Yeremia 32:21 - An Bibel Kernewek 20234 (Kernewek Kemmyn)

²¹ Ty re dhros dha bobel Ysrael yn-mes a bow Ejyp gans toknys, ha gans marthusyon, ha gans leuv grev, ha gans bregh ystynnys, ha gans euth meur;

Yeremia 32:21 ပူးပေါင်းရင်းမြစ်များ

2 Samuel 7:23

Piw yw haval dhe'th pobel, haval dhe Ysrael, kenedhel dhibarow y'n norvys, neb eth Duw dh'y dasprena avel pobel ragdho y honan, ha dhe wul hanow ragdho, ha dhe wul ragowgh traow bras hag euthyk, rag dha wlas, a-dherag dha bobel, a dhasprensys ragos dha honan dhiworth Ejyp, a-dhiworth an kenedhlow ha'ga duwow?

1 Myghternedh 8:42

– rag i dhe glewes a'th hanow meur, a'th leuv grev, ha'th vregh ystynnys – pan dheu estren ha pysi war-tu ha'n chi ma,

1 Kroniklys 17:21

Py kenedhel arall war an nor yw haval dhe'th pobel Ysrael, mayth eth Duw dh'aga dasprena dhe vos y bobel, ow kul ragos hanow rag gwriansow bras hag euthyk, ow fesya kenedhlow a-dherag dha bobel a dhasprensys mes a Ejyp?

Salmow 105:37

Hag ev a's hembronkas yn-mes gans owr hag arghans, ha ny drebuchyas denvyth yn aga loethow.

Salmow 105:43

Hag ev a dhros y bobel yn-mes gans lowena, an re dhewisys gans garmow a lowender.

Eksodus 13:14

Hag y'n termyn a dheu pan wovynn orthis dha vab, “Pyth yw styr hemma?” ty a lever dhodho, “Dre nerth an leuv an Arloedh a'gan dros yn-mes a Ejyp, yn-mes a ji an gethneth.

Eksodus 13:9

Hag y fydh dhis avel tokyn war dha dhorn hag avel kov yntra dha dhewlagas, may fo lagha an Arloedh yn dha anow; rag dre leuv grev an Arloedh re'th tros yn-mes a Ejyp.

Eksodus 3:20

Ytho my a ystynn ow dorn ha gweskel Ejyp gans ow marthusyon oll a wrav ynno; wosa henna ev a as dhedha mones.

Eksodus 6:1

Mes an Arloedh a leveris dhe Moyses, ‘Lemmyn ty a wel an pyth a wrav dhe Faro; rag ev a's dannvon, krev an dhorn, ha krev an dhorn ev a's gorr yn-mes a'y dir.’

Eksodus 6:6

Lavar ytho dhe vebyon Ysrael, “My yw an Arloedh hag a wra agas dri a-dhann veghyow an Ejyptianys ha'gas livra a'ga hethneth ha'gas dasprena gans bregh ystynnys ha dre vreusow meur,

Ysay 63:12

neb a wrug dh'y vregh gloryus mos orth leuv dhyghow Moyses, ow folsa dowrow a-ragdha, dhe wul ragdho hanow a dhur vys vykken,

Dewteronomi 11:3

ha'y toknys, ha'y wriansow a wrug yn Ejyp, dhe Faro myghtern Ejyp, ha dhe oll y bow;

Dewteronomi 26:8

Ytho an Arloedh a'gan dros mes a Ejyp gans dorn grev ha bregh ystynnys, gans own bras, ha gans toknys, ha gans marthusyon;

Dewteronomi 4:34

Po a assayas neb duw dhe dhos ha kemmeres dhodho kenedhel dhiworth kenedhel arall dre brovow, der toknys, ha der anethow, ha dre vresel, dre leuv grev ha bregh ystynnys, der euth bras kepar ha pup-tra a wrug dhywgh an Arloedh agas Duw yn Ejyp a-wel dhis?

Dewteronomi 7:19

an provow bras a welas dha dhewlagas, an toknys ha'n marthusyon, ha'n dhorn grev ha'n vregh ystynnys, ma'th tros an Arloedh dha Dhuw dhe-ves dredha. Yndella an Arloedh dha Dhuw a wra dhe oll an poblow esos ow perthi own anedha.