Yeremia 32:35 - An Bibel Kernewek 20234 (Kernewek Kemmyn)

³⁵ Hag i a dhrehevis an tylleryow ughel a Baal yn nans mab Hinnom, dhe wul dh'aga mebyon ha'ga myrghes tremena der an tan dhe Molek, kyn na worhemmynnis dhedha, na ny dheuth y'm brys may hwrellens an dra gasadow ma, ow kul dhe Yuda pegha.

Yeremia 32:35 ပူးပေါင်းရင်းမြစ်များ

1 Myghternedh 11:33

Hemm yw drefenn ev dhe'm eskasa ha gordhya Ashtoreth duwes an Sidonysi, Kemosh duw Moab, ha Milkom duw an Ammonysi, ha ny gerdhas yn ow fordhow, ow kul an pyth yw ewn yn ow golok ha gwitha ow ordenansow ha'm breusow, dell wrug y das Davydh.

1 Myghternedh 11:7

Ena Solomon a dhrehevis tyller ughel rag Kemosh pyth kasadow an Ammonysi, war an menydh a'n duryen dhe Yerusalem.

1 Myghternedh 14:16

Ev a eskas Ysrael drefenn peghosow Yeroboam, a beghas ha gul Ysrael dhe begha.’

1 Myghternedh 15:26

Ev a wrug an pyth o drog yn golok an Arloedh, ow kerdhes yn fordh y das hag y'n pegh a wrug ev dhe Ysrael y wul.

1 Myghternedh 15:30

Hemma a hwarva drefenn an peghosow a wrug Yeroboam hag a wrug dhe Ysrael aga gul, ha drefenn an sorr may frosas an Arloedh, Duw Ysrael, dhodho.

1 Myghternedh 16:19

drefenn an peghosow a wrug ev, ow kul drog yn golok an Arloedh, ow kerdhes yn fordh Yeroboam, ha rag an pegh re wrug, ow kul dhe Ysrael pegha.

1 Myghternedh 21:22

ha my a wra dha ji haval dhe ji Yeroboam mab Nebat, ha haval dhe ji Baasha mab Ahiya, drefenn ty dhe'm brovokya dhe sorr ha gul dhe Ysrael pegha.

2 Myghternedh 21:11

‘Drefenn Manasse, myghtern Yuda, dhe wul an taklow kasadow ma, ha dhe wul taklow gweth ages pup-tra a wrug an Amorysi esa kyns, ha gul dhe Yuda pegha ynwedh gans y idolys,

2 Myghternedh 21:4

Ev a dhrehevis alteryow yn chi an Arloedh, may lavarsa an Arloedh anedha, ‘Yn Yerusalem y hworrav ow hanow.’

2 Myghternedh 23:10

Ev a dhefolas Tofeth usi yn nans Ben-hinnom, ma na wrella denvyth dhe vab po dhe vyrgh tremena dre dan avel offrynn dhe Molek.

2 Myghternedh 23:15

Ynwedh ev a dennas dhe'n dor an alter yn Bethel, an tyller ughel gwrys gans Yeroboam mab Nebat, a wrug dhe Ysrael pegha, an alter na hag ynwedh an tyller ughel. Ev a loskas an tyller ughel, orth y vrewi dhe dhoust; ynwedh ev a loskas an Ashera.

2 Myghternedh 3:3

Byttegyns ev a lenas orth peghosow Yeroboam mab Nebat, a wrug dhe Ysrael pegha, ha ny dreylyas dhiworta.

2 Kroniklys 33:6

Ev a wre dh'y vebyon tremena dre dan yn nans mab Hinnom, hag a wre dewinieth ha pystri ha hus, hag a hwila kusul dhiworth nygromons. Ev a wrug droktraow pals yn golok an Arloedh, orth y brovokya dhe sorr.

2 Kroniklys 33:9

Manasse a ledyas Yuda ha trigoryon Yerusalem yn stray, bys may hwrussons moy drog ages an kenedhlow a dhiswrussa an Arloedh a-rag pobel Ysrael.

2 Kroniklys 36:14

Ynwedh oll an pennoferysi ha'n bobel o fest dislel, owth holya oll taklow kasadow an kenedhlow; hag i a dhefolas chi an Arloedh re wrussa y sakra yn Yerusalem.

Eksodus 32:21

Ha Moyses a leveris dhe Aron, ‘Pandr'a wrug an bobel ma dhis may hwrussys dri pegh meur warnedha?’

Ysay 57:5

Hwi a lesk gans lust yn mysk an derow, yn-dann bub gwydhenn las; ow ladha an fleghes y'n nansow, yn-dann savnow an karregi.

Yeremia 19:2

ha ke yn-mes bys yn nans mab Hinnom usi ryb entrans Yet Darnow an Pottow Pri, ha dyllo ena an geryow a lavarav dhis,

Yeremia 30:14

Oll dha garoryon re'th ankovas; ny'th hwilons rag my re'th holyas gans goli eskar, gans keredh a dhen fell, drefenn bos meur dha anewnder, drefenn dha beghosow dhe ynkressya.

Yeremia 44:4

Mes my a dhannvonas dhywgh oll ow servysi an brofoesi, orth aga dannvon arta hag arta, ow leverel, ‘My a'gas pys ma na wrellowgh an dra euthyk ma hag yw kasadewder dhymm.’

Yeremia 7:30

Rag mebyon Yuda re wrug drogedh y'm golok, yn-medh an Arloedh; i re settyas aga thaklow kasadow y'n chi may feu ow hanow gelwys warnodho, dh'y dhefola.

Yeremia 7:31

Hag i re dhrehevis an tylleryow ughel a Tofeth, usi yn nans mab Hinnom, dhe leski aga mebyon ha'ga myrghes y'n tan; tra na worhemmynnis, na ny dheuth y'm kolonn.

Ezekiel 23:37

Rag i re wrug avoutri, hag yma goes war aga diwla. I re wrug avoutri gans aga idolys; ynwedh i re sakrifisons dhedha aga mebyon a dhineythsons dhymm, rag boes.

Levitikus 18:21

Ha ny wredh gasa dha has dhe vos sakrifiys dhe Molek, na ny wredh disakra hanow dha Dhuw. An Arloedh ov vy.

Oberow 7:43

Hwi a gemmeras yn-bann tylda Molok ha sterenn agas duw Refan, an imajys hag a formsowgh rag aga gordhya; ha my a wra agas divroa dhe'n tu arall dhe Babylon.”

Dewteronomi 12:31

Na wra yndella dhe'n Arloedh dha Dhuw, rag i re wrug dh'aga duwow oll an taklow vil a wra an Arloedh aga hasa. I a lesk ynwedh aga mebyon ha'ga myrghes gans tan dh'aga duwow.

Dewteronomi 18:10

Ny vydh kevys yntredhowgh nebonan a offrynn y vab po y vyrgh gans tan, na neb a wra dewinieth, na koelyek, na gorhenyas, na pystrier,

Dewteronomi 24:4

ena hy hynsa gour neb a's dannvonas dhe-ves ny yll hy hemmeres dhodho arta avel gwreg wosa hy bos defolys. Henna a via pyth kasadow a-rag an Arloedh. Na dhro pegh war an tir a wra an Arloedh dha Dhuw y ri dhis avel eretons.