth yw dhis an gwir a dhaspren, rag y brena.’

Yeremia 33:1

Ger an Arloedh a dheuth dhe Yeremia an nessa treveth, pan esa hwath deges yn klos an prison, ow leverel:

Yeremia 37:12

ena Yeremia eth yn-mes a Yerusalem rag mos yn pow Benyamin, dhe dhegemmeres y gevrenn ena yn mysk an bobel.

Ezekiel 12:7

Ytho my a wrug kepar dell veu gorhemmynnys dhymm. My a dhros ow fardellow yn-mes dydhweyth avel fardellow rag divroedh, hag y'n tewlder my a balas toll der an fos dre leuv; y'n tewlder my a's dros yn-mes, ha'ga doen war ow skoedh a-wel dhedha.

Zekaria 11:11

Ev a veu dileys y'n jydh na, ha boghosogyon an flokk, neb esa ow mires orthiv, a wodhva hemma dhe vos ger an Arloedh.

Yowann 4:53

Ytho an tas a wodhva y feu y'n keth eur na pan leveris Yesu dhodho, ‘Dha vab a vew.’ Hag ev hag oll y vayni a grysis.