Yeremia 32:18 - An Bibel Kernewek 20234 (Kernewek Kemmyn)

¹⁸ Ty a dhiskwedh tregeredh dhe vilyow, hag attyli anewnder an tasow yn askra aga fleghes war aga lergh, an Duw meur ha galloesek, Arloedh an luyow yw y hanow,

Yeremia 32:18 ပူးပေါင်းရင်းမြစ်များ

Jenesis 49:24

mes y warak a dhuryas fyrv ha giow y dhiwdhorn dre dhiwdhorn an Galloesek a Yakob, yn hanow an Bugel, karrek Ysrael,

2 Myghternedh 9:26

“Yn sur, my a welas goes Naboth, ha goes y vebyon de, a lever an Arloedh; ha my a attal dhis war an splatt ma.” Ytho lemmyn kemmer e yn-mes ha tewl e y'n splatt a dir, herwydh ger an Arloedh.’

Nehemia 1:5

Yn-medhav, ‘My a'th pys, A Arloedh Duw nev, an Duw bras hag euthyk neb a with kevambos ha tregeredh rag an re a'n kar ha gwitha y worhemmynnow;

Salmow 50:1

Duw an duwow, an Arloedh, re gewsis, ha gelwel an nor dhiworth drehevel an howl bys dh'y sedhes.

Salmow 89:9

Ty a rewl hwythfians an mor. Pan sev y donnow, ty a's koselha.

Eksodus 34:6

An Arloedh a dremenas a-ragdho ha gelwel, ‘An Arloedh, an Arloedh, Duw truedhek ha grassyes, lent ow serri ha leun a dregeredh ha lelder,

Eksodus 34:7

ow kwitha tregeredh rag milyow, ow kava kammweyth ha kammdremenans ha pegh, mes neb na as an re gablus heb kessydhyans, ow korra kammweyth an tasow war an fleghes, ha war fleghes an fleghes dhe'n tressa ha'n peswora henedh.’

Ysay 10:21

Remenant a dhehwel, remenant Yakob, dhe'n Duw galloesek.

Ysay 57:15

Rag yndellma y lever an ughel hag eksaltys neb a drig trank heb worfenn, ha sans yw y hanow: Trigys esov yn tyller ughel ha sans, hag ynwedh gans an den yw keudhesik hag isel y spyrys, dhe wul dhe spyrys an re uvel dasvewa ha dhe wul dhe golonn a'n re brewys dasvewa.

Ysay 9:6

Rag flogh re beu genys dhyn, mab re beu res dhyn; ha war y dhiwskoedh yma arloettys. Hag ev a vydh henwys Kusulyador Marthys, Duw Galloesek, Tas bys Vykken, Pennsevik Kres.

Yeremia 10:16

Nyns yw rann Yakob avella: rag ev yw formyer pup-tra hag Ysrael yw gwelenn y eretons: Arloedh an luyow yw y hanow.

Yeremia 10:6

Rag nyns eus nagonan avelos A Arloedh, ty yw meur, ha'th hanow yw meur y alloes.

Yeremia 20:11

Mes yma an Arloedh genev avel kasor fell; ytho ow helghysi a drebuch, ha ny wrons fetha; i a's tevydh meth meur, rag ny sewenons: ny vydh ankevys aga disenor bys vykken.

Yeremia 31:35

Yndellma y lever an Arloedh, a re an howl rag golow dydh hag ordena an loer ha'n ster rag golow nos, a rann an mor may hwromm an tonnow – Arloedh an luyow yw y hanow.

Yeremia 33:2

Yndellma y lever an Arloedh a wrug an nor, an Arloedh a'n formyas dh'y fastya – an Arloedh yw y hanow:

Yeremia 50:34

Aga Dasprenyas yw krev; Arloedh an luyow yw y hanow. Ev a bled aga hen yn sur, may rollo powes dhe'n tir, mes ankres dhe annedhysi Babylon.

Daniel 2:45

Kepar dell welsys y feu treghys men a'n menydh, heb mayn leuv, hag y torras dhe demmyn an horn, an brons, an priweyth, an arghans ha'n owr: yndellma an Duw meur re dhiskwedhas dhe'n myghtern an pyth a hwyrvydh wosa hemma. Fastys yw an hunros, ha sur yw y styr.’

Habakkuk 1:12

A ny veus a'n dalleth, A Arloedh, ow Duw sans? Ny verwyn. A Arloedh, ty re's ordenas rag breus; A Garrek, ty re's fondyas rag keredh.

Niverow 14:18

“An Arloedh yw lent ow serri, lenwys a dregeredh, ow kava kammweyth ha peghadow, mes ny vynn war neb kor klerhe an re gablus, ow kessydhya kammhynseth tasow war fleghes, war an tressa ha'n peswora henedh.”

Matthew 27:25

Ha'n bobel oll a worthybis ow leverel, ‘Re bo y woes warnan ni ha war agan fleghes.’

Luk 6:38

Rewgh, hag y fydh res dhywgh. Musur da, gweskys yn-nans, shakys war-barth, gorlenwys, a worrons yn agas askra; rag gans an musur may fusurowgh y fydh musurys arta dhywgh.’

Dewteronomi 10:17

Rag an Arloedh agas Duw yw Duw a'n duwow hag Arloedh a'n arlydhi, an Duw bras ha krev hag euthyk, nag eus dhodho faverans, ha na gemmer falswober;

Dewteronomi 7:21

Na borth euth anedha, drefenn an Arloedh dha Dhuw yn agas mysk bos Duw bras hag euthyk.