Yeremia 31:7 - An Bibel Kernewek 20234 (Kernewek Kemmyn)

⁷ Rag yndellma y lever an Arloedh: Kenewgh gans lowena rag Yakob, ha drehevewgh garmow rag chyf an kenedhlow; gwarnyewgh, gormelewgh, ha leverel, ‘A Arloedh, saw dha bobel, remenant Ysrael.’

Yeremia 31:7 ပူးပေါင်းရင်းမြစ်များ

Salmow 106:47

Salw ni, A Arloedh agan Duw, ha kuntell ni yn-mes a'n kenedhlow, may hwodhven gras dhe'th hanow sans ha bostya y'th wormola.

Salmow 126:2

Ena lenwys veu agan ganow a hwarth, ha'gan taves a lowena. Ena y lavarsons yn mysk an kenedhlow, ‘An Arloedh re wrug taklow meur rag an re ma.’

Salmow 14:7

A teffa selwyans Ysrael yn-mes a Sion! Pan dreyl an Arloedh kethneth y bobel, Yakob a lowenha, ha heudhik vydh Ysrael.

Salmow 28:9

Salw dha bobel, ha bennik dha ertach; bydh aga bugel, ha'ga drehevel bynitha.

Salmow 67:1

Duw re bo grassyes orthyn, ha'gan benniga ha re wrello dh'y fas golowi warnan. Sela.

Salmow 69:35

Rag Duw a selow Sion, ha drehevel sitys Yuda; hag i a drig ena ha'y ferghenna.

Ysay 1:9

Mar ny assa dhyn Arloedh an luyow remenant byghan, y tothyen ni ha bos avel Sodom, y fien haval dhe Gomorra.

Ysay 11:11

Y'n jydh na an Arloedh a ystynn y leuv an nessa gweyth dhe dhaskavoes remenant y bobel yw gesys, dhiworth Assyria, dhiworth Ejyp, dhiworth Pathros, dhiworth Ethiopia, dhiworth Elam, dhiworth Shinar, dhiworth Hamath, ha dhiworth ynysow an mor.

Ysay 37:31

An remenant gesys a ji Yuda a wreydh war-nans, ha doen frut war-vann;

Ysay 37:4

Martesen an Arloedh dha Dhuw a glew geryow an Rabshake a wrug y vester myghtern Assyria dannvon dhe wul ges a'n Duw bew, hag ev a geredh an geryow re glewas an Arloedh dha Dhuw. Rakhenna drehav pysadow rag an remenant yw gesys.’

Ysay 44:23

Kenewgh, A nevow, rag an Arloedh re'n gwrug, germewgh, A dhownderyow an norvys; germewgh gans joy, A venydhyow, An goeswik ha pub gwydhenn eus ynno! Rag an Arloedh re dhasprenas Yakob, hag ev a vydh glorifiys yn Ysrael.

Ysay 52:8

Lev dha withysi: i a dhrehav aga lev; war-barth i a gan gans joy, rag i a wel lagas dhe lagas dehwelyans an Arloedh dhe Sion.

Ysay 61:9

Aga has a vydh aswonnys y'n kenedhlow, ha'ga askorr yn mysk an poblow. Peub a's gwel a aswonn i dhe vos has a wrug an Arloedh aga benniga.

Yeremia 20:13

Kenewgh dhe'n Arloedh, gormelewgh an Arloedh! Rag ev re dhelivras enev an boghosek a-dhiworth leuv an dhrogoberoryon.

Yeremia 23:3

Ha my a guntell remenant ow flokk yn-mes a'n tiryow ma's fesis ha'ga dri arta dh'aga horlann, hag i a dheg froeth ha kressya.

Yeremia 3:23

Yn hwir euver yw toell an breow, ha tervans an menydhyow: yn hwir y'n Arloedh agan Duw yma selwyans Ysrael.

Yeremia 31:12

Ytho i a dheu ha kana yn ughel war ughelder Sion, ha splanna drefenn dader an Arloedh, drefenn an greun, ha'n gwin ha'n oyl, ha re yowynk an flokk, ha'n gre; aga bewnans a vydh avel lowarth dowrhes, ha ny vydhons digolonnek namoy.

Kynvannow 1:1

1 Ass yw an sita owth esedha digoweth hag o leun a dus! Ass yw hi gyllys kepar ha gwedhwes, hag o meur y'n kenedhlow! Neb o pennseviges y'n powyow re beu gorrys yn keth dhe hwel krev.

Ezekiel 6:8

Mes my a as remenant; re ahanowgh a skap an kledha yn mysk an kenedhlow, pan vydhowgh skattrys y'n gwlaskordhow.

Hosea 1:7

Mes my a gemmer truedh a ji Yuda, ha'ga sawya der an Arloedh aga Duw, ha ny's sawyav gans gwarak, na kledha, na kas, na mergh, na marghogyon.’

Yoel 2:32

Ena y fydh sawys pubonan neb a elow war hanow an Arloedh; rag yn menydh Sion y fydh remenant dell leveris an Arloedh, hag yn Yerusalem an re a dhienk, neb a wra an Arloedh aga gelwel.

Amos 5:15

Kesewgh droktra, ha kerewgh dader, ha fastyewgh gwirvreus y'n yet; martesen an Arloedh, Duw an luyow, a gemmer truedh a remenant Yosep.

Mika 2:12

My a'th kuntell, A Yakob, oll yn tien, my a guntell remenant Ysrael; my a's gorr war-barth avel deves Bosra, avel flokk yn kres y beurva; dasseni a wra gans tus.

Mika 7:18

Py Duw yw haval dhis, ow kava droktra hag owth ankevi kammwrians an remenant a'y eretons? Ny with ev y sorr bynnari, drefenn bos mall ganso a dregeredh.

Sefania 2:9

Rakhenna ren ow bewnans, yn-medh Arloedh an luyow, Duw Ysrael, y fydh Moab kepar ha Sodom yn surredi, ha an Ammonysi kepar ha Gomorra, hwennek ha poll hoelan ha difeyth a bes vynitha: remenant ow fobel a's pyll, ha'n re gesys a'm kenedhel a erit aga thir.

Romanyon 11:5

Ytho yndella y'n eur ma yma remenant herwydh dewis a ras.

Romanyon 9:27

Hag Ysay a gri yn ughel a-dro dhe Ysrael, ‘Mara pydh niver mebyon Ysrael avel tewes an mor, an remenant a vydh selwys;

Dewteronomi 28:13

An Arloedh a'th wra dhe vos an penn a-der an lost; y fydhydh unnsel a-wartha, ha ny vydhydh a-woeles, mar koslewydh gorhemmynnow an Arloedh dha Dhuw esov orth dha worhemmynna hedhyw, dh'aga gwitha ha dh'aga gul.

Dewteronomi 32:43

Germewgh yn lowen, kenedhlow, gans y bobel, rag ev a gemmer dial war woes y servysi, ha tewlel dial war y eskerens, ha dasprena tir y bobel.