Yeremia 32:39 - An Bibel Kernewek 20234 (Kernewek Kemmyn)

³⁹ My a re dhedha unn golonn hag unn fordh, ma's tevydh own ahanav bys vykken, dh'aga les, ha dhe les aga mebyon war aga lergh.

Yeremia 32:39 ပူးပေါင်းရင်းမြစ်များ

Jenesis 17:7

Ha my a fast ow hevambos yntra my ha ty, ha'th has war dha lergh yn aga henedhow avel kevambos bys vykken, dhe vos Duw dhiso, ha'th has war dha lergh.

Jenesis 18:19

Rag my re'n dewisas, may hwrella worhemmynna dh'y fleghes ha'y vayni war y lergh, hag i a wra gwitha fordh an Arloedh, dhe wul ewnder ha gwirvreus, may trollo an Arloedh war Abraham an pyth re leveris dhodho.’

Jenesis 22:12

Hag yn-medh ev, ‘Na ystynn dha dhorn war an maw, na gul travyth dhodho, rag lemmyn my a woer ty dhe berthi own a Dhuw, a-ban na wruss'ta skonya a ri dhymm dha vab, dha unn vab.’

2 Kroniklys 30:12

Yth esa leuv Duw war Yuda ynwedh rag ri dhedha unn brys dhe wul an pyth a worhemmynnis an myghtern ha'n soedhogyon dre er an Arloedh.

Salmow 112:1

Gormelewgh an Arloedh. Gwynnvys an gour a berth own a'n Arloedh, a lowenha yn feur yn y worhemmynnow.

Salmow 128:6

Ha ty a wel an fleghes a'th fleghes jy; kres war Ysrael.

Salmow 86:11

Dysk dhymm dha fordh, A Arloedh, ha my a gerdh y'th wirder; lowenhes ow holonn, mayth ownniv dha hanow.

Lavarow Koth 23:17

Na as dha golonn dhe berthi avi a beghadoryon, mes bes yn own an Arloedh oll an jydh.

Ysay 35:8

Y fydh fordh-veur ena, ha hyns, hag y fydh henwys an Fordh a Sansoleth. Ny dremen an den avlan warnedhi, mes y fydh fordh rag pergherinyon, ny wra fellyon gwandra ynni.

Ysay 52:8

Lev dha withysi: i a dhrehav aga lev; war-barth i a gan gans joy, rag i a wel lagas dhe lagas dehwelyans an Arloedh dhe Sion.

Ysay 65:23

Ny lavuryons yn euver, na dhineythi fleghes dhe euth; rag i a vydh has bennigys gans an Arloedh, ha'ga henedh gansa.

Yeremia 24:7

Ha my a re kolonn dhedha dhe'm aswonn, ow bos an Arloedh; hag i a vydh ow fobel, ha my a vydh aga Duw, rag i a dhehwel dhymm gans oll aga holonn.

Yeremia 31:33

Mes hemma a vydh an kevambos a wrav gans chi Ysrael wosa an dydhyow na, yn-medh an Arloedh: My a worr ow lagha a-ji dhedha ha'y skrifa war aga holonn; ha my a vydh aga Duw, hag i a vydh ow fobel.

Yeremia 32:40

My a wra kevambos bys vykken gansa, nevra dhe gildenna a wul da dhedha; ha my a worr own yn aga holonn ma na dreylyons a-dhiworthiv.

Yeremia 6:16

Yndellma y lever an Arloedh, Sevewgh war an fordhow, ha mirewgh ha hwilewgh an hynsyow koth, le mayth yw da an fordh; ha kerdhes ynni ha hwi a gyv powes dh'agas enevow. Mes yn-medhons, ‘Ny vynnyn kerdhes ynni.’

Ezekiel 36:26

My a re dhywgh kolonn nowydh, ha gorra spyrys nowydh ynnowgh, ha kemmeres an golonn a ven dhiworth agas kig, ha ri dhywgh kolonn a gig.

