Yeremia 31:8 - An Bibel Kernewek 20234 (Kernewek Kemmyn)

⁸ Otta, my a's dre a dir an gogledh, ha'ga huntell a-dhiworth pella rannow an nor, ha gansa an dall ha'n evredhek, an venyn veghyek ha'n venyn usi yn gwelivesi; kowethas meur a dhehwel omma.

Yeremia 31:8 ပူးပေါင်းရင်းမြစ်များ

Salmow 107:3

ha'n re a guntellas ev mes a'n powyow, dhiworth an howldrevel ha dhiworth an howlsedhes, dhiworth an kledh ha dhiworth an dyghow.

Salmow 65:5

Ty a worthyp dhyn gans taklow euthyk yn ewnder, A Dhuw agan selwyans; ty, neb yw fydhyans oll pennow an nor, ha'n re usi pell war an mor.

Salmow 98:3

Ev re borthas kov a'y dregeredh ha'y lelder orth chi Ysrael. Oll pennow an norvys re welas selwyans agan Duw.

Ysay 40:11

Avel bugel ev a vag y flokk; gans y vregh ev a guntell y eyn ha'ga doen yn y askra; ev a hembronk yn hwar an re usi ow ri bronn.

Ysay 42:16

My a hembronk dellyon yn fordh na aswonnons; yn hynsyow na aswonnons y's gidyav. My a dreyl an tewlder a-ragdha dhe wolewder, an tylleryow garow dhe dir leven. An re ma yw an taklow a wrav, ha ny's forsakyav.

Ysay 43:6

My a lever dhe'n gledhbarth, ‘Daskorr i!’ ha dhe'n dhyghowbarth, ‘Na wra aga lesta! Dro ow mebyon a'n pellder ha'm myrghes a benn an norvys,

Ysay 45:22

Treylyewgh dhymm ha bedhewgh selwys, oll pennow a'n norvys; rag my yw Duw ha nyns eus ken.

Ysay 52:10

An Arloedh re dhislennis y vregh sans a-rag dewlagas an kenedhlow oll, hag oll pennow an norvys a wel selwyans agan Duw.

Yeremia 16:15

Mes, ‘An Arloedh a vew, a dhros mebyon Ysrael a dir an gogledh, hag a diryow oll ma's fesyas’; ha my a's dre arta dhe'n tir a res dh'aga thasow.

Yeremia 23:3

Ha my a guntell remenant ow flokk yn-mes a'n tiryow ma's fesis ha'ga dri arta dh'aga horlann, hag i a dheg froeth ha kressya.

Yeremia 23:8

mes ‘Dell vew an Arloedh neb a dhros ha hembronk has chi Ysrael yn-mes a dir an gogledh hag yn-mes a oll an powyow ma's fesis.’ Ena triga a wrons yn aga thir aga honan.

Yeremia 29:14

Ha my a'gas gas dhe'm kavoes, yn-medh an Arloedh, ha treylya agas kethneth, ha my a'gas kuntell a-dhiworth oll an kenedhlow hag oll an tylleryow ma'gas fesis, yn-medh an Arloedh, ha my a'gas dre arta dhe'n tyller ma'gas dannvenis dhiworto yn divroedh.

Yeremia 3:12

Ke ha deklar an geryow ma dhe'n gogledh, ha leverel, Dehwel ty Ysrael dhislel, yn-medh an Arloedh; ny wrav ow sorr dhe goedha warnas: rag tregeredhus ov, yn-medh an Arloedh, ha ny withav sorr bys vykken.

Yeremia 3:18

Y'n dydhyow na chi Yuda a wra kerdhes gans chi Ysrael, hag i a dheu war-barth yn-mes a dir an gogledh dhe'n tir a res rag eretons dh'agas tasow.

Ezekiel 20:34

My a'gas dre yn-mes a'n poblow ha'gas kuntelles dhiworth an powyow le may fewgh skattrys, gans leuv grev, ha gans bregh ystynnys, ha gans sorr dinewys.

Ezekiel 20:41

Kepar ha sawer plegadow my a'gas degemmer, pan y'gas drov yn-mes dhiworth an poblow, ha'gas kuntelles yn-mes a'n tiryow may fewgh skattrys ynna; ha my a vydh sanshes ynnowgh a-wel dhe'n kenedhlow.

Ezekiel 34:12

Kepar dell wra bugel hwithra y flokk pan usi ev yn mysk y dheves skattrys, yndella my a hwither ow deves vy ha'ga delivra a-dhiworth oll an tylleryow mayth yns skattrys yn dydh a gommol ha tewlder tew.

Ezekiel 34:13

My a's dre yn-mes a'n poblow, ha my a's kuntell yn-mes a'n gwlasow, ha'ga hembronk a-berth yn aga thir aga honan; ha my a wra aga maga war venydhyow Ysrael, ryb goverow, hag yn oll trigvaow an tir.

Ezekiel 34:16

An re kellys a hwilav, ha'n re gyllys yn stray a dhrov dhe dre, ha'n re terrys a golmav, ha'n re wann a grevhav; mes an re dew ha'n re grev my a dhistru. My a's mag gans breus.

Mika 4:6

Y'n jydh na, yn-medh an Arloedh, my a guntell an evredhyon ha dri war-barth an re a veu fesyes, ha'n re a wrugavy aga grevya;

Sefania 3:19

Otta, y'n termyn na My a ober erbynn oll myns a'th arwask y'n termyn na: ha my a saw an deves klof, ha kuntell an deves skattrys; ha my a's sett rag gormel ha ger-da yn oll an broyow a'ga meth.

Zekaria 2:6

Yn-sol! Yn-sol! Fiewgh a dir an kledh, yn-medh an Arloedh, rag my re'gas lesas avel an peswar gwyns a nev, yn-medh an Arloedh.

Matthew 12:20

Korsenn vrewys ny's terr na bubenn ow megi ny's difeudh, erna dhokko ev ewnder dhe vudhogoleth,

Yowann 21:15

Ytho wosa i dhe dhybri, yn-medh Yesu dhe Simon Peder, ‘Simon mab Yowann, es'ta jy orth ow hara vy moy es an re ma?’ Yn-medh ev dhodho, ‘Ya, Arloedh, ty a woer my dhe'th kara.’ Yn-medh ev dhodho, ‘Gwith war ow eyn.’

1 Korinthianys 8:10

Rag nebonan mara'th wel, ty dhen a wodhvos, owth esedha orth moes yn tempel idol, a ny vydh ev dynys, gwann y gowses, dhe dhybri offrynnow dhe idolys?

Dewteronomi 30:4

Mar pe re a'th tivresow skattrys bys amal nev, alena y hwra an Arloedh dha Dhuw dha guntell hag alena y hwra dha gemmeres.

1 Thessalonianys 5:14

Ha ni a'gas pys, a vreder, a geski an re yw diek, a hebaskhe an re yw digolonnek, a skoedhya an re yw gwann, hir agas godhevyans troha pub den oll.

Ebrowyon 12:12

Ytho krevhewgh an dhiwdhorn ydhil ha'gas dewlin dhifreth,

Ebrowyon 4:15

Rag ny'gan beus arghoferyas na yll keskodhevel gans agan gwannder, mes onan neb re beu temptys avelon yn pub tremmynn, heb pegha hogen.