Yeremia 31:40 - An Bibel Kernewek 20234 (Kernewek Kemmyn)

⁴⁰ An nans oll a gorfow marow ha'n lusu, hag oll an gwelyow bys yn gover Kidron, dhe gornell Yet an Margh war-tu ha'n duryen, a vydh sans dhe'n Arloedh. Ny vydh diwreydhys na domhwelys nevra.

Yeremia 31:40 ပူးပေါင်းရင်းမြစ်များ

2 Samuel 15:23

Hag oll an vro a oelas gans lev ughel, hag oll an bobel a dremenas yn-rag; an myghtern ynwedh a dremenas dres nans Kidron, hag oll an bobel a dremenas yn-rag, troha fordh an gwylvos.

2 Myghternedh 11:16

I a settyas dalghenn ynni; hi a dheuth dre Yet an Vergh yn chi an myghtern, hag ena hi a veu ledhys.

2 Myghternedh 23:12

An myghtern a dorras dhe'n dor an alteryow war an to ryb chambour gwarthav Ahaz gwrys gans myghternedh Yuda, ha'n alteryow gwrys gans Manasse yn dew glos chi an Arloedh; ev a's tennas dhe'n leur ha'ga brewi dhe dhoust ha tewlel aga doust yn nans Kidron.

2 Myghternedh 23:6

Ev a gemmeras an Ashera dhiworth chi an Arloedh a-ves dhe Yerusalem, dhe nans Kidron, ha'y leski yn nans Kidron, ha'y brewi dhe dhoust ha tewlel hy doust war ynkleudhva an werin.

2 Kroniklys 23:15

I a settyas dalghenn ynni; hi a dheuth dhe entrans Yet an Vergh yn chi an myghtern, hag ena i a's ladhas.

Nehemia 3:28

Dhiworth tyller a-ugh Yet an Margh, an oferysi a wrug ewnheansow, pub huni a-dal y ji y honan.

Salmow 48:9

Ni re brederis a'th tregeredh, A Dhuw, yn kres dha dempel.

Ysay 51:22

Yndellma y lever dha Arloedh, an Arloedh, dha Dhuw neb a bled ken y bobel: Otta, my re gemmeras dhiworth dha dhorn an hanaf a vedhwenep. Ny evydh nevra na fella a volla ow honnar.

Yeremia 1:10

Mir, my re'th apoyntyas hedhyw war an kenedhlow ha war an gwlaskordhow, dhe dhiwreydhya, ha dhe derri dhe'n dor, dhe dhistrui, ha dhe dhiswul; dhe dhrehevel ha dhe blansa.’

Yeremia 18:7

Dhe unn prys my a gews a genedhel, hag a wlaskor, dh'y diwreydhya, dh'y therri dhe'n dor, ha dh'y distrui;

Yeremia 32:36

Lemmyn ytho yndellma y lever an Arloedh, Duw Ysrael, a-dro dhe'n sita ma may leverowgh anedhi, ‘Y fydh res yn leuv myghtern Babylon gans an kledha, gans divoetter ha gans an pla’:

Yeremia 8:2

hag i a's les a-rag an howl ha'n loer, hag oll lu an nevow, re wrussons aga hara ha'ga servya, ha kerdhes war aga lergh, ha'ga hwilas ha'ga gordhya; ny vydhons kuntellys, nag ynkleudhys; i a vydh avel teyl war enep an nor.

Ezekiel 37:2

Hag ev a wrug dhymm tremena dresta a-derdro. Hag otta, fest lies ens i war enep an nans, ha pur sygh ens.

Ezekiel 37:25

I a drig y'n tir a res vy dhe'm gwas Yakob, mayth esa agas tasow trigys ynno. I ha'ga mebyon, ha mebyon aga mebyon a drig ynno bys vykken, ha Davydh ow gwas a vydh pennsevik dhedha bys vynitha.

Ezekiel 39:29

Ny gudhav ow fas arta dhiworta, rag my re dhiveris ow spyrys war ji Ysrael, yn-medh an Arloedh Duw.

Ezekiel 48:35

An kompas yw etek mil. Ha hanow an sita a-dhia'n jydh na a vydh: Yma an Arloedh Ena.

Yoel 3:17

Yndellma hwi a wodhvydh my dhe vos an Arloedh agas Duw, trigys yn Sion, ow menydh sans. Ha Yerusalem a vydh sans, ha nevra ny wra estrenyon tremena dredhi namoy.

Zekaria 14:11

Tus a wra triga ynni; ny vydh nevra arta sakrys dhe dhistruyans, mes Yerusalem a wra triga yn sawder.

Zekaria 14:20

Y'n jydh na ‘Sansoleth dhe'n Arloedh’ a vydh war glegh an vergh, ha'n pottow yn chi an Arloedh a vydh avel an bollow a-rag an alter.

Yowann 18:1

Wosa leverel an taklow ma, Yesu eth dhe-ves gans y dhyskyblon dres an keynres Kedron, le mayth esa lowarth, hag ev ha'y dhyskyblon a entras ynno.