Yeremia 32:40 - An Bibel Kernewek 20234 (Kernewek Kemmyn)

⁴⁰ My a wra kevambos bys vykken gansa, nevra dhe gildenna a wul da dhedha; ha my a worr own yn aga holonn ma na dreylyons a-dhiworthiv.

Yeremia 32:40 ပူးပေါင်းရင်းမြစ်များ

2 Samuel 23:4

ev a vydh avel golow an bora, pan sev an howl, yn myttin heb kommol, avel golewder wosa glaw a dhre gwels dhiworth an dor.

Salmow 80:19

Treyl ni arta, A Arloedh, Duw an luyow; gwra dhe'th fas golowi, ha ni a vydh selwys.

Ysay 24:5

An nor yw defolys yn-dann y annedhysi; rag i re gammdremenas erbynn an laghys, ha chanjya an ordenans; i re dorras an kevambos a dhur bys vykken.

Ysay 55:3

Plegyewgh agas skovarn ha dewgh dhymm; goslowewgh rag may fewo agas enev. My a wra genowgh kevambos bys vykken, ow thregeredhow lel ambosys dhe Davydh.

Ysay 61:8

Rag my, an Arloedh, a gar gwirvreus, ha kasa ladrans dre sherewynsi, my a attal dhedha y'm lenduri, ha gul kevambos bys vykken gansa.

Yeremia 24:7

Ha my a re kolonn dhedha dhe'm aswonn, ow bos an Arloedh; hag i a vydh ow fobel, ha my a vydh aga Duw, rag i a dhehwel dhymm gans oll aga holonn.

Yeremia 31:34

Ha ny dhyskons namoy pub gour y gentrevek, ha pub gour y vroder, ow leverel, ‘Godhvydhewgh an Arloedh’, rag i oll a'm aswonn a'n lyha dhe'n moyha, yn-medh an Arloedh; rag my a av aga anewnder, ha ny borthav kov a'ga fegh namoy.

Yeremia 50:5

I a wovynn an fordh dhe Sion ha'ga fasow treylys war-tu hag ev, hag i a dheu ow leverel, ‘Dewgh ha glena agan honan dhe'n Arloedh gans kevambos bys vykken, na vydh ankevys.’

Ezekiel 36:26

My a re dhywgh kolonn nowydh, ha gorra spyrys nowydh ynnowgh, ha kemmeres an golonn a ven dhiworth agas kig, ha ri dhywgh kolonn a gig.

Ezekiel 36:27

My a worr ow Spyrys ynnowgh, ha gul dhywgh kerdhes y'm ordenansow, ha gwaytyas gwitha ow breusow.

Ezekiel 37:26

My a wra gansa kevambos kres; y fydh kevambos gansa bys vykken. My a's fastyav ha'ga moghhe, ha my a worr ow sentri yn aga mysk bys vynnari.

Ezekiel 39:29

Ny gudhav ow fas arta dhiworta, rag my re dhiveris ow spyrys war ji Ysrael, yn-medh an Arloedh Duw.

Mika 4:5

Rag an poblow oll a gerdh, pubonan yn hanow y dhuw; mes ni a gerdh yn hanow an Arloedh agan Duw ni, bys vykken ha bynnari.

Dewteronomi 31:6

Bedhewgh krev, ha bedhewgh kolonnek, na berthewgh own nag euth a-ragdha, drefenn an Arloedh dha Dhuw, ev yth yw neb a gerdh genes; ny wra dha asa na'th forsakya.’

Dewteronomi 31:8

An Arloedh dha Dhuw yth yw neb a gerdh a-ragos; ev a vydh genes, ny wra dha asa na'th forsakya; na borth own, ha na borth euth.’

Ebrowyon 13:20

Lemmyn, an Duw a gres neb a dhros arta dhiworth an re varow agan Arloedh Yesu Krist, bugel meur an deves, dre woes an kevambos a dhur bys vykken,

Ebrowyon 4:1

Ytho, ha'n ambos hwath gesys dhe entra dh'y bowesva, perthyn own na vo nagonan ahanowgh breusys a fyllel dh'y attaynya.

Ebrowyon 7:24

mes ev a syns y soedh bys vykken, rag ev dhe besya bys vykken.

Jamys 1:17

Pub ro da ha pub ro perfydh a dhiyskynn dhiworth a-wartha, ow tos yn-nans dhiworth an Tas a wolowys ha nyns eus chanj na skeus treylyans ganso.

1 Peder 1:5

neb yw gwithys dre alloes Duw dre fydh dhe selwyans parys dhe vos diskwedhys y'n termyn diwettha.