Yeremia 31:38 - An Bibel Kernewek 20234 (Kernewek Kemmyn)

³⁸ Otta, an dydhyow a dheu, yn-medh an Arloedh, pan vydh drehevys an sita rag an Arloedh a-dhiworth tour Hananel dhe Yet an Gornell.

Yeremia 31:38 ပူးပေါင်းရင်းမြစ်များ

Zekaria 14:10

Oll an tir a dheu ha bos avel Araba dhiworth Geba dhe Rimmon, a'n dyghow dhe Yerusalem. Mes hi a vydh drehevys hag annedhys yn hy le, dhiworth Yet Benyamin dhe dyller an kynsa yet, dhe Yet an Gornell, ha dhiworth Tour Hananel dhe winwaskow an myghtern.

2 Myghternedh 14:13

Yehoash myghtern Ysrael a gemmeras Amasia myghtern Yuda mab Yehoash mab Ahazia yn Beth-shemesh. Ev a dheuth dhe Yerusalem ha gul aswa yn fos Yerusalem dhiworth Yet Efraym bys yn Yet an Gornell, peswar kans kevelin.

Yeremia 30:18

Yndellma y lever an Arloedh: Otta, my a dreyl kethneth tyldow Yakob, ha kemmeres tregeredh war y annedhow; ha'n sita a vydh drehevys war y grug, ha'n palys a sev yn y le ewn.

Yeremia 31:27

Otta, yma an dydhyow ow tos, yn-medh an Arloedh pan hasav chi Ysrael ha chi Yuda gans has den ha has enyval.

2 Kroniklys 26:9

Dres henna Uzzia a dhrehevis touryow yn Yerusalem, orth Yet an Gornell, orth Yet an Nans, hag orth an elin, hag ev a's keras.

Daniel 9:25

Godhvydh ytho ha konvedhes: a-dhia dhyllans an ger rag daswul ha dastrehevel Yerusalem bys devedhyans an pryns untys, y fydh seyth seythunweyth; ha dre dhiw seythun ha tri-ugens y fydh dastrehevys gans plenys ha gans pollgleudh, mes yn prys a ankres.

Yeremia 23:5

Otta, an dydhyow a dheu, yn-medh an Arloedh, pan dhrehavav dhe Davydh Skorrenn wiryon, ha myghtern a reyn ha sewena, hag a wra gwirvreus hag ewnder y'n tir.

Ysay 44:28

neb a gews a Kyrus, ‘Ow bugel yw ev, hag ev a gollenow ow forpos oll’; ow leverel a-dro dhe Yerusalem, ‘Bedhes dastrehevys’, hag a-dro dhe'n tempel, ‘Bedhes hy selven desedhys yn y le.’

Nehemia 2:17

Ena my a leveris dhedha, ‘Hwi a wel an ahwer eson ni ynno, fatell yw Yerusalem difeyth, ha'y yetow leskys gans tan. Dewgh, ha drehevyn ni fos Yerusalem, ma na vydhyn synsys yn disenor namoy.’

Nehemia 3:1

Ena Elyashib an arghoferyas ha'y vreder an oferysi a dhallathas oberi hag i a dhrehevis Yet an Deves. I a's sakras hag a dhesedhas hy darasow; ha bys yn Tour an Kans, i a's sakras, bys yn Tour Hananel.

Yeremia 31:4

Arta my a'th trehav, ha ty a vydh drehevys, A wyrghes Ysrael! ty a vydh tekhes arta gans dha dabourigow, ha mos yn-rag yn dons an re lowen.

Yeremia 33:7

Ha my a dreyl kethneth Yuda ha kethneth Ysrael ha my a's dastrehav par dell ens wor'talleth.

Salmow 102:17

Ev a wra vri a bysadow an den noeth, ha ny dhispres aga fysadow.

Zekaria 2:6

Yn-sol! Yn-sol! Fiewgh a dir an kledh, yn-medh an Arloedh, rag my re'gas lesas avel an peswar gwyns a nev, yn-medh an Arloedh.