Ezekiel 37:22

My a's gwrav unn genedhel y'n tir war venydhyow Ysrael, hag unn myghtern a vydh myghtern dhedha i oll, ha ny vydhons arta diw genedhel.

Ezekiel 37:24

Ow gwas Davydh a vydh myghtern warnedha, hag y fydh unn bugel dhedha i oll. I a gerdh war-lergh ow breusow, ha gwaytyas gwitha ow ordenansow.

Ezekiel 37:25

I a drig y'n tir a res vy dhe'm gwas Yakob, mayth esa agas tasow trigys ynno. I ha'ga mebyon, ha mebyon aga mebyon a drig ynno bys vykken, ha Davydh ow gwas a vydh pennsevik dhedha bys vynitha.

Yowann 14:6

Yn-medh Yesu dhodho, ‘My yw an fordh, ha'n gwir, ha'n bewnans. Ny dheu denvyth dhe'n Tas saw dredhov vy.

Yowann 17:21

rag may fons i oll onan, kepar ha ty, A Das, ynnov vy ha my ynnos jy, rag may fons i ynwedh onan ynnon ni, may krysso an bys ty dhe'm dannvon.

Oberow 13:33

an ambos ma re gollenwis Duw dhyn ni, aga fleghes, ow trehevel Yesu; keffrys dell yw skrifys y'n nessa salm: “Ow mab yth osta, Hedhyw my re'th tineythis.”

Oberow 2:39

Rag yma'n dedhewadyow dhywgh hwi ha dh'agas fleghes ha dhe'n re usi pell, myns a alwo an Arloedh agan Duw dhodho.’

Oberow 3:26

Ragowgh hwi yn kynsa, Duw a dhrehevis y was, ha'y dhannvon rag agas benniga orth agas treylya dhe-ves, yn kettep penn, dhiworth agas drogoberow.’

Oberow 4:32

Lemmyn routh an re a grysi o unnverhes yn kolonn hag enev, ha denvyth ny leveris bos an pythow a berghennas dhodho ev y honan, mes pup-tra o kemmyn dhedha.

Oberow 9:31

Ytho, yth esa kres dhe'n eglos dres oll Yudi ha Galile ha Samaria, ha drehevys veu; ow kerdhes yn own an Arloedh hag yn konfort an Spyrys Sans, hi a balshas.

Romanyon 11:16

Ha mars yw an kynsa frut sans, yndella ynwedh yw an toes gwrys anedhi; ha mars yw an wreydhenn sans, yndella yw an skorrennow.

1 Korinthianys 7:14

Rag an gour diskryjyk re beu sakrys der an wreg, ha'n wreg dhiskryjyk re beu sakrys der an gour. Poken, avlan via agas fleghes, mes lemmyn sans yns i.

2 Korinthianys 13:11

Gordhiwedh, breder, lowenhewgh; gwrewgh agas honan perfydh, kennerthewgh an eyl y gila, bedhewgh unnverhes, bedhewgh yn kres; ha'n Duw a gerensa hag a gres a vydh genowgh.

Dewteronomi 5:29

Unnweyth a pe dhedha kolonn a'n par ma, dhe berthi own ahanav vy, ha dhe witha oll ow gorhemmynnow pup-prys, rag may fo yn ta dhedha ha dh'aga mebyon bys vykken!

Dewteronomi 6:2

rag may perthi own a'n Arloedh dha Dhuw, dhe witha oll y ordenansow ha'y worhemmynnow esov ow korhemmynna dhis oll dydhyow dha vewnans, ty, ha'th vab, ha mab dha vab, rag may fo hir dha dhydhyow.

Dewteronomi 6:24

An Arloedh a worhemmynnis dhyn gul oll an ordenansow ma, dhe berthi own a'n Arloedh agan Duw, rag may fo yn ta dhyn pub dydh oll, dh'agan gwitha yn few kepar ha hedhyw.

Ebrowyon 10:20

der an fordh vew nowydh a igoras ev der an vayl, henn yw der y gig,